Thursday, 26 June 2014 | By: Menaga sathia

கத்திரிக்காய் கொத்சு - 2/Brinjal Kotsu -2 | Side Dish For Idli ,Dosa & Pongal

தே.பொருட்கள்

பெரிய‌ கத்திரிக்காய் - 1
புளி கரைசல் - 1 1/2 கப்
உப்பு - தேவைக்கு
நல்லெண்ணெய் - 1 டேபிள்ஸ்பூன்

தாளிக்க‌
கடுகு+உளுத்தம்பருப்பு -   தலா 1/2 டீஸ்பூன்
கறிவேப்பிலை - 1 கொத்து
காய்ந்த மிளகாய் - 2

செய்முறை

*கத்திரிக்காயில் எண்ணெய் தடவில் அடுப்பில் சுட்டு எடுக்கவும்.


*ஆறியதும் தோலுரித்து புளிகரைசலில் உப்பு சேர்த்து மசித்துக் கொள்ளவும்.


*பாத்திரத்தில் எண்ணெய் விட்டுதாளிக்க கொடுத்துள்ளவைகளை சேர்த்து தாளித்து புளிகரைசலை ஊற்றி நன்கு கொதிக்க வைத்து எடுக்கவும்.

*சூடான இட்லி தோசையுடன் சாப்பிட செம ருசி..

*இது அரிசி உப்புமாவுக்கும்,பொங்கலுக்கும் பெஸ்ட் காம்பினேஷன்.

பி.கு

*இதில் விரும்பினால் தனியா,காய்ந்த மிளகாய்,கடலைப்பருப்பு இவற்றை வறுத்து பொடி செய்து சேர்க்கலாம்.பொடி சேர்க்காமலேயே நன்றாக இருக்கும்.

This is off to Priya's Vegan Thursday
Monday, 23 June 2014 | By: Menaga sathia

கனவா மீன் வறுவல் /Squid (Calamar) Fry

தே.பொருட்கள்

கனவா மீன் - 1 கிலோ
நறுக்கிய வெங்காயம் -1 பெரியது
நறுக்கிய தக்காளி - 1 பெரியது
சோம்பு - 1 டீஸ்பூன்
மஞ்சள்தூள் -1/2 டீஸ்பூன்
மிளகாய்த்தூள் -1 டேபிள்ஸ்பூன்
பொடியாக நறுக்கிய கொத்தமல்லித்தழை -சிறிதளவு
உப்பு+எண்ணெய் = தேவைக்கு

செய்முறை

*கனவா மீனை சுத்தம் செய்து நறுக்கி மஞ்சள்தூள்+நீர் சேர்த்து வேகவைத்து நிரை வடிகட்டவும்.
*கடாயில் எண்ணெய் விட்டு சோம்பு சேர்த்து தாளித்து நறுக்கிய வெங்காயம்+தக்காளி +உப்பு என ஒன்றன் பின் ஒன்றாக சேர்த்து வதக்கவும்.

*பின் மிளகாய்த்தூள் சேர்த்து நன்கு வதக்கி வேகவைத்த மீனை சேர்த்து நன்கு கிளறி கொத்தமல்லித்தழை தூவி இறக்கவும்.

பி.கு

*மீனை வேகவைத்து வறுப்பதால் வறுக்கும் போது வெடிக்காது.
Thursday, 19 June 2014 | By: Menaga sathia

சாக்லேட் கேக்/Chocolate Cake With Chocolate Frosting | Cake Recipes


தே.பொருட்கள்

சாக்லேட் கேக் -2

Chocolate Ganache செய்ய

டார்க் சாக்லேட்  - 250 கிராம்
வெண்ணெய் - 25 கிராம்
ப்ரெஷ் க்ரீம் - 1/3 கப்

சாக்லேட் ப்ராஸ்டிங் செய்ய

விப்பிங் க்ரீம் - 1 கப்
Chocolate Ganache

பட்டர் க்ரீம் ப்ராஸ்டிங் செய்ய

உப்பில்லாத வெண்ணெய் -50 கிராம்
ஐசிங் சர்க்கரை -100 கிராம்
பால் -சிறிதளவு

செய்முறை

சாக்லேட் கேக்கினை ரெடிமேட் கேக் மிக்ஸில் முட்டை சேர்த்து செய்திருக்கேன்.பாக்கெட்டில் கொடுத்துள்ளபடி கேக்கினை செய்துக் கொள்ளவும்.

முட்டை இல்லாமல் கேக் செய்ய இங்கே பார்க்கவும்.

Chocolate Ganache செய்ய டார்க் சாக்லேட்டினை நறுக்கவும்.

*ஒரு பவுலில் நறுக்கிய சாக்லேட் +வெண்ணெய் +ப்ரெஷ் க்ரீம் சேர்த்து டபுள் பாய்லரில் கரைய விடவும்.கரைந்ததும் ஆறவைக்கவும்.

*விப்பிங் க்ரீமை நன்கு அடிக்கவும்.

*அதனை சாக்லேட் கலவையில் சேர்த்து மிருதுவாக கலக்கவும்.
*கேக்கின் மேல் பாகத்தை மேலோடு வெட்டி எடுக்கவும்.

*கார்ட்போர்ட்டில் அலுமினியம் பேப்பரஐ 2 இஞ்சி கூடுதலாக வெடி சுற்றிலும் ஒட்டி விடவும்.

*கார்ட்போர்ட் மேலே விப்பிங் க்ரீமை தடவி கேக்கின் ஒரு லேயரை வைத்து அதன் மேல் சாக்லேட் ப்ராஸ்டிங்கை தடவவும்.

*கார்ட்போர்டில் கேகினை வைத்த பிறகு சுற்றிலும் பட்டர் பேப்பரை வைக்கவும்.இப்படி செய்வது ப்ராஸ்டிங் தடவும் போது கார்ட்போர்டில் படாமல் இருக்கும்.

*ப்ராஸ்டிங் செய்து முடித்ததும் எடுத்துவிடலாம்.

*இதே போல் இன்னோரு லேயர் கேக்கினை செய்து சுற்றிலும் ப்ராஸ்டிங்கை தடவவும்.
*ப்ராஸ்டிங் செய்து முடித்ததும் சுற்றிலும் விரும்பிய டிசைனை செய்யலாம்.

*இங்கு நான் சாதரண டிசைன் டிப்பின் மூலம் Basket Weave Decoration செய்து இருக்கேன்.

*கேக்கின் லேலே பல் குத்தும் குச்சியில் நாம் விரும்பும் எழுத்தினை எழுதவும்.
பட்டர் க்ரீம் ப்ராஸ்டிங் செய்ய

*பட்டரை அறை வெப்பநிலையில் வைத்திருக்கவும்.
*பின் ப்ளெண்டரில் நன்கு அடிக்கவும்.லைட் மஞ்சள் கலர் வரும் வரை ஸ்லோ பீடில் அடிக்கவும்.

*2 டேபிள்ஸ்பூன் ஐசிங் சர்க்கரையை சிறிது சிறிதாக சேர்த்து கலக்கவும்.அனைத்து சர்க்கரையும் இதே போல் சேர்த்த பின்னர் கலவை உதிரியாக முட்டை பொடிமாஸ் போல வரும்.

*அப்போழுது 1 டேபிள்ஸ்பூன் பால் சேர்த்து கலக்கவும்.இல்லையெனில் 1 டீஸ்பூன் பால் சேர்த்துகலக்கவும்.

*விரும்பினால் கலர் சேர்க்கலாம்.பட்டர் க்ரீம் பராஸ்டிபிங் ரெடி!!
*ஜிப்லாக் கவரில் க்ரீமை நிரப்பி,அடியில் கத்திரிக்கோலால் சிறிய அளவில் வெட்டி எடுக்கவும்.

*நாம் விரும்பியவாறு கேக்கில் எழுதவும்.

*பின் சுற்றிலும் விரும்பிய டிப்களில் கேக்கினை சுற்றி அலங்கரிக்கவும்.
பி.கு
*பட்டர் க்ரீம் ப்ராஸ்டிங் செய்யும் போது பட்டரை ஒருபோதும் மைக்ரோவேவில் உருக்ககூடாது.

*செய்யும் நேரத்திற்கு முன்பு பட்டரை எடுத்து பொடியாக வெட்டி 1‍ அல்லது 2 மணிநேரத்திற்கு முன் வெளியே எடுத்து வைத்து உபயோகிக்க வேண்டும்.

*எப்போழுதும் ஐசிங் சர்க்கரை சேர்க்கும் போது சலித்து விட்டு பயன்படுத்தவும்.
Friday, 13 June 2014 | By: Menaga sathia

பஞ்சாபி வெஜ் தாளி / Punjabi Veg Thali | Thali Recipes

பஞ்சாபி சமையலில் அதிகம் பனீர்,பால் ,தயிர் , நெய் அல்லது வெண்ணெய் மற்றும் கரம் மசாலா சேர்த்து செய்வார்கள்.

இதில் நான் சமைத்திருப்பது  இடமிருந்து வலமாக

வெள்ளரிக்காய் சாலட்
அம்ரிஷ்சரி ஆலு குல்சா
பஞ்சாபி கறுப்புக்கடலை மசாலா
பஞ்சாபி வெஜ் பிரியாணி
வெள்ளரிக்காய் தக்காளி ராய்த்தா
மசாலா லஸ்ஸி மற்றும்
குலோப்ஜாமூன்

குலோப்ஜாமூனை மட்டும் முதல் நாளே செய்து வைக்கலாம்.குலோப்ஜாமூன் மற்றும் ஆலு குல்சா செய்வதற்கு மாவு ஊறவைக்கும் நேரம் தவிர இதனை மொத்தமாக சமைக்க 1 மணிநேரம் மட்டுமே ஆகும்.

பரிமாறும் அளவு - 3 நபர்கள்
சமைக்கும் நேரம் - 1 மணிநேரம்

பஞ்சாபி வெஜ் பிரியாணி / Punjabi Veg Biryani

இந்த பிரியாணியின் ஸ்பெஷல் தாளிக்கும் போது மிளகு சீரகம் சேர்க்கவேண்டும்.மற்றும் தக்காளியினை வதக்கி சேர்க்காமல் கடைசியாக சேர்க்க வேண்டும்.புதினா  சேர்க்ககூடாது.


தே.பொருட்கள்

பாஸ்மதி -2 கப்
கேரட்+பீன்ஸ்+பச்சை பட்டாணி - 1 1/2 கப்
வெங்காயம் -1
தக்காளி -1
இஞ்சி பூண்டு விழுது - 1 டீஸ்பூன்
தயிர் - 1 டேபிள்ஸ்பூன்
வெண்ணெய் - 1 டேபிள்ஸ்பூன்
மஞ்சள்தூள் - 1/2 டீஸ்பூன்
தனியாத்தூள் - 1 டீஸ்பூன்
மிளகாய்த்தூள் - 1 டீஸ்பூன்
பிரியாணி மசாலா -1/2 டீஸ்பூன்
பொடியாக நறுக்கிய கொத்தமல்லித்தழை - சிறிது
எண்ணெய் - 1 டேபிள்ஸ்பூன்
உப்பு -தேவைக்கு

தாளிக்க
பட்டை -சிறுதுண்டு
ஏலக்காய் - 2
கிராம்பு -4
மிளகு -5
சீரகம் - 1/2 டீஸ்பூன்

செய்முறை
*அரிசியை கழுவி 15 நிமிடம் ஊறவைக்கவும்.வெங்காயம்+தக்காளி+கேரட்+பீன்ஸ் நறுக்கவும்.

*குக்கரில் எண்ணெய் ஊற்றி தாளிக்க கொடுத்துள்ள பொருட்களை சேர்த்து தாளித்து வெங்காயம் சேர்த்து வதக்கவும்.

*வதங்கியதும் காய்கள்+ இஞ்சி பூண்டு சேர்த்து 5 நிமிடம் வதக்கவும்.

*பின் தயிர்+வெண்ணெய் சேர்த்து வதக்கவும்.
*இவைகள் வதங்கியதும் தூள் வகைகள்+ அரிசி சேர்த்து வதக்கி உப்பு+2 1/2 கப் நீர் சேர்க்கவும்.

*பின் நறுக்கிய தக்காளி+பிரியாணி மசாலா சேர்த்து 3 விசில் வரை வேகவைக்கவும்.
*பரிமாறும் போது கொத்தமல்லித்தழை தூவி அலங்கரிக்கவும்.


பஞ்சாபி காலசன்னா மசாலா / Punjabi Kala Chana Masala


தே.பொருட்கள்

கறுப்புக்கடலை -1 கப்
பொடியாக நறுக்கிய வெங்காயம் - 1
தக்காளி விழுது -1
இஞ்சிப்பூண்டு விழுது - 1 டீஸ்பூன்
தனியாத்தூள்+மிளகாய்த்தூள் - தலா 1 டீஸ்பூன்
கரம்மசாலா -1/2 டீஸ்பூன்
பொடியாக நறுக்கிய கொத்தமல்லித்தழை - அலங்கரிக்க
சீரகம் -3/4 டீஸ்பூன்
பட்டை - சிறுதுண்டு
கிராம்பு -3
ஏலக்காய் -2
உப்பு+எண்ணெய் -தேவைக்கு

செய்முறை

*கடலையை முதல்நாள் இரவே ஊறவைத்து மறுநாள் தேவைக்கு நீர் சேர்த்து+உப்பு+பட்டை+கிராம்பு+ஏலக்காய் சேர்த்து வேகவைத்து எடுக்கவும்.

*வெந்ததும் முழு கரம் மசாலாக்களை எடுத்து விடவும்.1/4 கப் வேகவைத்த கடலையை மட்டும்  அரைக்கவும்.

*பாத்திரத்தில் எண்ணெய் ஊற்றி சீரகம் சேர்த்து தாளித்து வெங்காயம்+இஞ்சி பூண்டு விழுது+தக்காளி+தூள் வகைகள் என ஒன்றன் பின் ஒன்றாக சேர்த்து வதக்கவும்.

*பின் வேகவைத்த கடலை மற்றும் வேகவைத்த நீரோடு சேர்த்து கொதிக்கவிடவும்.

*பச்சை வாசனை போனதும் அரைத்த கடலை விழுதை சேர்த்து 5 நிமிடங்கள் கொதிக்க வைத்து கொத்தமல்லித்தழை தூவி இறக்கவும்.

அம்ரிஷ்சரி ஆலு குல்சா / Amritsari Aloo Kulcha


தே.பொருட்கள்
மைதா - 1 கப்
பால் - 1/4 கப்
தயிர் - 1/4 கப்
சர்க்கரை - 1 டீஸ்பூன்
பேக்கிங் சோடா - 1/4 டீஸ்பூன்
பேக்கிங் பவுடர் - 1/2 டீஸ்பூன்
எண்ணெய் -2 டேபிள்ஸ்பூன்
உப்பு - தேவைக்கு
வெண்ணெய் - சுடுவதற்கு

அம்ரிஷ்சரி ஆலு ஸ்டப்பிங் செய்ய

வேகவைத்த மசித்த உருளை - 1 கப்
பொடியாக நறுக்கிய பச்சை மிளகாய் -1
துருவிய இஞ்சி - 1/4 டீஸ்பூன்
ஆம்சூர் பவுடர் - 3/4 டீஸ்பூன்
கரம் மசாலா -1/4 டீஸ்பூன்
தனியாத்தூள் -1 டீஸ்பூன்
வரமிளகாய்த்தூள் -1/4 டீஸ்பூன்
பொடியாக நறுக்கிய கொத்தமல்லித்தழை -1  டேபிள்ஸ்பூன்
உப்பு - தேவைக்கு

செய்முறை
*மைதா+பேக்கிங் சோடா+உப்பு+பேக்கிங் பவுடர் சேர்த்து 3 முறை சலிக்கவும்.

*அதனுடன் பால்+தயிர்+1 டேபிள்ஸ்பூன் எண்ணெய் சேர்த்து பிசையவும்.தேவையென்றால் மட்டும் மேலும் பால் தெளித்து மாவை கொஞ்சம் தளர்த்தியாக பிசைந்து ஈரத்துணியால் மூடி 1 மணிநேரம் வைக்கவும்.

*ஸ்டப்பிங் செய்ய கொடுத்துள்ள பொருட்களை மட்டும் ஒன்றாக கலந்து மசித்து வைக்கவும்.

*1 மணிநேரத்திற்கு பின் மாவினை நன்கு பிசைந்து 4 பெரிய உருண்டைகளை எடுக்கவும்.

*உருட்டும் கட்டையில் எண்ணெய் தடவி உருண்டையை லேசாக தேய்த்து அதன் மேல் உருளை ஸ்டப்பிங் வைத்து மூடவும்.

*மீண்டும் எண்ணெய் தடவி ஸ்டப்பிங் வெளியே வராதபடி மெலிதாக உருட்டவும்.

*நான்ஸ்டிக் கடாயில் இருபக்கமும் வேகவைத்து வெண்ணெய் தடவி பரிமாறவும்.

மசாலா லஸ்ஸி / Masala Lassi


தே.பொருட்கள்

தயிர் - 1 கப்
புதினா + கொத்தமல்லித்தழை - 1/4 கப்
இஞ்சி சாறு - 1 டீஸ்பூன்
உப்பு - தேவைக்கு

செய்முறை

* முதலில் புதினா + கொத்தமல்லித்தழை சேர்த்து அரைத்த பிறகு தயிர்+உப்பு +இஞ்சிசாறு சேர்த்து நன்கு ப்ளெண்டரில் அரைத்து பரிமாறவும்.

பி.கு
விரும்பினால் வறுத்துப் பொடித்த சீரகப்பொடியை தூவி பரிமாறலாம்.

வெள்ளரிக்காய் ராய்த்தா / Cucumber Raita

தே.பொருட்கள்
பொடியாக நறுக்கிய வெள்ளரிக்காய் -1/2 கப்
விதை நீக்கி பொடியாக அரிந்த தக்காளி -1/4 கப்
தயிர் - 1 கப்
பொடியாக நறுக்கிய பச்சை மிளகாய் -1
பொடியாக நருக்கிய கொத்தமல்லித்தழை சிறிது - சிறிது
உப்பு - தேவைக்கு

செய்முறை
*பரிமாறும் போது அனைத்தையும் ஒன்றாக கலந்து பரிமாறவும்.
Friday, 6 June 2014 | By: Menaga sathia

சமோசா சாட்/ Samosa Chaat |Kids Fast Food Series # 5 | Chaat Recipes


சமோசா சாட் செய்வதற்கு சமோசா,இனிப்பு சட்னி,ஒமப்பொடி இருந்தால் 10 நிமிடத்தில் தயாரித்து விடலாம்.

தே.பொருட்கள்

துருவிய கேரட் - 1/4 கப்
பொடியாக நறுக்கிய கொத்தமல்லித்தழை - 2 டேபிள்ஸ்பூன்
சாட்  மசாலா - 1 டேபிள்ஸ்பூன்
தயிர் - 1/2 கப்
உப்பு - தேவைக்கு
ஓமப்பொடி - மேலே தூவ
இனிப்பு சட்னி - தேவைக்கு

செய்முறை

*தயிரில் உப்பு சேர்த்து கடைந்து வைக்கவும்.

*பரிமாறும் கிண்ணத்தில் சமோசாவை லேசாக நொறுக்கவும்.

*அதன் மீது தயிர் ஊற்றி சாட் மசாலவை தேவைக்கு தூவவும்.
*இனிப்பு சட்னியை தேவைக்கு  ஊற்றவும்.
*பின் வெங்காயம்+கேரட்+ஒமப்பொடி+கொத்தமல்லித்தழை தூவி பரிமாறவும்.
பி.கு
*வெங்காய சமோசாவில் சாட் செய்திருப்பதல் வெங்காயம் மேலே தூவ வில்லை.

*வெஜ் சமோசா என்றால் வெங்காயத்தை பொடியாக நறுக்கி பரிமாறும் போது மேலே தூவவும். 
Thursday, 5 June 2014 | By: Menaga sathia

மிசல் பாவ்/Misal Pav | Kids Fast Food Series # 4 North Indian Recipes


print this pagePRINT IT

Recipe Source : Amaithichaaral

மிசல் செய்வதற்கு தே.பொருட்கள்

வெள்ளை அல்லது பச்சை பட்டாணி - 1/2 கப்
வரமிளகாய்த்தூள் - 1/2 டீஸ்பூன்
கரம் மசாலா - 1 டீஸ்பூன்
பாவ் பாஜி  மசாலா - 1/2 டீஸ்பூன்
நறுக்கிய வெங்காயம்+தக்காளி - 1 பெரியது
சீரகம் - 1/2 டீஸ்பூன்
உப்பு - தேவைக்கு
எண்ணெய் - 1 டேபிள்ஸ்பூன்

செய்முறை

*காய்ந்த பட்டானியை முதல்நாள் இரவே ஊறவைக்கவும்.

*குக்கரில் எண்ணெய் ஊற்றி சீரகம் சேர்த்து தாளித்து இஞ்சி பூண்டு விழுது+வெங்காயம்+தக்காளி என ஒன்றன் பின் ஒன்றாக சேர்த்து வதக்கவும். 
*பின் தூள் வகைகள்+உப்பு சேர்த்து பச்சை வாசம் போக வதக்கவும்.
*பின் ஊறவைத்த் பட்டாணி+3 கப் நீர் சேர்த்து 4 விசில் வரை வேகவைத்து எடுக்கவும்.
*ப்ரெஷர் அடங்கியதும் லேசாக மசித்து 5 நிமிடங்கள் கொதிக்கவைத்து எடுத்தால் மிசல் ரெடி!!
*மிசல் நீர்க்க இருந்தால் தான் ஒமப்பொடிசேர்க்கும் போது சரியாக இருக்கும்.

மிசல் பாவ் செய்வதற்கு தே.பொருட்கள்

மிசல் - தேவைக்கு
பாவ் பன் -2
எலுமிச்சை பழத்துண்டுகள் -2
ஓமப்பொடி -மேலே தூவ
பொடியாக நறுக்கிய வெங்காயம்+கொத்தமல்லித்தழை - தலா 1 டேபிள்ஸ்பூன்

பரிமாறும் முறை

*தட்டில்  மிசலை ஊற்றி அதன் மேல் ஓமப்பொடி ,நறுக்கிய வெங்காயம் கொத்தமல்லித்தழை தூவி எலுமிச்சை சாறு பிழிந்து பாவ் பன்னு
டன் பரிமாறவும்.
Wednesday, 4 June 2014 | By: Menaga sathia

ஹாட் சாக்லேட் /Hot Chocolate |Kids Fast Food Series # 3

தயாரிக்கும் நேரம் - 20 நிமிடங்கள்
பரிமாறும் அளவு -3 நபர்கள்

தே.பொருட்கள்

பால் - 2 கப்
சர்க்கரை -1/2 கப்
கோகோ பவுடர் -1/4 கப் அல்லது 1/3 கப்
உப்பு -1 பிஞ்ச்
வெந்நீர் - 1/2 கப்
வெனிலா எசன்ஸ் -1/2 டீஸ்பூன்
விப்பிங் க்ரீம் - மேலே அலங்கரிக்க

செய்முறை
*பாத்திரத்தில் சர்க்கரை+கோகோ பவுடர்+உப்பு சேர்த்து கலந்து வெந்நீர் சேர்த்து 2 நிமிடங்கள் கொதிக்கவிடவும்.

*பின் பால் சேர்த்து கலக்கவும்.கொதிக்கவிடக்கூடாது.பால் கலந்ததும் 2-3 நிமிடங்களில் இறக்கவும்.வெனிலா எசன்ஸ் சேர்க்கவும்.
*விரும்பினால் பரிமாறும் போது விப்பிங் க்ரீமை மேலே வைத்து பரிமாறவும்.

*இதில் 1/3 கப் கோகோ சேர்த்திருப்பதால் நன்கு டார்க்காக இருக்கிறது.லைட்டாக வேண்டுமெனில் 1/4 கப் சேர்க்கலாம்.
Tuesday, 3 June 2014 | By: Menaga sathia

தயிர் வடை -2 | Curd / Thayir Vada -2 | Kids Fast Food Series # 2

தே.பொருட்கள்

வடை செய்ய

முழு வெள்ளை உளுந்து - 1 கப்
பச்சரிசி - 1 டேபிள்ஸ்பூன்
உப்பு +எண்ணெய்- தேவைக்கு

*உளுந்து+அரிசி இவற்றை 3/4 மணிநேரம் ஊறவைத்து நன்கு வடைக்கு அரைப்பது போல் அரைத்து எடுக்கவும்.

*பின் உப்பு சேர்த்து வடைகளாக சுட்டெடுக்கவும்.

தயிர் வடை செய்ய

தயிர் -1 கப்
காய்ச்சிய பால் -3/4 கப்
பொடியாக நறுக்கிய கொத்தமல்லித்தழை -சிறிது
துருவிய கேரட் -1/4 கப்
சீரகத்தூள் -1/2 டீஸ்பூன்
மிளகாய்த்தூள் -1/2 டீஸ்பூன்
உப்பு - தேவைக்கு

செய்முறை

*வடை  சூடாக இருக்கும் போதே பாலில் ஊறவைத்து எடுக்கவும்.

*தயிரை உப்பு சேர்த்து நன்கு அடித்துக் கொள்ளவும்.
*பரிமாறும் போது  பாலில் ஊறவைத்த வடையை எடுத்து கிண்ணத்தில் வைத்து அதன்மீது தயிரை ஊற்றவும்.

*பின் அதன் மீது கொத்தமல்லித்தழை+கேரட் துறுவல்+சீரகத்தூள்+மிளகாய்த்தூள் தூவி பரிமாறவும்.

Monday, 2 June 2014 | By: Menaga sathia

பேக்ட் சமோசா / Baked Samosa | Oven Baked Veg Samosa |Kids Fast Food Series # 1

இந்த மாதம்  Friendship 5 Series -ல்  இடம்பெறுவது Kids Fast Food உணவுகள்..

தே.பொருட்கள்

ஸ்பிரிங் ரோல் /சமோசா ஷூட் - 5
மைதா -2 டேபிள்ஸ்பூன்
வெண்ணெய் - மேலே தடவ

ஸ்டப்பிங் செய்ய

வேகவைத்த உருளைக்கிழங்கு -2 பெரியது
ப்ரோசன் பட்டாணி - 3/4 கப்
மஞ்சள்தூள் -1/2 டீஸ்பூன்
வரமிளகாய்த்தூள் -1 டீஸ்பூன்
சீரகம் -1/2 டீஸ்பூன்
மாதுளம்பழ பொடி - 3/4 டீஸ்பூன்
உப்பு - தேவைக்கு
பொடியாக நறுக்கிய கொத்தமல்லித்தழை - சிறிதளவு
எண்ணெய் -1 டீஸ்பூன்

செய்முறை

*கடாயில் எண்ணெய் ஊற்றி சீரகம் சேர்த்து தாளித்து வேகவைத்த உருளையை மசித்து சேர்க்கவும்.

*பின் பட்டாணி மற்றும் மஞ்சள்த்தூள்+மிளகாய்த்தூள் உப்பு சேர்த்து நன்கு கிளறவும்.

*தூள் வாசம் போனதும் மாதுளம்பழ பொடி+கொத்தமல்லித்தழை தூவி இறக்கி ஆறவைக்கவும்.

*சமோசா ஷீட்டை 2 மணிநேரத்திற்கு முன் ப்ரீசரிலிருந்து எடுத்து ஈரத்துணியால் மூடிவைக்கவும்.

*ஒரு கிண்ணத்தில் மைதாவை நீர் சேர்த்து தோசை மாவு பதத்தில் கரைத்து வைக்கவும்.

* ஒரு சமோசா ஷீட்டினை 3 ஆக கட் செய்யவும்.
*ஷீட்டின் ஒரு ஒரத்தில் ஸ்டப்பிங்கை 1 டேபிள்ஸ்பூன் அளவில் வைக்கவும்.
*அதனை அப்படியே முக்கோணமாக படத்தில் உள்ளவாறு மடிக்கவும்.
*கடைசியாக வரும் முக்கோணத்தில் மைதா பேஸ்டினை தடவி ஒட்டவும்.
*சமோசாக்களை பேக்கிங் டிரேயில் அடுக்கி ஈரத்துணியால் மூடி வைக்கவும்.


*அனைத்தையும் செய்து முடித்த பின் சமோசா மீது வெண்ணெய் தடவி அவனை 200 டிகிரி முற்சூடு செய்து  15-20 நிமிடங்கள் பேக் செய்து எடுக்கவும்.
*இடையே ஒருபுறம் வெந்ததும் மறுபுறம் திருப்பி வெண்ணெய் தடவி பேக் செய்யவும்.

பி.கு

*சமோசாக்களை செய்து ப்ரீசரில் வைத்து தேவைபடும் போது உபயோகபடுத்தலாம்.

*பேக் செய்யும் போது வெண்ணெய்க்கு பதில் எண்ணெய் தடவி செய்யலாம்,வெண்ணெய் தடவி செய்வது சுவையாக இருக்கும்.

*உருளைக்கு பதில் சிக்கன் மற்றும் மட்டன் சேர்த்து செய்யலாம்.

*மாதுளம்பழ பொடிக்கு பதில் ஆம்சூர் பொடி அல்லது எலுமிச்சைசாறு சேர்க்கலாம்.
01 09 10