ஸ்ட்ராபெர்ரி ரோஸ் பூங்கொத்து /Strawberry Rose Bouquet |Valentines Day Spl - A Guest post By Geetha Achal

கீதா ஆச்சல் - இவரை ஏற்கனவே நான் அவருக்கு கெஸ்ட் போஸ்ட் போட்ட பதிவினில் சொல்லியிருக்கிறேன்.அவரிடம் எனக்கு கெஸ்ட் போடுமாறு நான் கேட்ட போது,அவர் எனக்கு அனுப்புகிறேன் என்று சொல்லிய குறிப்புகளை எல்லாம்  நான் போஸ்ட் செய்துவிட்டதால் என்ன அனுப்புவதென்று அவருக்கு தெரியவில்லை.

கடைசியாக இந்த ஸ்ட்ராபெர்ரி பூங்கொத்து  பதிவினைப் பற்றி சொல்லியபோது நானும் ஆர்வமாகி அனுப்ப சொன்னேன்.இதோ அவருடைய அழகான ஸ்ட்ராபெர்ரி ரோஸ் பூங்கொத்து.மிக்க நன்றி கீதா!!

இந்த அழகான பூங்கொத்தினை  எப்படி செய்வதென்று பார்க்கலாம்.

தே.பொருட்கள்

ஸ்ட்ராபெர்ரி பழங்கள் - 250 கிராம்

சிறிய கத்தி

மூங்கில் குச்சிகள் -தேவைக்கு

வெங்காயத்தாளின் பச்சை கலர் பகுதி -தேவைக்கு

செய்முறை

* ஸ்ட்ராபெர்ரி பழத்தினை ஒன்று எடுத்துக் கொள்ளவும்.

 *அதனை அடிப்பக்கமாக எடுத்துக் கொண்டு,மேலிருந்து கீழாக முழுவதும் கீறிவிடாமல் நான்கு இதழுகளாக மெதுவாக கீறி இழுக்கவும்.

 *இதே போல் முதல் 4 இதழ்க்கு நேருமாறாக முன்பு சொன்னதுபோல் 4 இதழுகளாக கீறி மெதுவாக இழுக்கவும்.

 *இப்போ இதனை பார்ப்பதற்கு அழகான ரோஜாப்பூ போல இருக்கும்.

 *இந்த படத்தினை பார்க்கும் போது நிஜப்பூக்களை போலவே இருக்கு இல்லையா..

 *வெங்காயத்தாளின் பச்சைகலர் பகுதியை மட்டும் எடுத்து அதனை மெதுவாக மூங்கில் குட்டியில் சொருகி பூவின் அடிப்பாகத்தில் சொருகிவிடவும்.

*பூச்சாடியில் சொருகி அலங்காரமாக 1 நாள்வரை வைத்திருந்து பயன்படுத்தலாம்.

பி.கு
*அதன் பிறகு அந்த பழத்தினை என்ன செய்வதென்று கேட்பவர்களுக்கு பதில் கீதா தான் சொல்லனும்..