சிம்பிள் வெஜ் குருமா / Simple Veg Kurma | Side Dish For Chapathi - A Guest Post By Anitha

அனிதா - இவரும் எனக்கு அறுசுவையில் அறிமுகமானவர்தான்.ஒரு முறை மெயில் செக் செய்த போது இவரிடமிருந்து மெயில் வந்தது.இவர் நான் வசிக்கும் இடத்திலிருந்து பக்கத்து ஊரில் தான் இவரும் வசிக்கிறார்.அதுமட்டுமில்லை இவருடைய புகுந்த வீடும் என்னுடைய ஊர் தான்.

அதிலிருந்து இவரிடம் போன் மூலம் பேசுவேன்.எனக்கு இதுவரை நல்ல நெருங்கிய தோழியாகவும்,ஆலோசனை வழங்கும் சகோதரியாகவும் இருந்து வருகிறார்.எங்கள் நட்பு கடந்த 7 வருடங்களாக இன்றுவரை தொடர்கிறது.எப்போழுதும் தொடரட்டும் எங்கள் நட்பு...

இவர் மட்டுமில்லாமல் இவருடைய  Co - Sister & SIL  இருவரும் எனக்கு தோழிகள் தான்.என் மகன் பிறந்திருந்த போது மருத்துவமனையில் நேரமிருக்கும் போது என்னை வந்து பார்த்துவிட்டு போவார்.இவருடைய  Co - Sister & SIL  கூட என்னை நன்கு கவனித்துக் கொண்டனர்.

அப்போழுது இவர் எனக்கு பொன்னியின் செல்வன் புத்தகத்தை படிக்க கொடுத்தார்.அவரால் தான் அந்த கதையை முழுமையாக படித்து தெரிந்துக்கொண்டேன்.இன்னும் இதுவரை அந்த புத்தகத்தினை திருப்பிக் கொடுக்கவில்லை.நானே எடுத்துக்கலாம்னு இருக்கேன்...அனிதா இந்த வரியினை படித்து அடிக்க வரதுக்குள் நான் எஸ்கேப்..

இவர் கேரளா சமையலை நன்கு சமைப்பார்.கெஸ்ட் போஸ்ட் போடுமாறு கேட்டுக்கொண்ட போது உடனே எனக்கு மெயில் செய்த குறிப்பு இது. மிக்க நன்றி அனிதா!!


இந்த குருமாவின் ஸ்பெஷலே வெங்காயம்+தக்காளி சேர்க்க தேவையில்லை.குறைவான எண்ணெயும் தான் தேவைப்படும்.தாளிக்கவும் தேவையில்லை.


தே.பொருட்கள்

காய் கலவை - 2 கப் கேரட்,பீன்ஸ்,பச்சை பட்டாணி மற்றும் உருளை
கறிவேப்பிலை - 1 கொத்து
மஞ்சள்தூள் -1/2 டீஸ்பூன்
உப்பு - தேவைக்கு

எண்ணெயில் வறுத்து அரைக்க

எண்ணெய் - 1 டீஸ்பூன்
தேங்காய்த்துறுவல் -4 டேபிள்ஸ்பூன்
பூண்டுப்பல் -3
இஞ்சி - 1சிறுதுண்டு
வெந்தயம் + கசகசா - தலா 1/2  டீஸ்பூன்
பொட்டுக்கடலை - 1 டேபிள்ஸ்பூன்
பச்சை மிளகாய் - 2
கிராம்பு - 2
முந்திரி -5
பட்டை -சிறுதுண்டு

செய்முறை

*வறுத்தரைக்க கொடுத்துள்ள பொருட்களில் எண்ணெயில் வருத்து நைசாக அரைக்கவும்.

 *காய்களை குக்கரில் மஞ்சள்தூள்+உப்பு சேர்த்து முழ்குமளவு நீர் விட்டு  2 அல்லது 3 விசில் வரை வேகவைத்து எடுக்கவும்.

 *ப்ரெஷர் அடங்கியதும் அரைத்த விழுதினை சேர்த்து 5 அல்லது 7 நிமிடங்கள் வரை கொதிக்கவைத்து கறிவேப்பிலை சேர்த்து இறக்கவும்.

*சப்பாத்தியுடன் சூடாக பரிமாறவும்.

பி.கு

நானும் செய்து பார்த்தேன் சூப்பரா இருந்தது.போட்டோ எடுப்பதற்குள் குருமா காலியாகிடுச்சு.

கர்நாடகா ஸ்டைல் கலந்த சாதம் / Karnataka Style One Pot Meals

கர்நாடகா ஸ்டைல் கலந்த சாதம் குறிப்பில்  செய்திருப்பது

கர்நாடகா ஸ்டைல் எலுமிச்சை சாதம்

தேங்காய் மாங்காய் புளிசாதம்

தயிர்சாதம்.


தேங்காய் மாங்காய் புளிசாதம்

Recipe Source : Monsoonspice

தே.பொருட்கள்

சாதம் -2 கப்
தேங்காய்துறுவல் -1/2 கப்
மாங்காய்துறுவல் -1 கப்
பச்சை மிளகாய் -2
கடுகுப்பொடி -1/4 டீஸ்பூன்
மஞ்சள்தூள் -1/2 டீஸ்பூன்
எலுமிச்சை சாறு - 21/2 டீஸ்பூன்
உப்பு -தேவைக்கு

தாளிக்க

எண்ணெய் -2 டேபிள்ஸ்பூன்
கடுகு -1/2 டீஸ்பூன்
உளுத்தம்பருப்பு - 1 டீஸ்பூன்
காய்ந்த மிளகாய் -2
கடலைப்பருப்பு - 1டேபிள்ஸ்பூன்
வேர்க்கடலை -1 கைப்பிடி
கறிவேப்பிலை -1 கொத்து
பெருங்காயத்தூள் -1/4 டீஸ்பூன்

செய்முறை

*தேங்காய்த்துறுவல்+மாங்காய்த்துறுவல்+பச்சை மிளகாய் சேர்த்து நீர் சேர்க்காமல் கொரகொரப்பாக அரைத்துக் கொள்ளவும்.

*கடாயில் எண்ணெய் விட்டு தாளிக்க கொடுத்துள்ள பொருட்களை சேர்த்து தாளித்து  அரைத்து தேங்காய் மாங்காய் துறுவலை சேர்த்து 2-3 நிமிடங்கள் கிளறி மஞ்சள்தூள்+கடுகுப்பொடி+உப்பு சேர்த்து கிளறி இறக்கவும்.

*இதில் ஆறவைத்த சாதம்+எலுமிச்சை சாறு சேர்த்து கிளறி பரிமாறவும்.

கவுனி அரிசி பாயாசம் /Kavuni Arisi(Black Rice) Payasam |Chettinad Spl!!

கவுனி அரிசியை பற்றி தெரிந்துக் கொள்ள இங்கே பார்க்கவும்.

தே.பொருட்கள்

கவுனி அரிசி -1/4 கப்
சர்க்கரை -1/2 கப்
பால் - 1 கப்
தேங்காய்ப்பால் -1/4 கப்


செய்முறை

*கவுனி அரிசியை 1 மணிநேரம் ஊறவைத்து கொரகொரப்பாக அரைத்துக் கொள்ளவும்.

*பாத்திரத்தில் பாலை ஊற்றி காய்ச்சவும்.கொதிவரும் போது அரைத்த அரிசியை சேர்த்து கைவிடாமல் கிளறி வேகவைக்கவும்.

*அரிசி வெந்ததும் சர்க்கரை சேர்க்கவும்.கரைந்ததும் தேங்காய் பாலை ஊற்றி இறக்கவும்.

Sending To Gayathri's WTML Event

கிறிஸ்துமஸ் ரவை கேக் /CHRISTMAS RAVA CAKE | VIVIKUM CAKE | PONDICHERRY SPL VIVIKUM CAKE

அக்காவிடம் கற்றுக் கொண்ட குறிப்பு..

இதில் ரவையை வெண்ணெயில்  வறுத்து 5 நாள் ஊறவைத்து செய்யவேண்டும்.மேலும் உலர் பழங்களையும் ரம் அல்லது ஆரஞ்சு ஜூஸில் கேக் செய்ய 5 நாள் முன்பு ஊறவைக்கவேண்டும்.

இதில் கப் அளவு நான் பயன்படுத்தியிருப்பது ரைஸ்குக்கர் கப்.

தே.பொருட்கள்

ரவை - 2 கப்
சர்க்கரை - 1 கப்
வெண்ணெய் -150 கிராம்
ரம் - 1/4 கப்
கேரவே சீட்ஸ் / Caraway Seeds - 1 டீஸ்பூன்
டூட்டி ப்ரூட்டி -1/4 கப்
முந்திரி - 1/4 கப்
திராட்சை -1/8 கப்
முட்டை -  4
வெனிலா எசன்ஸ் -1 டீஸ்பூன்


செய்முறை

*ரவையை 150 கிராம் வெண்ணெயில் வறுத்து சூடு ஆறியதும் மூடி வைத்து 5 நாள் ஊறவிடவும்.தினமும் கிளறிவிடவும்.

*டூட்டி ப்ரூட்டி+முந்திரி+திராட்சை இவற்றை ஒன்றாக கலந்து ரம்மில் 5 நாள் ஊறவைக்கவும்.

*அவனை 180°C முற்சூடு செய்யவும்.

*முட்டையின் வெள்ளை மற்றும் மஞ்சள் கருவினை தனியாக பிரிக்கவும்.

*வெள்ளை கருவினை நன்கு பீட்டரால் நுரை வரும்வரை அடித்துக் கொள்ளவும்.

*பாத்திரத்தில் சர்க்கரை +மஞ்சள் கரு சேர்த்து சர்க்கரை கரையும் வரை நன்கு  பீட்டரால் கலக்கவும்.

*சர்க்கரை கரைந்ததும் வெனிலா எசன்ஸ் +ஊறவைத்து உலர் பழங்கள் சேர்த்து மிருதுவாக கலக்கவும்.

*இவற்றுடன் ஊறவைத்த ரவை மற்றும் வெள்ளை கரு என மாற்றி மாற்றி சேர்த்து கலக்கவும்.கடைசியாக கேரவே  விதைகளை சேர்த்து கலக்கவும்.

*கேக் பானில் வெண்ணெய் தடவி ஊற்றி 50- 55 நிமிடங்கள் வரை பேக் செய்து எடுக்கவும்.

சாமை பிஸிபேளாபாத் / Saamai Bisi Bele Bath | Little Millet Bisi Bele Bath | Millet Recipe |Diabetic Recipe

சாமை - சிறுதானியங்களில் ஒன்று.

* இது எலும்புகளுக்கு இடையில் இருக்கும் தசைகளை வலிமை பெற செய்கிறது.

*வயிறு தொடர்பான நோய்களை கட்டு படுத்தவும்,காய்ச்சல் காரணமாக ஏற்படும் நாவறட்சியை போக்கவும் வல்லது.

தே.பொருட்கள்:

சாமை அரிசி  - 1/3  கப்
துவரம்பருப்பு - 1/4  கப்
நறுக்கிய காய்கறிகள் - 3/4 கப்
கெட்டி புளிகரைசல் - 1/4 கப்
நெய் - 1 டேபிள்ஸ்பூன்
மஞ்சள்தூள் - 1/2 டீஸ்பூன்
பொடியாக நறுக்கிய வெங்காயம் - 1
பொடியாக நறுக்கிய தக்காளி -1 சிறியது
பொடியாக நறுக்கிய கொத்தமல்லித்தழை -சிறிதளவு
உப்பு+எண்ணெய் = தேவைக்கு

* நான் சேர்த்திருக்கும் காய்கள் முருங்கைக்காய்+கத்திரிக்காய் + கேரட்+பீன்ஸ்+சௌசௌ

தாளிக்க:
கடுகு - 1/2  டீஸ்பூன்
பெருங்காயத்தூள்- 1/4டீஸ்பூன்
கறிவேப்பிலை - 1 கொத்து

வறுத்து பொடிக்க

தனியா - 2 டீஸ்பூன்
காய்ந்த மிளகாய் -1
கடலைப்பருப்பு - 1 டேபிள்ஸ்பூன்
மிளகு+சீரகம்  -தலா 1/2 டீஸ்பூன்
பட்டை -1 சிறுதுண்டு
ஏலக்காய்- 2
கிராம்பு -2
அன்னாச்சிப்பூ -1
கொப்பரைத்துறுவல் -1 1/2 டேபிள்ஸ்பூன்

சாமை அரிசி

　
செய்முறை :

*சாமை அரிசி+துவரம்பருப்பு சேர்த்து கழுவி 1  கப் நீரில் ஊறவைக்கவும்.

*ஊறவைத்த அரிசி பருப்பை அதே நீரோடு குக்கரில் 3 விசில் வரை வேகவைக்கவும்.

*வறுத்து பொடிக்க கொடுத்துள்ளவைகளை நைசாகவோ அல்லது விழுதாகவோ அரைக்கவும்.

*பாத்திரத்தில் எண்ணெய் விட்டு நறுக்கிய வெங்காயம்+தக்காளி+காய்கள் என ஒன்றன் பின் ஒன்றாக சேர்த்து வதக்கி 1/2 கப் நீர் சேர்த்து வேகவிடவும்.

*பாதியளவு காய் வெந்ததும் புளிகரைசல்+உப்பு+பொடித்த பொடி சேர்த்து மேலும் 5 நிமிடம் கொதிக்கவைக்கவும்.

*இவற்றை வேகவைத்த அரிசி பருப்போடு சேர்த்து மேலும் 1 கப் நீர் சேர்த்து 1 விசில் வரை வேகவிடவும்.

*ப்ரெஷ்ஷர் அடங்கியதும் தாளித்து சேர்த்து,கொத்தமல்லித்தழை+நெய் சேர்த்து கிளறி சிப்ஸ் அல்லது வறுவலோடு சேர்த்து பரிமாறவும்.

பி.கு

*இதில் சாமை அரிசிக்கு பதில் ப்ரவுன் ரைஸ் அல்லது கோதுமைரவை சேர்த்து செய்யலாம்.

*உப்பின் அளவை பார்த்து சேர்க்கவும்.

*ஆறியதும் சாதம் கெட்டியாகிவிடும்,கொஞ்சம் தளர்த்தியாக இருக்கும்போதே சூடாக பரிமாறவும்.

கிறிஸ்துமஸ் யூல் லாக் கேக் / Christmas Yule Log Cake | Bûche de Noël | Home Bakers Challenge

இந்த மாதம் Home Bakers Challenge -ல்  ப்ரியா ரஞ்சித அவர்கள் கிறிஸ்துமஸ் முன்னிட்டு கேக்,குக்கீஸ் மற்றும் யூல் லாக் பிரபலமான ப்ரெஞ்ச் டெசர்ட்  மற்றும் ப்ரெட் ரெசிபிகளை கொடுத்திருக்காங்க.

அதில் நான் யூல் லாக் ரெசிபியை செய்துள்ளேன்..மிக நன்றாக வந்தது.மிக்க நன்றி ப்ரியா சுரேஷ் மற்றும் ப்ரியா ரஞ்சித் !!


Recipe Source : Nigella Lawson

தே.பொருட்கள்

ஸ்பாஞ்ச் கேக் செய்ய

முட்டை -6 அறை வெப்ப நிலை
சர்க்கரை -3/4 கப்
கோகோ பவுடர் - 1/2 கப்
வெனிலா எசன்ஸ் - 1 டீஸ்பூன்
ஐசிங் சுகர் -5 டீஸ்பூன்  அலங்கரிக்க

ஐசிங் செய்ய

Bittersweet Chocolate (Chopped) - 1 கப்
வெண்ணெய் -  200 கிராம்
ஐசிங் சுகர் - 1 1/3 கப்
வெனிலா எசன்ஸ் - 1 டேபிள்ஸ்பூன்

செய்முறை

*அவனை 180°C 10 நிமிடங்கள்  முற்சூடு செய்யவும்.

*முட்டை வெள்ளை மற்றும் மஞ்சள் கருவினை தனிதனியாக பிரிக்கவும்.

*மஞ்சள் கருவுடன் சர்க்கரை சேர்த்து வெளிர் மஞ்சள் கலர் வரும் வரை நன்கு கலக்கவும்.

*அதில் கோகோ பவுடர்+வெனிலா எசன்ஸ் சேர்த்து கலக்கவும்.

*மற்றொரு பாத்திரத்தில் வெள்ளை கருவினை நன்கு நுரைபோல் வரும் வரை கலக்கவும்.

*இதனை  மஞ்சள் கருவுடன் மிருதுவாக கலக்கவும்.

*பேக்கிங் டிரேயில் வெண்ணெய் தடவி Parchment Paper போட்டு அதன் மீதும் வெண்ணெய் தடவி  முட்டை கலவையினை ஊற்றி 10-15 நிமிடங்கள் வரை பேக் செய்து எடுக்கவும்.

*அவனிலிருந்து கேக்கை எடுத்து அதன்மீது ஐசிங் சுகரை தூவி விடவும்.ஒருதுணியை நீரில் நனைத்து நன்கு பிழிந்து அதன்மீது ஸ்பாஞ் கேக்கினை கவித்து  Parchment Paper-ஐ எடுக்கவும்.

*இப்போழுது  அதன்மீது மறுபடியும் ஐசிங் சுகரை தூவி துணியோடு சேர்த்து கேக்கினை மெதுவாக சுருட்டி 10 நிமிடங்கள் வைத்திருந்து விரிக்கவும்.

*இதனிடையே  சாக்லேட்டினை டபுள் பாய்லரில் உருக்கி ஆறவிடவும்.

*சர்க்கரை +வெண்ணெய் சேர்த்து நன்கு கலக்கி ஆறவைத்த சாக்லேட் கலவை மற்றும் வெனிலா எசன்ஸ் சேர்த்து கலக்கினால் ஐசிங் ரெடி!!

*இந்த ஐசிங்கை கேக்கின் மீது தடவி மெதுவாக சுருட்டவும்.

*இப்பொழுது கேக்கின் ஒரு முனையினை சிறிதளவு வெட்டி  எடுக்கவும்.வெட்டிய சிறுதுண்டு கேக்கினை நீளமாக உள்ள கேக்கின் மீது வைத்து அதன்மீது மீதமுள்ள ஐசிங்கை தடவி விடவும்.

*முள்கரண்டியால் ஐசிங் மீது நீளமாக இழுத்து அதன் மீது ஐசிங் சுகர் தூவி விடவும்.

பி.கு

*முட்டையினை ப்ரிட்ஜிலிருந்து எடுத்தவுடன் மஞ்சள் மற்றும் வெள்ளை கருவினை பிரித்தால் ஈசியாக வரும்.

*இந்த கேக்கினை 1 வரத்திற்கு முன்பாக செய்து காற்றுபுகாத டப்பாவில் வைத்து பயன்படுத்தலாம்.

*ப்ரீசரில் 3 மாதம்வரை வைத்திருந்து பயன்படுத்தலாம்.

*கேக்கினை அவனிலிருந்து எடுத்து சூடாக இருக்கும்போதே சுருட்டினால் கிழியாது.அப்படியே கிழிந்தாலும் அதன் மீது ஐசிங் தடவுவதால் கவலை இல்லை.

விப்பிங் க்ரீமிலிருந்து வெண்ணெய் எடுப்பது எப்படி??/Homemade Butter Using Heavy Whipping Cream

1 லிட்டர் விப்பிங் க்ரீமில் 1 கப் ப்ராஸ்டிங் செய்ய பயன்படுத்திய பின் மீதி க்ரீமில் வெண்ணெய் செய்தேன். விஸ்க் மூலம் செய்ததால் தோல் பட்டை வலி மட்டும் வந்து படுத்திடுச்சு..

ஆனால் வெண்ணெய் செய்தபின் சாப்பிட்டு பார்த்த போது வலியெல்லாம் மறந்து போய்டுச்சு.இதற்காகவே விப்பிங் க்ரீம் அதிகமா வாங்கனும் போல....

வெண்ணெயை ஒருநாள் மட்டும் ப்ரெட்டில் தடவி காலை உணவாக சாப்பிட்ட பின் மீதியை நெய் செய்து விட்டேன்.

இதில் முக்கியமானது விப்பிங் க்ரிமை 1 நாள் முழுக்க ப்ரிட்ஜில் வைத்திருந்து வெண்ணெய் எடுப்பது நல்லது..

தயாரிக்கும் நேரம்  25 -30 நிமிடங்கள்

தே.பொருட்கள்

ஹெவி விப்பிங் க்ரீம்/Heavy Whipping Cream  - 3 1/2 கப்
விஸ்க் /Whisk

செய்முறை

*பவுலில் விப்பிங் க்ரீமை ஊற்றி விஸ்க் மூலம் Circular Motion  நன்கு  கலக்கவும்.

 *இது மாதிரி வருவதற்கு குறைந்தது 10 நிமிடங்கள் ஆகும்

 *தொடர்ந்து Circular Motion ல் கலக்கி கொண்டு வந்தால்  நன்கு கெட்டியாகி இது போல் வரும் குறைந்தது 10 நிமிடங்கள் ஆகும்.

*இந்த இடத்தில் தான் கலக்கும்போது தோள்பட்டை வலி எடுக்கும்,கலக்க கொஞ்சம் கஷ்டமா இருக்கும்.

*இது Pale Yellow Colour-ல்போல் வரும் போது பாதிவேலை முடிந்து விட்டது என்று அர்த்தம்.

 *தொடர்ந்து Circular Motion கலக்கும் போது வெண்ணெய் தனியாக பிரிந்து வருவது போல் வரும்.

 *வெண்ணெய் நன்றாக பிரிந்ததும் தனியாக ஒரு பவுலில் குளிர்ந்த நீரில் சேகரிக்கவும்.

 *பின் பட்டர் மில்கை நன்கு வடிகட்டவும்.

*3/12 கப் விப்பிங் கிரிமிலிருந்து  வந்த பட்டர் மில்க்

 *இது தான் 3 1/2 கப்பிலிருந்து கிடைத்த வெண்ணெய்.

*இதனை குறைந்தது 4-5 முறை குளிர்ந்த நீரில் நன்கு அலசி பயன்படுத்தவும்.

 பி.கு

*பட்டர் மில்கை கேக்,பான்கேக் அல்லது ப்ரெட் செய்ய பயன்படுத்தலாம்.

*ப்ரிட்ஜில் 3 நாட்கள் வரை வைத்திருந்து பயன்படுத்தலாம்.