காரட் அல்வா -2 / Carrot Halwa - 2

இது என்னுடைய 800 வது பதிவு!!

காரட் அல்வாவினை நான் சிலநேரம் நெய்யில் வதக்கி செய்வதை விட ஆவியில் வேகவைத்து செய்வேன்.இந்த குறிப்பு அதன் செய்முறை விட முற்றிலும் வேறு.

* இந்த அல்வாவினை நெய்யில் செய்வதைவிட வெண்ணையில் செய்ய வேண்டும்.எவ்வளவு சாப்பிட்டாலும் திகட்டாது.

*கேரட்டினை கேரட் துருவியில் துருவுவதைவிட சீஸ் துருவுவதில் துருவி செய்யவேண்டும்.சுவை மிக நன்றாக இருக்கும்.

*கொடுத்துள்ள அளவுபடி செய்தால்  சுவை நன்றாக இருக்கும்.

*முந்திரி மற்றும் திராட்சையினை தனியாக நெய்யில் வதக்கி சேர்ப்பதற்கு பதில் கேரட் வதக்கும் போதே சேர்த்தால் நன்றாக் இருக்கும்


தே.பொருட்கள்

துருவிய காரட் -2 கப்
சர்க்கரை - 1/4 கப்+1/8 கப்
பால் -1 கப்
முந்திரி -1/8 கப்
திராட்சை - 1 1/2 டேபிள்ஸ்பூன்
ஏலக்காய்த்தூள் -1/2 டீஸ்பூன்
வெண்ணைய் - 1/4 கப் + 1 டேபிள்ஸ்பூன்

செய்முறை

*கடாயில் வெண்ணெய் சேர்த்து உருகியதும் துருவிய காரட் சேர்த்து  5 நிமிடங்கள் வதக்கவும்.

*காரட் சிறிது வதங்கியதும் முந்திரி+திராட்சை  சேர்த்து  தண்ணீர் வற்றும் வரை வதக்கவும்.

*நன்றாக வதங்கிய பிறகு பால் சேர்த்து வேகவிடவும்.

*ஏலக்காய்த்தூள் சேர்த்து பால் வற்றும் வரை நன்கு வதக்கவும்.

*பின் சர்க்கரை  சேர்த்து   7-8 நிமிடங்கள் வரை கிளறி இறக்கவும்.

*இதனை சூடாகவோ அல்லது குளிரவைத்தோ பரிமாறவும்.

*இதனுடன் வெனிலா ஐஸ்க்ரீம் சேர்த்து சாப்பிட சூப்பர் சுவை...