ரவா லட்டு /Rava Laddoo

ரவா லட்டு செய்யும் போது  பால் பவுடர் சேர்த்து செய்தால் இன்னும் சுவையாக இருக்கும் என்று ஒரு புக்கில் படித்தேன்.அதன் படி செய்ததில் நன்றாக இருந்தது.

தே.பொருட்கள்

ரவை  - 1 கப்

பால் பவுடர் - 1/4 கப்

சர்க்கரை - 1 கப்

ஏலக்காய் - 3

நெய் - 1/2 கப்

நெய்யில் வறுத்த முந்திரி,திராட்சை - தேவைக்கு

செய்முறை

* ரவையை  லேசாக வெறும் கடாயில் வறுக்கவும்.

*சர்க்கரை+ஏலக்காய் இவ்விரண்டையும் நைசாக பொடிக்கவும்.ரவையையும் இவற்றையும் நைசாக பொடிக்கவும்.

*இவற்றுடன் பால் பவுடர்+வறுத்த முந்திரி திராட்சை சேர்த்து நன்றாக கலக்கவும்.

*நெய்யை லேசாக சூடு செய்து ரவை கலவையில் ஊற்றி கைபொறுக்கும் சூட்டில் உருண்டைகளாக பிடிக்கவும்.