Sashiga Kitchen: பொடிவகைகள்

Showing posts with label பொடிவகைகள். Show all posts

Wednesday, 5 July 2017 at Wednesday, July 05, 2017 | By: Menaga Sathia

பருப்பு பொடி/ Paruppu Podi (Ambika Appalam Depot Style)

ஆந்திரா உணவில் எப்போழுதும் பருப்பு பொடி+நெய் கண்டிப்பாக இருக்கும்.திருப்பதிக்கு போனால்,ஓட்டல்களில் சாப்பிடும் போது இந்த காம்பினேஷனை ஒதுக்கிவிட்டு தான் சாப்பிடுவேன்,ஏன்னா எனக்கு பிடிக்காது.

அம்பிகா டெபோ பருப்பு பொடி ஒரு முறை கடையில் வாங்கினேன்,ஆனால் அப்போழுது வரை நான் பருப்பு பொடி சாதத்தில் சேர்த்து சாப்பிட்டதில்லை.அதனால் பொடியை இட்லிபொடியாக உபயோகித்துவந்தேன்.

ஒருமுறை சமைப்பதற்கு சோம்பேறியாக இருந்த போது இந்த பொடியை சாதத்தில் சிறிது நெய் சேர்த்து சாப்பிட்டதில் உண்மையில் அந்த சுவையில் மயங்கி தான் போனேன். இதுவரை வாழ்க்கையில் பருப்பு பொடியை தவறிட்டோம் என கூட வருந்தினேன்.

கூகிளில் தேடும்போது இந்த ரெசிபி கிடைத்தபோது,உடனே செய்தேன்.அதே சுவையில் இருந்தது.கூடுதலாக நான் கொஞ்சம் பெருங்காய கட்டி சேர்த்துக் கொண்டேன்.

இதில் விரும்பினால் கடுகு சிறிது மற்றும் கறிவேப்பிலை வறுத்து அரைக்கும் போது சேர்த்துக் கொள்ளலாம்,ஆனால் நான் சேர்க்கவில்லை.
நான் எண்ணெயில் பொருட்களை வறுத்தும்,கலருக்கா 2 காஷ்மிர் மிளகாயும் சேர்த்துக் கொண்டேன்.

தே.பொருட்கள்
துவரம்பருப்பு - 1/2 கப்
பொட்டுக்கடலை -1/2 கப்
மிளகு+சீரகம் -தலா 1/2 டீஸ்பூன்
காய்ந்த மிளகாய் -10
காஷ்மிரி மிளகாய் -2
பெருங்காய கட்டி -1/2 டீஸ்பூன்
எண்ணெய் -1 டீஸ்பூன்
கல் உப்பு-தேவைக்கு

செய்முறை
*கடாயில் எண்ணெய் ஊற்றி பெருங்காயம் பொரித்து எடுத்த பின்,மிளகாய்களை வறுத்து எடுக்கவும்.

*அதே எண்ணெயில் துவரம் பருப்பு சேர்த்து பொன் முறுவலாக வறுத்தெடுக்கவும்.

*பின் மிளகு,சீரகம்,பொட்டுக்கடலையை வறுத்து ஆறவைக்கவும்.

*அனைத்தும் நன்றாக ஆறியபின் மிளகாய்+உப்பு சேர்த்து முதலில் அரைக்கவும்.

*பின் மற்ற பொருட்களை சேர்த்து கொஞ்சம் கரகரப்பாக பொடித்து எடுக்கவும்.

*இந்த பொடியை சாதத்துடன் நெய் கலந்து சாப்பிட நன்றாக இருக்கும்.இட்லி,தோசைக்கு கூட சாப்பிட நன்றாக இருக்கும்.

பி.கு
*விரும்பினால் இதனுடன் பூண்டு சேர்த்தும் அரைக்கலாம்.

Friday, 11 September 2015 at Friday, September 11, 2015 | By: Menaga Sathia

வாங்கிபாத் மசாலா பொடி / Vangibath Masala Powder | Authentic Mysore Style Vangibath Masala Powder

PRINT IT
பிஸிபேளாபாத் மசாலா பொடி செய்த அதே வீடியோவில் பார்த்த செய்த குறிப்பு.மிக நன்றாக இருந்தது.

இதில் உருளை வறுவல் செய்ததில் மிக நன்றாக இருந்தது.காஷ்மிரி மிளகாயை பயன்படுத்துவது நல்ல நிறத்தைக் கொடுக்கும்.

இதில் கொப்பரைத்துறுவல் சேர்க்காததால் ப்ரிட்ஜில் 2 மாதம் வரை வைத்திருந்து பயன்படுத்தலாம்.

நான் எப்போழுதும் குறைந்த அளவே மசாலா பொருட்களை அரைத்து உடனடியாக பயன்படுத்தி விடுவேன்.அவர்கள் கொடுத்துள்ள அளவில் நான் ஸ்பூன் அளவில் பயன்படுத்தி அரைத்ததே கால் கப்பிற்கும் கூடவே இருந்தது.

தே.பொருட்கள்

தனியா -1 1/2 டேபிள்ஸ்பூன்
கடலைப்பருப்பு -3/4 டேபிள்ஸ்பூன்
வெ.உளுத்தம்பருப்பு -3/4 டேபிள்ஸ்பூன்
காய்ந்த மிளகாய்- 2
காஷ்மிரி மிளகாய்- 4
கிராம்பு -5
பட்டை 1 இஞ்ச் அளவில்- 2
எண்ணெய் -1 1/2 டேபிள்ஸ்பூன்

செய்முறை

*கடாயில் எண்ணெய் ஊற்றி முதல் கடலைப்பருப்பு+உளுத்தம்பருப்பு சேர்த்து பொன்னிறமாக வறுக்கவும்.

*பின் பட்டை +கிராம்பு சேர்த்து வறுத்த பின் மிளகாயினை சேர்த்து வறுக்கவும்.

*கடைசியாக தனியாவை சேர்த்து லேசாக வறுத்து அடுப்பை அணைக்கவும்.கடாயின் சூட்டிலேயே தனியா வறுபட்டுவிடும்.

*ஆறியதும் மிக்ஸியில் நைசாக பொடிக்கவும்.

*அரைத்த பொடியினை நன்கு ஆறவைத்த பின் காற்றுப்புகாத டப்பாவில் வைத்து பயன்படுத்தவும்.

Monday, 1 June 2015 at Monday, June 01, 2015 | By: Menaga Sathia

பிஸிபேளாபாத் மசாலா பொடி / Bisi Bele Bath Masala Powder | Authentic Mysore BBB Masala Powder

PRINT IT

நானும் பிஸிபேளாபாத் மசாலா பொடி போட்டு சாதம் செய்துருக்கேன்,எதுவும் சரியாக வரவில்லை.கடைசியாக இந்த வீடியோவில் சொல்லியபடியே செய்தேன்.செம வாசனை,சாதமும் மிக அருமை.

சாதரணமாக இந்த பொடியில் கொப்பரைத்துறுவல் சேர்த்து அரைப்பாங்க,ஆனால் இந்த செய்முறையில் சேர்க்க தேவையில்லை.சாதம் செய்யும் போது சேர்த்தால் போதுமானது.

அதனால் தேங்காய் சேர்க்காததால் இந்த பொடியை 3 மாதம்வரை வைத்திருந்து பயன்படுத்தலாம்.

இதே பொடியை உருளை மற்றும் கத்திரிக்காய் வறுவல் செய்தால் மிக அருமை.

மேலும் இதில் காஷ்மிரி மிளகாயை பயன்படுத்துவது ந‌ல்ல நிறைத்தை கொடுக்கும்.

வறுக்கும் போதும் கொடுத்துள்ள முறைப்படியே பொருட்களை சேர்த்து வதக்கவும்.

தே.பொருட்கள்
உளுத்தம்பருப்பு - 1 1/2 டேபிள்ஸ்பூன்
கடலைப்பருப்பு- 1 1/2 டேபிள்ஸ்பூன்
தனியா- 1/4 கப்+1/8 கப்
காய்ந்த மிளகாய் -10
காஷ்மிரி மிளகாய்- 22
1 இஞ்ச் அளவு பட்டை- 6
கடுகு- 1/2 டீஸ்பூன்
கசகசா- 1/2 டேபிள்ஸ்பூன்
கிராம்பு -3
வெந்தயம்- 1/8 டீஸ்பூன்
சீரகம்- 1/2 டேபிள்ஸ்பூன்
எண்ணெய் -1டேபிள்ஸ்பூன்

செய்முறை

*கடாயில் எண்ணெய் ஊற்றி உளுத்தம்பருப்பு+கடலைப்பருப்பு+கடுகு+கிராம்பு+வெந்தயம்+பட்டை+கா.மிளகாய்+காஷ்மிரி மிளகாய் இவற்றை ஒன்றன் பின் ஒன்றாக போட்டு வறுக்கவும்.

*கடைசியாக தனியா+கசகசா சேர்த்து வதக்கவும்.

*நன்கு ஆறியதும் மிக்ஸியில் நைசாக பொடிக்கவும்.

*அரைத்த பொடியை சிறிது நேரம் ஆறவைத்து காற்றுபுகாத டப்பாவில் வைத்திருந்து பயன்படுத்தவும்.

Friday, 9 May 2014 at Friday, May 09, 2014 | By: Menaga Sathia

எவரெஸ்ட் சிக்கன் தந்தூரி மசாலா / Everest Chicken Tandoori Masala | Tandoori Masala Recipe| Friendship 5 Series - Homemade Powders # 5

PRINT IT

எவரெஸ்ட் பிராண்டின் காஷ்மிர் மிளகாய் தூள்,சாட் மசாலா மற்றும் ஆம்சூர் பொடி தான் வாங்குவேன்,ஒரு முறை தந்தூரி மசாலா வாங்கி செய்து பார்த்ததில் பிடித்து விட,அதே போல் தான் இப்போழுது செய்வது.

இதில் சேர்க்கபடும் முக்கிய பொருளே கறுப்பு ஏலக்காயும்,ஜாதிக்காயும் தான்.

தே.பொருட்கள்

அன்னாசிப்பூ -1
பிரியாணி இலை -2
கிராம்பு - 4
பட்டை -1
கறுப்பு ஏலக்காய் -2
ஜாதிக்காய் -சிறிய துண்டு
கசகசா -1 டீஸ்பூன்
மிளகு -1/2 டீஸ்பூன்
சீரகம் -1/2 டீஸ்பூன்
சுக்கு - 1 சிறிய துண்டு
கடுகு -1/4 டீஸ்பூன்
துவரம் பருப்பு -1 டேபிள்ஸ்பூன்
பூண்டுப்பல் -3
மஞ்சள்தூள் -1/2 டீஸ்பூன்
வரமிளகாய்த்தூள் -2 1/2 டேபிள்ஸ்பூன்
தனியாதூள் - 1 டேபிள்ஸ்பூன்
பெருங்காயத்தூள் - 1/4 டீஸ்பூன்
உப்பு -1 டீஸ்பூன்

செய்முறை

*கொடுக்கபட்ட பொருட்களில் தூள் வகைகள் +உப்பு தவிர மீதி அனைத்தையும் தனித்தனியாக வெறும் கடாயில் வறுத்து ஆறவைக்கவும்.

*முதலில் வறுத்த பொருட்களில் பூண்டை தவிர மற்ற அனைத்தையும் பொடி செய்த பின் மற்ற தூள் வகைகள்+உப்பு+பூண்டுப்பல் சேர்த்து ஒரு சுற்று சுற்றி எடுக்கவும்.

பி.கு

*இதில் வரமிளகாய்த்தூள்+தனியாத்தூள் பதிலாக காய்ந்த மிளகாய்+தனியா வறுத்து சேர்த்து அரைக்கலாம்.

*இந்த மசாலாவை அனைத்து வகை தந்தூரி ரெசிபியில் சேர்க்கலாம்.

சிக்கன் தந்தூரி செய்யும் முறை

*சிக்கன் தொடைபகுதியை அங்கங்கே கீறி எலுமிச்சை சாறு+உப்பு சேர்த்து 15 நிமிடம் வைக்கவும்.

*பின் இஞ்சி பூண்டு விழுது+எவரெஸ்ட் தந்தூரி மசாலா + கெட்டி தயிர்+சிகப்பு கலர் சேர்த்து 4 மணிநேரம் ஊறவைத்து அவனில் பேக் செய்து எடுக்கவும்.

நான் செய்த தந்தூரி சிக்கன் , தந்தூரி சிக்கன் -2 குறிப்பினை பார்க்கவும்.

Technorati Tags:Chicken Tandoori Masala, Tandoori Chicken Masala,Everest Chicken Tandoori Masala, Everest Tandoori Chicken Masala, Homemade Tandoori Masala,Everest Tandoori Masala Powder, Tandoori Masala Powder,How To Make Tandoori Masala, Tandoori Masala Tags:Chicken Tandoori Masala, Tandoori Chicken Masala, Homemade Tandoori Masala, Tandoori Masala Powder, How to Make Tandoori Masala, Tandoori Masala,Everest Chicken Tandoori Masala, Everest Tandoori Chicken Masala, Everest Tandoori Masala Powder

Thursday, 8 May 2014 at Thursday, May 08, 2014 | By: Menaga Sathia

கறிவேப்பிலை பொடி /Curry Leaves Podi |Karuveppillai Podi|Curry Leaves Chutney Powder|Side Dish For Idli& Dosa|Friendship 5 Series -Homemade Powder #4

PRINT IT

பரிமாறும் அளவு - 4 நபர்கள்
தயாரிக்கும் நேரம் - 10 நிமிடங்கள்

தே.பொருட்கள்

கறிவேப்பிலை - 1/2 கப்
காய்ந்த மிளகாய் - 6
உளுத்தம்பருப்பு - 1/3 கப்
கடலைப்பருப்பு -1/4 கப்
பெருங்காயத்தூள் -1/2 டீஸ்பூன்
உப்பு - தேவைக்கு

செய்முறை

*கறிவேப்பிலையை கழுவி,ஈரம் போக நிழலில் உலர்த்தவும்.

*பின் அதனை 1 நிமிடம் மைக்ரோவேவில் சூடு படுத்தி எடுக்கவும்.

*இதனால் கறிவேப்பிலையின் நிறம் மாறாமல் இருக்கும்.

*மீதி அனைத்து பொருட்களையும் பெருங்காயத்தூள் தவிர வெறும் கடாயில் வறுத்து ஆறவைக்கவும்.

*ஆறியதும் அனைத்து பொருட்களையும் உப்பு+பெருங்காயத்தூள் சேர்த்து கொரகொரப்பாக அரைக்கவும்.

Technorati Tag :Podi Varieties, Curry Leaves Podi,Karuveppillai Podi, How To Make Curry Leaves Podi,Side Dish For Idli&Dosa, Homemade Powder,Homemade Curry Leaves powder, Homemade Karuveppillai Podi

Wednesday, 7 May 2014 at Wednesday, May 07, 2014 | By: Menaga Sathia

கடலைப்பருப்பு பாயாசம் மிக்ஸ் / Chana Dal Payasam Mix | Instant Payasam Mix | Friendship 5 Series - Homade Powders # 3

PRINT IT

கடலைப்பருப்பு பாயாசம் மிக்ஸ் இருந்தால் திடீர் விருந்தினர்கள் வந்துவிட்டால் 3 நிமிடங்களில் பாயாசம் செய்து அசத்தி விடலாம்.மிக சுவையானதும் கூட..இந்த மிக்ஸில் நெய்யை சூடுபடுத்தி ஊற்றி லட்டுகளாகவும் பிடிக்கலாம்.

பரிமாறும் அளவு - 5-6 நபர்கள்
தயாரிக்கும் நேரம் - 10 நிமிடங்கள்

தே.பொருட்கள்

கடலைப்பருப்பு+முந்திரி - தலா 1/4 கப்
ஏலக்காய் -5
சர்க்கரை - 2 டேபிள்ஸ்பூன்

செய்முறை

*வெறும் கடாயில் கடலைப்பருப்பை போட்டு மிதமான தீயில் வாசனை வரும் வரை வறுத்து எடுக்கவும்.

*அடுப்பை அணைத்துவிட்டு முந்திரியை சூடான கடாயில் போட்டு வைக்கவும்.வறுக்க வேண்டாம்.

*முதலில் கடலைப்பருப்பினை மிக்ஸியில் போட்டு நைசாக பொடிக்கவும்.

*பின் சர்க்கரை+ஏலக்காய்+முந்திரி சேர்த்து நைசாக பொடிக்கவும்.

பாயாசம் செய்யும் முறை

*கடாயில் 1 டீஸ்பூன் நெய் ஊற்றி 2 டேபிள்ஸ்பூன் மிக்ஸினை போட்டு வறுத்து சுண்ட காய்ச்சிய 1 1/2 கப் பாலினை ஊற்றி கைவிடாமல் கிளறி 5 நிமிடத்தில் இறக்கவும்.சுவையான பாயாசம் தயார்...

Technorati Tags :Payasam Recipes, Chanadal Payasam,Instant Mix Payasam, Kadalaiparuppu Mix Payasam, Instant Kadalaiparuppu Payasam,How To Make Instant Mix Payasam

Tag: Payasam Recipes, Chanadal Payasam, Instant Mix Payasam, How To Make Instant Mix Payasam

,Kadalaiparuppu mix payasam, Instant Kadalaiparuppu payasam

Tuesday, 6 May 2014 at Tuesday, May 06, 2014 | By: Menaga Sathia

ராஜம் சுக்கு காபி பொடி / Rajam Sukku Kaapi Mix | Instant Sukku Malli Kaapi Mix | Friendship 5 Series - Homemade Powder # 2

PRINT IT

ராஜம் பிராண்ட் அனைத்தும் மூலிகை சம்பந்தப்பட்ட தயாரிப்பு.இதில் சுக்கு காபி மிக்ஸ்+பருத்திப் பால் நன்றாக இருக்கும்.

பருத்தி பால் மிக்ஸில் அதிக இனிப்பு இருப்பதுப்போல் தோன்றியதால் அதை வாங்குவதில்லை.இந்த சுக்கு காபி மிக்ஸ் மட்டும் வாங்குவேன்.மிக சுவையாக இருக்கும்.

இதில் சுக்கு,தனியா,மஞ்சள்தூள்,வெந்தயம்,திப்பிலி,சித்தரத்தை,பனைவெல்லம்,மிளகு,அஸ்வகந்தா,நன்னாரி,அதிமதுரம்,ஜாதிக்காய் சேர்த்து செய்வார்கள்.நான் என்னிடம் இருந்த பொருட்களை மட்டும் சேர்த்து செய்துள்ளேன்.

சுக்கு காபியை குடிப்பதால் ஏற்படும் நன்மைகள்

*அதிகப்படியான பித்தம் குறையும்.

*உடலின் வெப்பத்தை சீராக வைத்துக் கொள்ள உதவும்.

*ஜீரணத்தை தூண்டி ,பசியை அதிகரிக்கும்.

*மழைக்காலங்களில் ஏற்படும் சளி,காய்ச்சல் குணமாகும்.

தே.பொருட்கள்

சுக்கு - 25 கிராம்

தனியா - 2 டேபிள்ஸ்பூன்

வெந்தயம் -1/4 டீஸ்பூன்

ஜாதிக்காய் -சிறியதுண்டு

கண்டதிப்பிலி - 2 குச்சிகள்

மிளகு - 1 டீஸ்பூன்

மஞ்சள்தூள் -1/4 டீஸ்பூன்

பனை வெல்லம் அல்லது வெல்லம் -சுவைக்கேற்ப

செய்முறை

*கொடுத்துள்ள பொருட்களில் பனை வெல்லம்+மஞ்சள்தூள் தவிர அனைத்தையும் வெறும் கடாயில் வறுத்துக் கொள்ளவும்.

*ஆறியதும் மிக்ளியில் பொடிக்கவும்.பின் மஞ்சள்தூள்+பனைவெல்லம் சேர்த்து 1 சுற்று சுற்றி எடுக்கவும்.

சுக்கு காபி செய்முறை

* 1 கப் நீரில் 2 டீஸ்பூன் சுக்கு காபி பொடியை சேர்த்து கொதிக்க வைத்து வடிகட்டி பருகவும்.

பி.கு

*இது கொஞ்சம் காரமாக இருக்கும்,அதனால் சுவைக்கேற்ப வெல்லத்தை சேர்க்கவும்.

*விரும்பினால் இதில் சிறிதளவு பால் கலந்து பருகலாம்,ஆனால் இதை ப்ளையினாக குடிப்பது தான் நன்றாக இருக்கும்.

Monday, 5 May 2014 at Monday, May 05, 2014 | By: Menaga Sathia

MTR இன்ஸ்டண்ட் புளியோதரைப் பொடி /MTR Puliogare Mix | Instant Puliogare Powder | Friendship 5 Series - Homemade Powder # 1

PRINT IT

Friendship 5 Series இவெண்டினை சவிதா & கீதா சேர்ந்து நடத்துறாங்க.ஒவ்வொரு மாதமும் முதல் திங்கள் - வெள்ளி வரை தொடர்ந்து மாதம் ஒரு குறிப்பு என பகிர்ந்துக்கலாம்.இந்த மாதம் Homemade Powder Series.

MTR இட்லிப் பொடி குறிப்பினை ஏற்கனவே பகிர்ந்துள்ளேன்.இந்த பிராண்டின் புளிசாதம் பொடியும் நன்றாக இருக்கும்.

இந்த பொடியை நான் உடனே பயன்படுத்தி விட்டதால் இதில் எந்த Preservative சேர்க்கவில்லை. நீண்ட நாள் வைத்திருந்து பயன்படுத்த வேண்டுமெனில் இதில் Acetic Acid & Tartaric Acid சேர்க்கவேண்டும்.

பரிமாறும் அளவு -2 நபர்
தயாரிக்கும் நேரம் -15 நிமிடங்கள்

தே.பொருட்கள்

புளி - சிறிய எலுமிச்சை பழளவு
மிளகு+சீரகம் - தலா 3/4 டீஸ்பூன்
காய்ந்த மிளகாய் -2
வெள்ளை எள் -1 டீஸ்பூன்
தனியா -1 1/2 டீஸ்பூன்
கடலைப்பருப்பு - 1 டீஸ்பூன்
வெந்தயம் -1/2 டீஸ்பூன்
கடுகு -1/2 டீஸ்பூன்
உளுத்தம்பருப்பு -1 டீஸ்பூன்
பெருங்காயத்தூள் - 1/2 டீஸ்பூன்
கறிவேப்பிலை - 1 கொத்து
மஞ்சள்தூள் -1/2 டீஸ்பூன்
வேர்கடலை -1 டேபிள்ஸ்பூன்
உப்பு - தேவைக்கு
எண்ணெய் -1 டீஸ்பூன்

செய்முறை

*முதலில் வெறும் கடாயில் தனியா+கடலைப்பருப்பு+மிளகு+சீரகம்+வெந்தயம்+எள்+காய்ந்த மிளகாய் இவற்றை தனித்தனியாக வாசனை வரும் வரை வறுத்தெடுக்கவும்.

*தேவையான உப்பையும் வறுத்து எடுக்கவும்.

*பின் புளியை பொடியாக நறுக்கி ஈரம் போக வெறும் கடாயில் வறுக்கவும்.

*கடாயில் எண்ணெய் ஊற்றி வேர்க்கடலையை வறுத்து வைக்கவும்.

*அதே கடாயில் மீதமுள்ள எண்ணெயில் கடுகு+உளுத்தம்பருப்பு+மஞ்சள்தூள்+பெருங்காயத்தூள்+கறிவேப்பிலை சேர்த்து தாளித்து ஆறவைக்கவும்.

*வறுத்த பொருட்கள் ஆறியதும் தனியா+கடலைப்பருப்பு+மிளகு+சீரகம்+எள்+வெந்தயம்+காய்ந்த மிளகாய்+தாளித்த பொருட்கள் இவற்றை சேர்த்து நைசாக பொடித்து தனியாக வைக்கவும்.

*பின் உப்பு+புளி சேர்த்து பொடிக்கவும்.

*இதனுடன் அரைத்து வைத்த பொடியை சேர்த்து ஒரு சுற்று சுற்றி எடுக்கவும்.

*பின் கடைசியாக வேர்கடலையை சேர்த்து ஒன்றிரண்டாக பொடித்து எடுக்கவும்.

*இதில் Acetic Acid & Tartaric Acid சேர்ப்பதாக இருந்தால் அதையும் சேர்த்து ஒரு சுற்று சுற்றி எடுக்கவும்.

*ஆறியதும் காற்று புகாத டப்பாவில் 2 நாள் வரை வைத்திருந்து பயன்படுத்தலாம்.

பி.கு

* கலந்த சாத வகைகளுக்கு உப்பை வடிக்கும் போதே சேர்த்து விடுவேன்,அதனால் இந்த இன்ஸ்டண்ட் மிக்ஸ்ல் உப்பை குறைத்து சேர்த்துள்ளேன்.

புளிசாதம் செய்யும் முறை

தே.பொருட்கள்

உதிராக வடித்த சாதம் -1 கப்
புளிசாத இன்ஸ்டண்ட் மிக்ஸ் -1/4 கப்
நல்லெண்ணெய் - 2 டேபிள்ஸ்பூன்

செய்முறை

*கடாயில் எண்ணெய் ஊற்றி இன்ஸ்டண்ட் மிக்ஸினை சேர்த்து 2-3 நிமிடங்கள் வதக்கி சாதத்தை சேர்த்து கிளறி 1 மணிநேரம் வைக்கவும்.

*பின் மசால் வடை,உருளை வறுவல் அல்லது புதினா துவையலுடன் பரிமாறவும்.