குலோப் ஜாமூன் /Gulab Jamun Using Milk Powder

இன்றுடன் வலைப்பூவில் எழுத தொடங்கி 6 ஆண்டுகள் நிறைவடைகிறது...

தே.பொருட்கள்

பால் பவுடர் - 1 கப்
மைதா -1/4 கப்
பேக்கிங் சோடா - 1 சிட்டிகை
வெண்ணைய் -2 டேபிள்ஸ்பூன் (அறைவெப்பநிலையில்)
குளிர்ந்த பால் - தேவைக்கு
சர்க்கரை - 1 1/2 கப்
நீர் - 1 1/2 கப்
ஏலக்காய்த்தூள் -1/4 டீஸ்பூன்
ரோஸ் எசன்ஸ் - 2 துளிகள்
எண்ணெய் -பொரிக்க

செய்முறை

* பால் பவுடர் + மைதா + சோடா உப்பு மூன்றையும் நன்றாக சலித்து  வெண்ணெய் சேர்த்து  கலக்கவும்.

*பின் தேவைக்கு பால் சேர்த்து மிருதுவாக பிசையவும்.மாவு கைகளில் ஒட்டும் பதத்தில் இருக்கும். 5 நிமிடம் வைத்திருந்து சிறு உருண்டைகளாக உருட்டவும்.

*பாத்திரத்தில் சர்க்கரை+நீர் சேர்த்து சர்க்கரை கரையும் வரை கொதிக்கவிடவும்.பிசுபிசுப்பு பதம் வந்தவுடன்  அடுப்பிலிருந்து இறக்கி ஏலக்காய்த்தூள்+ரோஸ் எசன்ஸ் சேர்க்கவும்.

*எண்ணெயில் பொன்னிறமாக பொரித்தெடுத்து சர்க்கரை பாகில் 3 - 4 மணிநேரங்கள் ஊறவைத்து  பரிமாறவும்.

*இதனை ஐஸ்க்ரீம் அல்லது அல்வாவுடன் பரிமாற சுவையாக இருக்கும்.

பி.கு

* மாவில் பேக்கிங் சோடா அதிகம் சேர்த்தால் பொரிக்கும் போது உதிர்ந்துவிடும்

* உருண்டையை உருட்டும் போது வெடிப்புகள் இல்லாமல் உருட்டவும் இல்லையெனில்  சர்க்கரை பாகில் ஊறியதும் உதிர்ந்துவிடும்.அப்படி உருட்டும் போது வெடிப்பு வந்தால் மாவினை மேலும் சிறிது பால் தெளித்து பிசையவும்.

*எண்ணெய் அதிகம் காயவைத்து பொரித்தால் ஜாமூன் மேலே பொன்னிறமாகவும்,உள்ளே வேகாமலும் இருக்கும்.மிதமான சூட்டில் பொரிக்கவும்.

*பொரித்த உருண்டைகளை சர்க்கரை பாகு மிதமான சூட்டில் இருக்கும் போது போடவும்.சூடான பாகில் போட்டால் உருண்டை ஊறியதும் எடுக்கும் போது உடையும்.

*உருண்டைகளை சிறியதாக உருட்டவும்,பொரிக்கும் பொது 2 மடங்காகும்.