Friday 9 October 2015 | By: Menaga Sathia

தக்காளிக்காய் அவியல் / Green Tomato Aviyal | Thakkalikaai Aviyal | Aviyal Recipes

print this page PRINT IT 

அவியல் செய்ய காய்கள் இல்லையெனில்,தக்காளிக்காயில் செய்யலாம்.மிக சுலபமானதும் கூட..

அவியலுக்கு தேங்காய் எண்ணெயும் மிக முக்கியமானது,கண்டிப்பாக சேர்க்கவும்.

தக்காளிக்காய் புளிப்பாக இருக்குமென்பதால் இதில் தயிர்/புளி எதுவும் சேர்க்கவேண்டாம்.இந்த காயினை வேகவைக்கும் போது நீரினை மிக குறைவாக சேர்க்கவும்.இது நீர்காய் என்பதால் வெந்ததும் நீர் விடும்.

தக்காளிக்காயில் அவியல் செய்து ருசித்து விட்டால் நீங்கள் வேறு எந்தகாயிலும் அவியல் செய்யமாட்டீங்க..

தே.பொருட்கள்
தக்காளிக்காய்- 6 நடுத்தர அளவு
மஞ்சள்தூள் -1/2 டீஸ்பூன்
உப்பு -தேவைக்கு
தேங்காய் எண்ணெய்- 2 டீஸ்பூன்
கறிவேப்பிலை- 1 கொத்து

அரைக்க‌
தேங்காய்த்துறுவல்- 1/2 கப்
பச்சை மிளகாய்- 2
சீரகம்- 1 டீஸ்பூன்
சின்ன வெங்காயம்- 2

செய்முறை
*தக்காளிக்காயினை நீளவாக்கில் வெட்டி,பாத்திரத்தில் போட்டு மஞ்சள்தூள் சேர்த்து நீரினை மிக குறைவாக சேர்த்து வேகவிடவும்.

*அரைக்க கொடுத்துள்ள பொருட்களில் சின்ன வெங்காயம் தவிர மற்ற அனைத்தையும் நைசாக அரைக்கவும்.கடைசியாக சின்ன வெங்காயம் சேர்த்து 1 சுற்று சுற்றி எடுக்கவும்.

*காய் வெந்ததும் அரைத்த மசாலா சேர்த்து மேலும் 3- 4 நிமிடங்கள் வரை கொதிக்கவிடவும்.

*கடைசியாக தேங்காய் எண்ணெய்+கறிவேப்பிலை சேர்த்து இறக்கவும்.

*15 நிமிடங்கள் கழித்து பரிமாறினால் மிக சுவையாக இருக்கும்.

பி.கு

*காய் சீக்கிரம் வெந்து விடும்,அதனால் கவனம் தேவை.

*மசாலா சேர்த்து கிளறும் போது கரண்டியின் பின்புறத்தை பயன்படுத்தவும்,இதனால் காய் குழையாமல் இருக்கும்.

*கறிவேப்பிலை தே.எண்ணெய் சேர்த்த பின்,சிறிது நேரம் கழித்து பரிமாறவும்.அவையிரண்டு மணமும் சேர்ந்து சாப்பிட சூப்பராயிருக்கும்.

5 பேர் ருசி பார்த்தவர்கள்:

Mahi said...

Is it tomatillo? Or regular unripe tomato? Looks interesting..Quick n yummy!

கவிஞர்.த.ரூபன் said...

வணக்கம்

அருமையான அசத்தல்.. வாழத்துக்கள்
-நன்றி-
-அன்புடன்-
-ரூபன்-

Menaga Sathia said...

@ Mahi
Its reguler unripe tomato only..thxs !!

Priyamuden ashok said...

Always detail recipe...ka wht happened ka...

சாந்தி மாரியப்பன் said...

ஜூப்பரு..

01 09 10