Thursday, 28 November 2013 | By: Menaga sathia

வரகரிசி சாதம் /How To Cook Varagarisi Sadham / Kodo Millet Rice | Millet Recipes | Diabetic Recipes


வரகரிசியை பற்றி மேலும் தெரிந்துக் கொள்ள இங்கே பார்க்கவும்.

தே.பொருட்கள்

வரகரிசி - 1 கப்
நீர் - 3 கப்
உப்பு - 1/2 டீஸ்பூன்
எண்ணெய் - 1 டீஸ்பூன்

செய்முறை

*பாத்திரத்தில் நீர்+உப்பு+எண்ணெய் சேர்த்து கொதிக்கவிடவும்.
*தண்ணீர் கொதித்ததும் வரகரிசியை கழுவி சேர்த்து வேகவிடவும்.

*தண்ணிர் வற்றி வரும் போது அடுப்பிலிருந்து இறக்கி மூடி போட்டு 15 நிமிடங்கள் வைக்கவும்.
*15 நிமிடங்களுக்கு பிறகு சாதம் உதிரியாக இருக்கும்.

*காரகுழம்பு,சாம்பார் சாதத்துடன் சாப்பிட நன்றாக இருக்கும்.
பி.கு

* இதே போல் சாதத்துக்கு பதில் தினை,சாமை,குதிரைவாலி போன்ற சிறுதானியங்களில்  சமைக்கலாம்.1 கப் அரிசிக்கு 3 கப் நீர் சேர்த்து சமைக்க வேண்டும்.

This is off to Priya's Vegan Thursday & Gayathri's WTML Event

Monday, 25 November 2013 | By: Menaga sathia

நாண்+பிஸ்ஸா=நாணிஸ்ஸா /Indian Style Naanizza (Naan+ Pizza)

Recipe Source: USmasala

தே.பொருட்கள்

நாண்-  1
பனீர் துண்டுகள்  - 10
பிஸ்ஸா சாஸ் - தேவைக்கு
பொடியாக நறுக்கிய வெங்காயம் - 1 சிறியது
பொடியாக நறுக்கிய கொத்தமல்லித்தழை - சிறிது
துருவிய சீஸ் -  தேவைக்கு
சில்லி ப்ளேக்ஸ் -  1 டீஸ்பூன்
கெட்டித்தயிர் -  1 டேபிள்ஸ்பூன்
மிளகய்த்தூள் - 1 டீஸ்பூன்
கரம்மசாலா -  1/4 டீஸ்பூன்
இஞ்சி பூண்டு விழுது - 1/2 டீஸ்பூன்
நெய்  - 1 டேபிள்ஸ்பூன்

செய்முறை

*ஒரு பவுலில் தயிர்+மிளகாய்த்தூள்+உப்பு+இஞ்சி பூண்டு விழுது +கரம் மசாலா இவற்றை கலந்து பனீர் துண்டுகளை சேர்த்து 1/2 மணிநேரம் ஊறவைத்து தவாவில் எண்ணெய் விட்டு இருபுறமும் வறுத்தெடுக்கவும்.

*அவனை 220 முற்சூடு செய்து நாணை பேக்கிங் டிரேயில் வைத்து 5 வைத்து எடுக்கவும்.

*பின் அதன்மீது பிஸ்ஸா சாஸ் தடவி வறுத்த பனீர் துண்டுகள்+வெங்காயம்+கொத்தமல்லித்தழை+சில்லி ப்ளேக்ஸ்+சீஸ் இவற்றை தூவி விடவும்.

*அதன்மீது நெய் பரவலாக ஊற்றி மீண்டும் 5 - 6 நிமிடங்கள் வரை பேக் செய்து எடுக்கவும்.

பி.கு
*நான் சீஸ் நாண் பயன்படுத்தியிருப்பதால் மேலே தூவும் போது சீஸை குறைவாக பயன்படுத்திருக்கேன்..
Friday, 22 November 2013 | By: Menaga sathia

செட்டிநாடு வெஜ் புலாவ்/ Chettinad Veg Pulao - A Guest Post For Asiya Akka

ஆசியா அக்கா - இவங்களை எனக்கு அறுசுவையிலிருந்து தெரியும்.மெயில் அல்லது முகநூலில்  தொடர்பு கொள்வோம்.அனைவரிடமும் அன்பாக பழகுதிலேயே இவரை அனைவருக்கும் ரொம்ப பிடிக்கும்.

இவரின் நான் வெஜ் சமையல்கள் ரொம்ப நல்லாயிருக்கும்.நிறைய குறிப்புகளை செய்து பார்த்திருக்கேன் .3வலைப்பூவில் எழுதி வருகிறார்.

இப்போ தமிழ் வலைப்பூவில் சிறப்பு விருந்தனர் பக்கம் ஒன்றை ஆரம்பித்திருக்கிறார்.அதில் என்னையும் கலந்துக் கொள்ள அழைப்பு விடுத்து,வெஜ் குறிப்பு கேட்டதால் என்ன செய்வதென்று யோசித்த போது இந்த செட்டிநாடு புலாவ் ஞாபகம் வந்தது.

இந்த புலாவ் செய்முறையை நான் செட்டிநாடு மட்டன் பிரியாணிலிருந்து அப்படியே  வெஜ் புலாவ் ஆக மாற்றி செய்துள்ளேன்.

என்னையும் சிறந்ப்பு விருந்தினராக அழைத்தமைக்கு நன்றி ஆசியாக்கா!!

குறிப்பினை விளக்கபடங்களுடன் பார்க்க இங்கே கிளிக் செய்யவும்.


Tuesday, 19 November 2013 | By: Menaga sathia

குதிரைவாலி உப்புமா | Kuthiraivalli upma | Barnyard Millet Upma | Horsetail Millet Upma | Millets Recipes | Diabetic Recipes


குதிரைவாலி - அனைவரும் மறந்து போன தானியங்களில் இதுவும் ஒன்று.இது ஒரு புன்செய் பயிர். இதில் அதிகளவு நார்ச்சத்து, மாவுசத்து,கொழுப்பு சத்து, சுண்ணாம்பு சத்து,இரும்பு சத்து  மற்றும் பாஸ்பரஸ் இருக்கு.

பயன்கள் =  உடல் எடையைக் குறைக்கவும், இரத்ததில் சர்க்கரை அளவை குறைக்கவும்,ஆண்டி ஆக்ஸிடண்ட் ஆகவும் வேலை செய்கிறது..

குதிரை வாலி


இதில் உப்புமா எப்படி செய்வதென்று பார்க்கலாம்...இதில் நான் ரைஸ் குக்கர் கப்பின் அளவை பயன்படுத்தியுள்ளேன்.

தே.பொருட்கள்

குதிரை வாலி - 1 கப்
தண்ணீர் -3 கப்
பொடியாக நறுக்கிய வெங்காயம் - 1 சிறியது
பொடியாக நறுக்கிய பச்சை மிளகாய் -1
உப்பு -1/2 டீஸ்பூன்

தாளிக்க

எண்ணெய் -2 டீஸ்பூன்
கடுகு+உளுத்தம்பருப்பு - தலா 1/2 டீஸ்பூன்
கறிவேப்பிலை -1 கொத்து
கடலைப்பருப்பு - 1 டேபிள்ஸ்பூன்

செய்முறை

* பாத்திரத்தில் எண்ணெய் விட்டு தாளிக்க கொடுத்துள்ளவைகளை சேர்த்து வெங்காயம்+பச்சை மிளகாய் சேர்த்து வதக்கவும்.


*உப்பு + 3 கப் தண்ணீர் சேர்த்து கொதிக்கவிடவும்.
*கொதித்ததும் குதிரைவாலியை சேர்த்து கிளறவும்.
*தண்ணீர் சுண்டியதும் அடுப்பை அனைத்து விட்டு மூடி போட்டு 15 நிமிடங்கள் வைக்கவும்.
*15 நிமிடங்கள் கழித்து கிளறினால் சுவையான உப்புமா ரெடி!!

பி.கு

*விரும்பினால் இதனுடன் விரும்பிய காய்கள் சேர்த்து செய்யலாம்.

*இதனை அப்படியே சாப்பிடவும்  சுவையாக இருக்கும், சட்னி அல்லது சாம்பாருடன் பரிமாறலாம்.
Thursday, 14 November 2013 | By: Menaga sathia

ஆந்திரா வெஜ் தாளி /Andhra Veg Thali




Recipe Source : Here


ஆந்திரா வெஜ் மெனுவில்  சாதம், சாம்பார்,ரசம்,கோவைக்காய் வறுவல்,வெண்டைககய் பொரியல் என செய்துள்ளேன்.

ஆந்திரா சாம்பார் / Andhra Sambhar


தே.பொருட்கள்

து.பருப்பு - 1/3 கப்
மஞ்சள்தூள் -1/2 டீஸ்பூன்
இஞ்சி பூண்டு விழுது -1 டீஸ்பூன்
நறுக்கிய வெங்காயம் -1
நறுக்கிய தக்காளி - 1
புளிகரைசல் -1/2 கப்
முருங்கைக்காய் -1
கேரட் -2
சாம்பார் பொடி - 2 டீஸ்பூன்
பொடியாக நறுக்கிய கொத்தமல்லித்தழை - சிறிது
உப்பு - தேவைக்கு

எண்ணெயில் வதக்கி அரைக்க

கசகசா - 1 டீஸ்பூன்
கொப்பரைத்துறுவல் - 2 டேபிள்ஸ்பூன்

தாளிக்க

எண்ணெய் - 2 டேபிள்ஸ்பூன்
கடுகு -1/2 டீஸ்பூன்
சீரகம் -1/4 டீஸ்பூன்
பெருங்காயத்தூள் -1/4 டீஸ்பூன்
கறிவேப்பிலை -1 கொத்து
காய்ந்த மிளகாய் -1

செய்முறை

*குக்கரில் துவரம்பருப்பை  மஞ்சள்தூள் சேர்த்து வேகவைக்கவும்.வெந்ததும் நறுக்கிய காய்கள் சேர்த்து  2 விசில் வரை வேகவைத்து எடுக்கவும்.

*அரைக்க கொடுத்துள்ளவைகளை நைசாக அரைக்கவும்.

*பாத்திரத்தில் எண்ணெய் விட்டு தாளிக்க கொடுத்துள்ளவைகளை சேர்த்து தாளித்து இஞ்சி பூண்டு விழுது+வெங்காயம்+தக்காளி +உப்பு என ஒன்றன் பின் ஒன்றாக சேர்த்து வதக்கி  அரைத்த விழுது+சாம்பார் பொடி+புளிகரைசல் சேர்த்து  கொதிக்கவிடவும்.

*கொதித்ததும் வேகவைத்த காய் பருப்பு கலவையை ஊற்றி 10 நிமிடங்கள் கொதிக்க வைத்து  கொத்தமல்லித்தழை தூவி இறக்கவும்.

ஒமம் தக்காளி  ரசம் / Carom Flavoured Tomato Rasam / Tomato Vammu Charu


இதில் ஒமம் சேர்த்து தாளிப்பது தான் செம ருசி,மறக்காமல் சேர்த்து செய்யவும்.

தே.பொருட்கள்

தக்காளி -2
புளி -சிறிய எலுமிச்சை பழளவு
வேகவைத்த துவரம்பருப்பு -2 டேபிள்ஸ்பூன்
ரசப்பொடி -2 டீஸ்பூன்
பொடியாக நறுக்கிய கொத்தமல்லித்தழை -சிறிது
கறிவேப்பிலை -1 கொத்து
மஞ்சள்தூள் -1/4 டீஸ்பூன்
ஓமம் -1/4 டீஸ்பூன்
உப்பு - தேவைக்கு

தாளிக்க

கடுகு -1/2 டீஸ்பூன்
பெருங்காயத்தூள் - 1/4 டீஸ்பூன்
ஓமம் -1/4 டீஸ்பூன்
நசுக்கிய பூண்டுப்பல் -1

செய்முறை

*புளியை 1 கப் நீரில் கரைத்து  வடிகட்டவும்.அதில் அரைத்த தக்காளி+உப்பு+மஞ்சள்தூள் சேர்த்து கொதிக்கவிடவும்.

*கொதிக்கும் போது 1/4 டீஸ்பூன் ஒமத்தை கையால் நுணுக்கி போடவும் மற்றும் ரசப்பொடி+மஞ்சள்தூள் +கறிவேப்பிலை சேர்த்து  மேலும் கொதிக்கவிடவும்.

*நன்கு கொதித்ததும் வேகவைத்த துவரம்பருப்பு+1/4 கப் நீர்+கொத்தமல்லித்தழை சேர்த்து இறக்கி தாளித்து சேர்க்கவும்.


கோவைக்காய் வறுவல்/ Ivy Gourd Fry  | Dondakaya Kobbarikaram Vepudu (Fried Ivy Gourd With Coconut Spice Mix)


இந்த  வறுவல் வித்தியாசமான சுவையில் நன்றாக இருந்தது...

தே.பொருட்கள்

கோவைக்காய் - 1/4 கிலோ
சீரகம் -1/4 டீஸ்பூன்
கறிவேப்பிலை -1 கொத்து
உப்பு+எண்ணெய் =  தேவைக்கு

பொடிக்க

முந்திரி -2 டீஸ்பூன்
கொப்பரைத்துறுவல் - 1 டேபிள்ஸ்பூன்
வேர்க்கடலை - 2 டேபிள்ஸ்பூன்
வரமிளகாய்த்தூள் - 2 டீஸ்பூன்
பூண்டுப்பல் -1
கரம் மசாலா -1/4 டீஸ்பூன்

செய்முறை 

*கோவைக்காயை நீளமாக நறுக்கி எண்ணெயில் பொரித்தெடுக்கவும். நான் எண்ணெயில் பொரிக்காமல் நான் ஸ்டிக் கடாயில் 15 நிமிடங்கள் சிறுதீயில் வறுத்து செய்துள்ளேன்.

*பொடிக்க கொடுத்துள்ளவைகளில் உப்பு சேர்த்து  நைசாக பொடிக்கவும்.

*கடாயில் எண்ணெய் விட்டு சீரகம்+கறிவேப்பிலை சேர்த்து தாளித்து  பொடித்த பொடி+பொரித்த கோவைக்காய்+தேவையான உப்பு சேர்த்து 5 நிமிடங்கள் கிளறி இறக்கவும்.

வெண்டைக்காய் பொரியல் | Bendakaya Vepudu | Okra Poriayl



Recipe Source : Here

தே.பொருட்கள்

வெண்டைக்காய் -1/4 கிலோ
பொடியாக நறுக்கிய வெங்காயம் -1 சிறியது
இஞ்சி பூண்டு விழுது -1/2 டீஸ்பூன்
மிளகாய்த்தூள் -1 டீஸ்பூன்
தேங்காய்த்துறுவல் - 2 டேபிள்ஸ்பூன்
பொடித்த வேர்க்கடலை -1/4 கப்
உப்பு+எண்ணெய் = தேவைக்கு

தாளிக்க

கடுகு -1/2 டீஸ்பூன்
காய்ந்தமிளகாய் -1
கறிவேப்பிலை -1 கொத்து

செய்முறை

*வெண்டைக்காயை கழுவி துடைத்து  சிறுதுண்டுகளாக நறுக்கவும்.

*கடாயில் எண்ணெய் விட்டு தாலிக்க கொடுத்துள்ளவைகளை சேர்த்து தாளித்து இஞ்சி பூண்டு விழுது+வெங்காயம் சேர்த்து வதக்கவும்.

*வதங்கியதும் மிளகாய்த்தூள் + வெண்டைக்காய் +உப்பு சேர்த்து வதக்கவும்.இடையே வெண்டைக்காயின் கொழகொழப்பு போக 1 டேபிள்ஸ்பூன் எலுமிச்சை சாறு சேர்த்து வதக்கவும்.

*வெந்ததும்  தேங்காய்த்துறுவல்+வேர்க்கடலை பொடி சேர்த்து கிளறி இறக்கவும்.
Wednesday, 13 November 2013 | By: Menaga sathia

பேரீச்சம்பழ சாக்லேட் ப்ரவுணீஸ் / Dates & Chocolate Brownies - A Guest Post By Priya Suresh

ப்ரியா - இவரை வலையுலகில் வந்த பிறகுதான் தெரியும். ஆங்கில வலைப்பூவில் இவரை தெரியாதவர்கள் மிக குறைவு.தமிழ் வலைப்பூவில் திண்டுக்கல் தனபாலன் (டி.டி) சார் கமெண்ட் இருக்கும் அதுபோல ஆங்கிலம் மற்றும் தமிழ் வலைப்பூவில் ப்ரியாவின் கமெண்ட் இருக்கும்.
இப்போழுது இன்னொரு வலைப்பூ தொடங்கி அதிலயும் எழுதி வருகிறார்.


நாங்கள் இருவரும் ஒரே ஊர் மட்டுமில்லை,இப்போழுதும் ஒரே ஊரில் தான் வசிக்கிறோம்..ஆனா இதுவரை பார்த்ததில்லை.போன வருடம் முகநூலில் அவராகவே என்னை தொடர்பு கொண்டு போன் மூலம் பேசினோம்.இப்போழுது எப்போ நினைக்கிறமோ அப்போ பேசுவோம்.அதுவரை இருவரும் எப்படி பேசுவதென்று தயக்கம்.இப்போ அவர் எனக்கு நல்லதொரு தோழி மட்டுமில்லை எனக்கு ஒரு சகோதரியும் கூட.....

அவரிடம் கெஸ்ட் போடுமாறு கேட்டுக் கொண்ட போது மறுநிமிடமே சம்மதித்து 1 வாரத்துக்குள் ரெசிபியை மெயில் செய்துவிட்டார்.


அவரின் வலைப்பூவில் இல்லாத ரெசிபியே இல்லை என சொல்லலாம்.இதுவரை ஏராளமான குறிப்புகளை பகிர்ந்துள்ளார்,அதாவது +3000 ரெசிபிகள் என சொல்லலாம்.ஆச்சர்யமா இருக்குல்ல அதான் ப்ரியா...

இண்டர்நேஷனல் ரெசிபி வேண்டுமென்றால் அவரின் வலைப்பூவில் பார்க்கலாம்.நானே நிறைய ப்ரெஞ்ச் ரெசிபிகளை அவரின் வலைப்பூவில் பார்த்துதான் தெரிந்துக் கொண்டேன்.

அவர் எனக்கு மெயிலில் அறிமுகம் செய்த விதத்தை அப்படியே நான் ஆங்கிலத்திலயே காபி பேஸ்ட் செய்துள்ளேன்,ஏன்னா மொழிபெயர்ப்பு செய்யும் போது சில வார்த்தைகள் மாறிவிடலாம்.

இனி அவரைப் பற்றி

A small introduction about Priya....


Am Priya Suresh, I blog @Priya's Versatile recipes.Am blogging since 5yrs and i share many dishes from easy to International. My love for food pulled me to open an another blog and having totally two food blogs now. 


Menaga, i came to know her few years back through this virtual world. Once we chatted together through a social network and came to know that we are from both city and we are living in same city too, thats really amazing rite. 


Now we talk for hours in fone and we never to forget to call each other whenever we feel like talking, she is one among my virtual sisters who can comfort me with her kind and honest words and she was very supportive when i lost my father. Menaga, a wonderful person and rare pearl i found in this immense virtual world and seriously i cherish her friendship, thanking God for introducing Menaga to me during this occasion.

When Menaga asked me for a guest post, i accepted immediately, yes how can i say no to one of the down to earth blogger i have crossed. She asked me for a brownie recipe and hence i prepared this low fat brownies for her, hope you all will like this low fat delicious,super moist dates and chocolate brownies.

நல்லதொரு அழகான ரெசிபிக்கு மிக்க நன்றி ப்ரியா!!,விரைவில் செய்து பார்க்கிறேன்..

ப்ரவுணீஸ் பற்றி..

*இது கேக் போல இல்லாமலும் குக்கீஸ்  போல இல்லாமலும் இருக்கும்,சாப்பிட மிக சுவையாக இருக்கும்.

*இதனை கோகோ பவுடர் அல்லது சாக்லேட் சேர்த்துதான் செய்வார்கள்.சாக்லேட் இல்லாமல் செய்வதை  Blondie சொல்வார்கள்.


தே.பொருட்கள்

மைதா -1 கப்
பேரீச்சம்பழ விழுது -1/2 கப் 
சர்க்கரை / தேன் -  2 டேபிள்ஸ்பூன்
சமையல் எண்ணெய் -1/2 கப்
முட்டை -2
பேக்கிங் பவுடர் -1/2 டீஸ்பூன்
கோகோ பவுடர் -2 டேபிள்ஸ்பூன்
சாக்லேட் சிப்ஸ் -1/4 கப்

செய்முறை

*சதுர வடிவ பேக்கிங் பானில் எண்ணெய் தடவி வைக்கவும்.அவனை  350 /180 முற்சூடு செய்யவும்.

*மைதா+கோகோ பவுடர்+பேக்கிங் பவுடர் இவற்றினை ஒன்றாக கலந்து 2 முறை சலிக்கவும்.

*பவுலில் பேரீச்சம்பழ விழுது+எண்ணெய்+ சர்க்கரை / தேன் இவற்றை ஒன்றாக கலக்கவும்.



*சர்க்கரை சேர்ப்பதாக இருந்தால் சர்க்கரை கரையும் வரை நன்கு கலக்கவும்.

*சர்க்கரை கரைந்ததும் ஒவ்வொரு முட்டையாக ஊற்றி மிருதுவாக கலக்கவும்.

*இப்போழுது மைதா கலவையினை கொஞ்ச கொஞ்சமாக சேர்க்கவும்.கலவையினை மிருதுவாக கலந்து விடவும்.

*சாக்லேட் சிப்ஸ் சேர்த்து கலந்து  சதுர வடிவ டிரேயில் ஊற்றி  20-25 நிமிடங்கள் வரை பேக் செய்து எடுக்கவும்.

Friday, 8 November 2013 | By: Menaga sathia

தேனும் தினை மாவும் | Thenum Thinai ( Foxtail Millet / Italian Millet) Maavum | Millet Recipes

இன்று கந்த ஷஷ்டி விரதம்.தேனும் தினைமாவும் முருகனுக்கு பிடித்த நைவேத்தியம்.


தினை - இது சிறு தானியங்களில் ஒன்று.சிறு தனியங்கள் மொத்தம் ஏழு.அவை  கேழ்வரகு / Finger Millet, தினை / Foxtail Millet , வரகு / Kodo Millet, சாமை /Little Millet, கம்பு /Pearl Millet ,குதிரை வாலி / Barnyard Millet , பனிவரகு / Proso Millet.

தினை என்றதும் நமக்கு நினைவு வருவது முருக கடவுள் தான்.இது இதயத்தை பலப்படுத்த உதவுகிறது.

தே.பொருட்கள்

தினை - 1/2 கப்
 துருவிய வெல்லம் - 1/4 கப்
ஏலக்காய்த்தூள் -1/4 டீஸ்பூன்
தேன் - 1 டீஸ்ஸ்பூன்
நெய் -2 டீஸ்பூன்

செய்முறை

*தினையை  லேசாக நீர் தெளித்து சிறிது நேரம் பிசிறி வைக்கவும்.
தினை

பின்  நைசாக பொடிக்கவும்.அதனுடன் ஏலக்காய்த்தூள்+வெல்லம்+தேன் சேர்த்து பிசையவும்.



*உருண்டையாக பிடித்து  நடுவில் குழி போல் செய்து அதனுள் நெய் ஊற்றி மாவிளக்கு போல் விளக்கேற்றி படைக்கலாம்.

*அல்லது அப்படியே உருண்டை போல் பிடித்தும் பரிமாறலாம்.சுவை அலாதியாக இருக்கும்.
Thursday, 7 November 2013 | By: Menaga sathia

கொள்ளு சாதம் /Kollu(Horsegram) Rice

ஆஹா என்ன ருசி -இல் பார்த்து செய்தது..... டயட்டில் இருப்பவர்களுக்கு ஏற்றது!!

தே.பொருட்கள்
உதிராக வடித்த சாதம் - 1 கப்
வேகவைத்த கொள்ளு - 1/2 கப்
பொடியாக அரிந்த வெங்காயம் - 1 சிறியது
கீறிய பச்சை மிளகாய் - 2
உப்பு - தேவைக்கு

தாளிக்க

வெந்தயம் +மிளகு  - தலா 1/4 டீஸ்பூன்
சீரகம் - 1/2  டீஸ்பூன்
மஞ்சள்தூள் - 1/4 டீஸ்பூன்
கறிவேப்பிலை - 1 கொத்து
எண்ணெய் - 1 டீஸ்பூன்

செய்முறை
*கடாயில் எண்ணெய் விட்டு தாளிக்க கொடுத்துள்ளவைகளைப் போட்டு தாளித்து வெங்காயம்+பச்சை மிளகாய் சேர்த்து வதக்கவும்.

*பின் வேகவைத்த கொள்ளு+உப்பு+கொள்ளு வேகவைத்த நீர் 1/4 கப் குறைவாக சேர்த்து கொதிக்கவிடவும்.

*சாதத்தை சேர்த்து கிளறி இறக்கவும்.

பி.கு
சின்ன வெங்காயத்திற்கு பதில் நான் பெரிய வெங்காயம் சேர்த்து செய்திருக்கேன்.

Monday, 4 November 2013 | By: Menaga sathia

பட்டர் பனீர் மசாலா/Butter Paneer Masala

தே.பொருட்கள்

பனீர் -250 கிராம்
வெங்காயம் - 1 பெரியது
தக்காளி - 1 பெரியது
கரம் மசாலா - 1/2 டீஸ்பூன்
காஷ்மிரி மிளகாய்த்தூள் - 1 1/2 டீஸ்பூன்
தனியாத்தூள் -1 டீஸ்பூன்
பால் - 1/4 கப்
கசூரி மேத்தி - 1 டீஸ்பூன்
வெண்ணெய் - 3 டேபிள்ஸ்பூன்
உப்பு+எண்ணெய் -தேவைக்கு

செய்முறை

*பனீரை சிறிது எண்ணெயில் வறுத்து உப்பு கலந்த நீரில் 10 நிமிடம் போட்டு நீரை வடிகட்டவும்.

*வெங்காயத்தை முழுதாக தோலுரித்து நான்காக கீறி உப்பு கலந்த கொதிக்கும் நீரில் 5 நிமிடங்கள் வேகவைத்து எடுத்து அரைக்கவும்.

*தக்காளியையும் கொதிக்கும் நீரில் போட்டு தோலுரித்து அரைக்கவும்.

*பாத்திரத்தில் வெண்ணெய் விட்டு வெங்காய விழுது+இஞ்சி பூண்டு விழுது+தக்காளி விழுது என அனைத்தையும் ஒன்றன் பின் ஒன்றாக போட்டு வதக்கவும்.

*பச்சை வாசனை அடங்கியதும் தூள் வகைகள்+உப்பு  சேர்த்து மேலும் சிறிது நேரம் வதக்கவும்.

*தேவையானளவு நீர் + பால்  சேர்த்து கொதிக்க வைத்த பின் பனீர் துண்டுகளை சேர்த்து 5நிமிடம் கழித்து இறக்கவும்.

பி.கு

*வெங்காயத்தை வேகவைத்து அரைப்பதால் க்ரேவி கெட்டியாக நன்றாக இருக்கும்.

*பாலுக்கு பதில் ப்ரெஷ் க்ரீம் சேர்க்கலாம்.
01 09 10