கறிவேப்பிலை துவையல் / Karuveppillai Thuvaiyal | Curry Leaves Thuvaiyal

 PRINT IT 
கறிவேப்பிலையின் மருத்துவபயன்கள் அனைவரும் அறிந்ததே.இதனை தினமும் உணவில் சேர்த்துக் கொள்வது மிக நல்லது.

இதனை உண்பதால் கிடைக்கும் நன்மைகள் - கண்பார்வை அதிகரிக்கும், கெட்ட கொழுப்பினைக் குறைக்கும்,நீரிழிவு நோயை கட்டுப்படுத்தும்,கூந்தல் நன்கு வளரும்,கேன்சரை தடுக்கும்.

தே.பொருட்கள்

கறிவேப்பிலை - 1/2 கப்
தேங்காய்த்துறுவல் -1/2 கப்
காய்ந்த மிளகாய் - 3
புளி - நெல்லிக்காயளவு
சின்ன வெங்காயம் - 2
உப்பு - தேவைக்கு
எண்ணெய் - 1/2 டீஸ்பூன்

செய்முறை

*கடாயில் எண்ணெய் ஊற்றி கா.மிளகாய் மற்றும் தேங்காய் துறுவலை மட்டும் லேசாக வதக்கி ஆறவைக்கவும்.

*ஆறியதும் மிக்ஸியில் வெங்காயம் தவிர அனைத்தையும் ஒன்றாக சேர்த்து நீர் விடாமல் அரைக்கவும்.

*கடைசியாக சின்ன வெங்காயம் சேர்த்து ஒரு சுற்று சுற்றி எடுக்கவும்.

பி.கு

*இந்த துவையல் கொரகொரப்பாக அரைத்தால் மட்டுமே சுவையாக இருக்கும்.

*1 நாள்வரை ப்ரிட்ஜில்வைத்திருந்து பயன்படுத்தலாம்.