அவகோடா அடை

தே.பொருட்கள்:

அவகோடா - 1

கடலைப்பருப்பு,பாசிப்பருப்பு - தலா 1/4 கப்

அரிசி - 1/4 கப்

துவரம்பருப்பு - 1/4 கப்

காய்ந்த மிளகாய் - 3

சோம்பு - 1/2 டேபிள்ஸ்பூன்

பொடியாக நறுக்கிய வெங்காயம் - 1

தேங்காய்த்துறுவல் - 2 டேபிள்ஸ்பூன்

உப்பு+எண்ணெய் = தேவைக்கு

தாளிக்க:

கடுகு - 1/4 டீஸ்பூன்

உளுத்தம்பருப்பு - 1/4டீஸ்பூன்

கடலைப்பருப்பு - 1/2 டேபிள்ஸ்பூன்

கறிவேப்பிலை - சிறிது

செய்முறை :

*பருப்பு வகைகளை ஒன்றாகவும்+அரிசியை தனியாக ஊறவைக்கவும்.

*ஊறியதும் அரிசியுடன் சோம்பு+காய்ந்த மிளகாய் சேர்த்து 3/4 பாகம் அரைபட்டதும் உப்பு+பருப்பு வகைகள்+தோல் விதை நீக்கிய அவகோடாவையும் சேர்த்து கொரகொரப்பாக அரைக்கவும்.

*கடாயில் எண்ணெய் விட்டு தாளிக்க கொடுத்துள்ளவைகளைப்போட்டு அரைத்து வெங்காயத்தை போட்டு லேசாக வதக்கி அரைத்த மாவில் தேங்காய்த் துறுவலுடன் சேர்த்துக் கலக்கவும்.

*தவாவில் எண்ணெய் விட்டு ஒரு கரண்டி மாவை விட்டு மெல்லியதாக இல்லாமலும்,தடினமாக இல்லாமலும் ஊற்றி இரு ப்புறமும் வேகவிட்டு எடுக்கவும்.

*தேங்காய் சட்னியுடன் சாப்பிட சூப்பராகயிருக்கும்.

Sending this recipe to "Veggie/Fruit A Month - Avocado" By Priya.