கெஜரா / கெஜிரா | Gejira | Gaejira | Maida Sweet Square Cut Recipe

 PRINT IT

 சின்ன வயசுல பெட்டிக்கடையில இந்த கெஜிரா,எலந்தை வடை,தேன் மிட்டாய்,பட்டர் பிஸ்கட் இதெல்லாம் வாங்கி சாப்பிட்டது.இப்போழுதும் ஊருக்கு போனால் தேடி வாங்கி சாப்பிடுவேன்.இந்த கெஜிராவை 1 ரூபாய்க்கு 10 கொடுப்பாங்க..

இப்போழுது இதன் செய்முறையை பார்க்கலாம்

தே.பொருட்கள்

மைதா - 3/4 கப்
சர்க்கரை - 1/4 கப்
ரவை - 2 டேபிள்ஸ்பூன்
ஏலக்காய் - 2
உப்பு - 1/8 டீபூன்
பேக்கிங் சோடா -1சிட்டிகை
வெண்ணெய் -2 டேபிள்ஸ்பூன்
எண்ணெய் -பொரிக்க‌

செய்முறை

*சர்க்கரையை ஏலக்காய் சேர்த்து பொடிக்கவும்.

*பாத்திரத்தில் எண்ணெய் தவிர மேற்கூறிய பொருட்களை சேர்த்து ஒன்றாக கலந்து 2 டீஸ்பூன் அளவு நீர் சேர்த்து பிசையவும்.

 *இதனை க்ளியர் ராப் கவரில் சுற்றி 1/2 மணிநேரம் ப்ரிட்ஜில் வைக்கவும்.

*பின் பெரிய உருண்டையாக எடுத்து நீளவாக்கில் மெலிதாக கயிறு போல் சமமாக உருட்டவும்.

 *பின் கத்தியில் சிரிய சதுரங்களாக வெட்டி எண்ணெயில் பொன்னிறமாக பொரித்தெடுக்கவும்.

பி.கு

*குறைவான நீர் சேர்த்து பிசையவும்,இல்லையெனில் மாவு இளகி உருட்ட வராது அல்லது எண்ணெயில் பொரிக்கும் போது உதிர்ந்துவிடும்.

*பேக்கிங் சோடாவை மிக குறைவாக சேர்க்கவும்.