ஹரியாலி சிக்கன் கபாப் /Hariyali Chicken Kabab | Chicken Recipes

PRINT IT 
இது ஒரு பஞ்சாபி உணவு வகை.இதனை க்ரில் செய்து முடித்ததும் வெண்ணெய்/எண்ணெய் தடவி பரிமாறலாம்.நான் எண்ணெய்/வெண்ணெய் தடவாமல் பரிமாறியுள்ளேன்.எல்லாம் நம் விருப்பம்தான்

தே.பொருட்கள்
எலும்பில்லாத சிக்கன்-1/4 கிலோ
தயிர்- 2 டேபிள்ஸ்பூன்
உப்பு -தேவைக்கு
எலுமிச்சை சாறு -2 டீஸ்பூன்

அரைக்க‌

புதினா +கொத்தமல்லி- தலா 1 கைப்பிடி
பச்சை மிளகாய்- 2 (அ) காரத்திற்கேற்ப‌
இஞ்சி -சிறிய துண்டு
பூண்டுப்பல்- 2
மிளகு- 3

செய்முறை

*சிக்கனை சுத்தம் செய்து நடுத்தர துண்டுகளாகி,நீரில்லாமல் வடிக்கவும்.

*அரைக்க கொடுத்துள்ள பொருட்களை நன்கு அரைக்கவும்.

*பாத்திரத்தில் சிக்கன்+உப்பு+எலுமிச்சை சாறு+தயிர்+அரைத்த மசாலா சேர்த்து கலந்து குறைந்தது 2 மணிநேரம் ப்ரிட்ஜில் ஊறவைக்கவும்.

*க்ரில் செய்வதற்கு முன் சிக்கனை ப்ரிட்ஜிலிருந்து 1/2 மணிநேரத்திற்கு முன்பாக எடுத்து வைக்கவும்.

*அவனை 210°C முற்சூடு செய்யவும்.

*மூங்கில் குச்சியினை 1 மணிநேரம் ஊறவைத்த பின் சிக்கனை மூங்கில் குச்சியில் சொருகி 20 நிமிடங்கள் பேக் செய்து எடுக்கவும்.

*இதனை சாலட் / டிப்(Dip) உடனோ அல்லது அப்படியே கூட பரிமாறலாம்.