பால் கொழுக்கட்டை - 2 /Paal Kozhukattai -2

ஏற்கனவே பால் கொழுக்கட்டையை சர்க்கரை செய்துருக்கேன்.இப்பொழுது என் பையனுக்கு முதல் பல் வரும்போது வெல்லம் சேர்த்து செய்தேன்..


தே.பொருட்கள்

அரிசி மாவு ‍-  1/2 கப்
நெய் -  1/2 டீஸ்பூன்
உப்பு  - 1/8 டீஸ்பூன்
துருவிய வெல்லம்  - 1/2 கப்
பால் - 1/2 கப்
ஏலக்காய்த்தூள் -  1/4 டீஸ்பூன்

செய்முறை

*அரிசிமாவு+உப்பு சேர்த்து கலந்து தோசை மாவு பதத்தில் கரைத்துக் கொள்ளவும்.

*கடாயில்  நெய் விட்டு அரிசிமாவை ஊற்றி கைவிடாமல் கிளறி நன்கு கெட்டியாகி வரும் போது இறக்கி ஈரத்துணியால் மூடி 10 நிமிடம் வைக்கவும்.

*வெல்லத்தில் சிறிது நீர் சேர்த்து கொதிக்கவைத்து வடிகட்டவும்.

*ஒரு பாத்திரத்தில் பால்+ 1 கப் நீர் சேர்த்து நன்கு கொதிக்கவைக்கவும்.

*அரிசிமாவினை சிறுசிறு உருண்டைகளாக உருட்டி கொதிக்கும் நீரில் போடவும்.

*உருண்டை வெந்து மேலே வரும் போது அடுத்த சிறு உருண்டைகளை போடவும்.

*நன்கு வெந்ததும் வெல்லத்தினை ஊற்றி சிறிது நேரம் கொதிக்கவைத்து ஏலக்காய்த்தூள் சேர்த்து இறல்லவும்.

பி.கு

*முதலில் சேர்க்கும் உருண்டை வெந்த பிறகுதான் அடுத்த சில உருண்டைகளை சேர்க்கவேண்டும்,இல்லையெனில் உருண்டைகள் உடைந்துவிடும்.

*வெல்லம் சேர்த்தபின் நீண்டநேரம் கொதிக்கவைத்தால் பால் திரிந்துவிடும்.

Sending to Gayathri's WTML Event @ Nivedhanam