South Indian Mini Breakfast Thali

தென் இந்திய காலை சிற்றுண்டியில் இடம் பெறும் முக்கிய மெனு

இட்லி, வெண்பொங்கல் ,ரவா கேசரி,தேங்காய் சட்னி, சரவணபவன் ஹோட்டல் சாம்பார்  ,மெதுவடை, காபி...

இவையில்லாமல் பூரி,தோசை,மசால் தோசை, ஆப்பம், உப்புமா,கிச்சடி போன்ற இதர டிபன் ஐயிட்டங்களும் இடம் பெறும்.

ரவா கேசரி

தே.பொருட்கள்

ரவை - 1/2 கப்
சர்க்கரை - 1/2 கப்
உப்பு - 1 சிட்டிகை
நீர் - 1 1/2 கப்
கேசரி கலர் - 1 சிட்டிகை
ஏலக்காய்த்தூள் - 1/4 டீஸ்பூன்
முந்திரி-  10
திராட்சை -  8
நெய் - 1/4 கப்

செய்முறை

* கடாயில் சிறிது நெய் விட்டு வையை 2 நிமிடங்கள் நிறம் மாறாமல் வறுக்கவும்.

*வேறொரு பாத்திரத்தில் நீர்+உப்பு+கேசரி கலர் சேர்த்து கொதிக்கவிடவும்.

*ரவை வறுபட்டதும் முந்திரி திராட்சை சேர்த்து கிளறி  கொதிநீரை ஊற்றி கிளறவும்.ரவை வெந்ததும் சர்க்கரை சேர்த்து கிளறவும்.

*நன்கு சுருண்டு வரும் போது ஏலக்காய்த்தூள் மற்றும் மீதமுள்ள நெய் சேர்த்து கிளறி இறக்கவும்.

பி.கு

*ரவையில் கொதிக்கும் நீர் ஊற்றி கிளறுவதால் கட்டிவிழாமல் இருக்கும்,கிளறுவதற்க்கும் ஈசியா இருக்கும்.

*கொடுத்துள்ள அளவுபடி நெய் சேர்த்தால் நன்றாக இருக்கும்.