தர்பூசணி சாம்பார்

தர்பூசணி பழத்தினை நாம் சாப்பிட்டு விட்டு தோலை தூக்கிப் போடுவோம் அப்படி தூக்கி போடாமல் தோலுக்கும் சிவப்பு பகுதிக்கும் நடுவில் உள்ள வெள்ளைப் பகுதியை சாம்பார் வைத்து சாப்பிட்டால் சூப்பராக இருக்கும்.!!

தே.பொருட்கள்:

த்ர்பூசணி வெள்ளைப் பகுதி - 1/2 கப்
துவரம்பருப்பு - 1 கப்
வெங்காயம் - 1 சிறியது
தக்காளி - 1
பச்சை மிளகாய் - 4
சாம்பார் பொடி - 1 டீஸ்பூன்
கொத்தமல்லித் தழை - சிறிது
புளி - 1 கோலிகுண்டளவு
பூண்டுப் பல் - 5
மஞ்சள்தூள் - 1 சிட்டிகை
உப்பு - தேவைக்கு
எண்ணெய் -1 டேபிள்ஸ்பூன்

தாளிக்க:

கடுகு - 1/2 டீஸ்பூன்
உளுத்தம் பருப்பு - 1 டீஸ்பூன்
சீரகம் - 1/2 டீஸ்பூன்
பெருங்காயம் - வாசனைக்கு
கறிவேப்பில்லை -சிறிது
காய்ந்த மிளகாய் - 2

செய்முறை:

*பருப்பை 20 நிமிடம் ஊறவைக்கவும்.

*வெங்காயம் +தக்காளி அரியவும்,பச்சை மிளகாயை கீறவும்.தர்பூசணி வெள்ளை பகுதியை நார்மல் துண்டுகளாக நறுக்கவும்.

*குக்கரில் ஊறிய பருப்பு+வெங்காயம்+பூண்டு+தக்காளி+மஞ்சள்தூள்+பச்சை மிளகாய்+தர்பூசணி வெள்ளை பகுதி இவை அனைத்தும் சேர்த்து 3 விசில் வரும் வரை வேக வைக்கவும்.

*புளியை 1/4 கப் அளவில் கரைக்கவும்.

*ப்ரெஷர் அடங்கியதும் குக்கரை திறந்து சாம்பார் பொடி+உப்பு+புளி கரைசல் அனைத்தும் சேர்க்கவும்.

*பாத்திரத்தில் எண்ணெய் விட்டு தாளிக்க குடுத்துள்ள பொருட்களைப் போட்டு தாளித்து பருப்பை ஊற்றி 15 நிமிடம் கொதிக்கவிட்டு கொத்தமல்லித் தழை தூவி இறக்கவும்.

*இந்த சாம்பாரின் சுவை தூக்கலாக இருக்கும்.