Wednesday, 2 November 2016 | By: Menaga sathia

வாணியம்பாடி சிக்கன் பிரியாணி/Vaniyambadi Chicken Biryani


இந்த பிரியாணியில் தக்காளி சேர்க்காமல் வெங்காயத்தினை அரைத்து நன்றாக வதக்கி சேர்க்க வேண்டும்.

தே.பொருட்கள்

பாஸ்மதி -3 கப்
வெங்காயம் -2 பெரியது
கீறிய பச்சை மிளகாய்- 4
புதினா கொத்தமல்லி தலா -1 கைப்பிடி
நெய் -2 டேபிள்ஸ்பூன்
உப்பு+எண்ணெய் -தேவைக்கு

சிக்கனில் ஊறவைக்க‌
சிக்கன்- 1/2 கிலோ
தயிர் -1 கப்
இஞ்சி பூண்டு விழுது- 1 1/2 டேபிள்ஸ்பூன்
மிளகாய்த்தூள் -5 டீஸ்பூன்
மஞ்சள்தூள் -1/2 டீஸ்பூன்

தாளிக்க‌
பட்டை -சிறுதுண்டு
ஏலக்காய் -3
கிராம்பு -4
பிரியாணி இலை -2

செய்முறை
*வெங்காயத்தினை நன்றாக மைய அரைக்கவும்.

*சிக்கனில் ஊறவைக்க கொடுத்துள்ள பொருட்களிளை சேர்த்து குறைந்தது 1 மணிநேரமாவது ஊறவைக்கவும்.


*பாத்திரத்தில் எண்ணெய் ஊற்றி தாளிக்க கொடுத்துள்ள பொருட்களை சேர்த்து தாளித்து வெங்காய விழுதினை சேர்த்து குறைந்த தீயில் நன்கு பச்சை வாசனை போகுமளவு வதக்கவும்.

*பின் கீறிய பச்சை மிளகாய்+புதினா கொத்தமல்லி சேர்த்து வதக்கவும்.
*ஊறவைத்த சிக்கனை சேர்த்து சிக்கன் முக்கால் பதம் வேகும் வரை வதக்கவும்.

*4 கப் நீர்+உப்பு சேர்த்து கொதிக்கவிடவும்.

*நீர் கொதிக்கும் போது அரிசியை சேர்க்கவும்.

*தண்ணீர் நன்கு வற்றி வரும் போது தோசைகல்லை காயவைத்து அதன் பாத்திரத்தை வைத்து குறைந்த தீயில் 10 நிமிடங்கள் தம்மில் போடவும்.


*பின் நெய் சேர்த்து மெதுவாக கிளறி பரிமாறவும்.

பி.கு

*வெங்காய விழுதினை நன்கு வதக்கவும் இல்லையெனில் பச்சை வாசனை அடிக்கும்.

*சிக்கன் நீர் விடும் மேலும் வெங்காய விழுது சேர்த்திருப்பதால் நான் 1/2 கப் நீர் குறைத்து சேர்த்துள்ளேன்.


Wednesday, 19 October 2016 | By: Menaga sathia

பீட்ரூட் பொரியல் / BEETROOT PORIYAL


print this page PRINT IT
தே.பொருட்கள்

பீட்ருட் துருவல் - 2 கப்
பொடியாக நறுக்கிய வெங்காயம் - 1 சிறியது
பொடியாக நறுக்கிய பச்சை மிளகாய் - 2
தேங்காய்த்துறுவல் - 1/4 கப்
உப்பு - தேவைக்கு

தாளிக்க

எண்ணெய் - 1 டீஸ்பூன்
கடுகு+உளுத்தம்பருப்பு - தலா 1/2 டீஸ்பூன்
கறிவேப்பிலை - 1 கொத்து

செய்முறை

*கடாயில் எண்ணெய்  தாளிக்க கொடுத்துள்ளவைகளை சேர்த்து தாளித்து வெங்காயம் சேர்த்து வதக்கவும்.
*பீட்ரூட் துறுவல்+உப்பு +பச்சை மிளகாய்+சிறிது நீர் தெளித்து மூடி போட்டு வேக விடவும்.


*காய் வெந்ததும் தேங்காய்த்துறுவல் சேர்த்து கிளறி இறக்கவும்.
Tuesday, 4 October 2016 | By: Menaga sathia

ப்ரோக்கலி சட்னி/Broccoli Chutney


தே.பொருட்கள்

ப்ரோக்கலி பூக்கள் - 1/4 கப்
நறுக்கிய வெங்காயம்+தக்காளி - தலா 1
காய்ந்த மிளகாய் - 2
பூண்டுப்பல் - 4
இஞ்சி - சிறுதுண்டு
உப்பு+எண்ணெய் = தேவைக்கு

செய்முறை

*ப்ரோக்கலி பூக்களை உப்பு கலந்த சுடு நீரில் 10 நிமிடங்கள் போட்டு எடுத்து கழுவி நீரை வடிக்கவும்.

*கடாயில் எண்ணெய் விட்டு ப்ரோக்கலி பூக்களை வதக்கி தனியாக வைக்கவும்.

*அதே கடாயில் பூண்டுப்பல்+இஞ்சி+மிளகாய் இவற்றை வதக்கிய பின் வெங்காயம்+தக்காளி சேர்த்து வதக்கவும்.


*ஆறியதும் உப்பு சேர்த்து அரைக்கவும்.கடைசியாக வதக்கிய ப்ரோக்கலியை சேர்த்து கொரகொரப்பாக அரைத்தெடுக்கவும்.



Wednesday, 17 August 2016 | By: Menaga sathia

குட்டி உருளை வறுவல்/BABY POTATO MASALA | MADURAI MASALA RECIPE

வித்தியாசமான சுவையுடன் இருக்கும் இந்த உருளை மசாலா.குட்டி உருளைக்கு பதில் பெரிய உருளையிலும் இதே போல் வேகவைத்து சதுரமாக வெட்டி செய்யலாம்.நன்றி சித்ரா !!

தே.பொருட்கள்

குட்டி உருளை -1/4 கிலோ
பொடியாக நருக்கிய வெங்காயம்- 1
நசுக்கிய இஞ்சி பூண்டு- 1 டேபிள்ஸ்பூன்
பொடியாக நறுக்கிய கொத்தமல்லித்தழை -2 டேபிள்ஸ்பூன்
உப்பு -தேவைக்கு

அரைக்க‌
பொட்டுக்கடலை -11/2 டேபிள்ஸ்பூன்
புளி -ப்ளுபெர்ரி அளவு
வரமிளகாய்த்தூள் -2 டீஸ்பூன்
கரம் மசாலா- 1/4 டீஸ்பூன்
சோம்பு- 1/2 டீஸ்பூன்
மஞ்சள்தூள் -1/4 டீஸ்பூன்

தாளிக்க‌
எண்ணெய் -2 டேபிள்ஸ்பூன்
கடுகு +உளுத்தம்பருப்பு -தலா 1/2 டீஸ்பூன்
கறிவேப்பிலை- 1 கொத்து

செய்முறை
* உருளையை வேகவைத்து தோலுரிக்கவும்.

*அரைக்க கொடுத்துள்ளவைகளை நைசாக அரைக்கவும்.



*கடாயில் எண்ணெய் ஊற்றி தாளிக்க கொடுத்துள்ள பொருட்களை சேர்த்து தாளித்து வெங்காயம்+நசுக்கிய இஞ்சி பூண்டு சேர்த்து வதக்கி உருளை 2 நிமிடங்கள் சேர்த்து வதக்கவும்.

*பின் அரைத்த மசாலா சேர்த்து நன்கு பொன்னிறமாக் வரும் வரை சிறுதீயில் கிளறி கொத்தமல்லித்தழை தூவி இறக்கவும்.


பி.கு
*என்னிடம் கொத்தமல்லிதழை இல்லாததால் நான் சேர்க்கவில்லை.
Friday, 17 June 2016 | By: Menaga sathia

நெஞ்சு எலும்பு குழம்பு / Nenju Elumbu Kuzhambu

 தே.பொருட்கள்
நெஞ்சு எலும்பு - 1/2 கிலோ
சின்ன வெங்காயம் -2 கப்
தக்காளி -1 பெரியது
இஞ்சி பூண்டு விழுது -1 டேபிள்ஸ்பூன்
மஞ்சள்தூள் -1/2 டீஸ்பூன்
தனியாத்தூள் -1 டேபிள்ஸ்பூன்
வரமிளகாய்த்தூள் -2 டேபிள்ஸ்பூன்
உப்பு - தேவைக்கு
கொத்தமல்லித்தழை - சிறிதளவு
கெட்டி தேங்காய்ப்பால் -1/4 கப்

தாளிக்க
எண்ணெய் - 1 டேபிள்ஸ்பூன்
பட்டை - சிறுதுண்டு
கிராம்பு -3
ஏலக்காய் -1
பிரியாணி இலை -2

செய்முறை
*குக்கரில் எண்ணெய் ஊற்றி தாளிக்க கொடுத்துள்ள பொருட்களை சேர்த்து தாளித்து,நறுக்கிய சின்ன வெங்காயத்தை சேர்த்து வதக்கவும்.
 *வெங்காயம் வதங்கியதும் இஞ்சி பூண்டு சேர்த்து வதக்கவும்.பின் தக்காளி சேர்க்கவும்.
 *தக்காளி நன்றாக வதங்கியதும் சுத்தம் செய்த எலும்பினை சேர்த்து நன்றாக வதக்கவும்.
 *எலும்பின் நிறம் மாறியதும் தூள் வகைகள் சேர்த்து பச்சை வாசனை போக வதக்கவும்.
 *தேவையான நீர் மற்றும் உப்பு சேர்த்து 4 விசில் வரை வேகவைத்து எடுக்கவும்.

 *கடைசியாக தேங்காய்ப்பால் மற்றும் கொத்தமல்லி தழை சேர்த்து இறக்கவும்.
பி.கு
*இந்த குழம்பிற்கு சின்ன வெங்காயம் சேர்த்து செய்யவும்.
Tuesday, 17 May 2016 | By: Menaga sathia

கேரளா ஸ்டைல் காளன் / Kerala Style Kalan | Onam sadya Recipe


காளன்‍‍‍**சேனை மற்றும் வாழைக்காய் சேர்த்து செய்வது.ஒணம் சத்யாவின் மிக முக்கியமாக இடம்பெறும் மெனு இது.

தே.பொருட்கள்

சேனைகிழங்கு 1/4 கப் நறுக்கியது
வாழைக்காய் 1/2 கப் நறுக்கியது
மஞ்சள்தூள் 1/2 டீஸ்பூன்
மிளகுதூள் 1/4 டீஸ்பூன்
வரமிளகாய்த்தூள் 1/2 டீஸ்பூன்
உப்பு தேவைக்கு
நெய் 1 டீஸ்பூன்
கறிவேப்பிலை 1 கொத்து
புளித்த தயிர் 2 கப்
வறுத்து பொடித்த வெந்தயப்பொடி 1/4டீஸ்பூன்

அரைக்க‌
தேங்காய்த்துறுவல் 1 கப்
சீரகம் 1 டீஸ்பூன்

தாளிக்க‌
தேங்காய் எண்ணெய் 1 டீஸ்பூன்
கடுகு 1/2 டீஸ்பூன்
காய்ந்த மிளகாய் 1
கறிவேப்பிலை 1 கொத்து

செய்முறை

*அரைக்க கொடுத்துள்ள பொருட்களை நைசாக அரைத்து ,புளித்த தயிரில் கலந்து ,உப்பு+1/4 டீஸ்பூன் மஞ்சள்தூள் சேர்த்து கட்டியில்லாமல் கலக்கி வைக்கவும்.

*சேனையை முதலில் 1/4 மஞ்சள்தூள் சேர்த்து 1/4 பாகம் வரை வேகவைத்து நீரை வடிக்கவும்.இது சேனையின் காரல் தன்மையை போக்கும்.

*மீண்டும் சேனையை சிறிது நீர் ஊற்றி மிளகுதூள்+மிளகாய்தூள் சேர்த்து வேகவைக்கவும்.

*பாதியளவு வெந்ததும் கறிவேப்பிலை+வாழைக்காயை சேர்த்து வேகவைக்கவும்.

*காய்கள் நீர் சுண்டும் அளவு வேகவைத்த பின் லேசாக மசிக்கவும்.

*பின் தயிர் கலவையை சேர்த்து,இடைவிடாமல் கலக்கி கொண்டே இருக்கவும்.

*லேசாக கொதித்து வரும் போது இறக்கி நெய் மற்றும் வெந்தயப்பொடி சேர்க்கவும்.

*கடைசியாக தாளித்து சேர்க்கவும்.

பி.கு

*தயிர் கலவையை ஊற்றியபின் சிறுதீயில் கலக்கிகொண்டே இருக்கவும்,இல்லையெனில் தயிர் திரிந்துவிடும்.
01 09 10