முருங்கைக்கீரை கடையல்/ DRUMSTICK LEAVES(MURUNGAIKEERAI) KADAIYAL

PRINT IT

தே.பொருட்கள்

சுத்தம் செய்த முருங்கைக்கீரை -2 கப்

துவரம்பருப்பு -1/3 கப்

பூண்டுப்பல்- 4

பச்சை மிளகாய்- 2

உப்பு+எண்ணெய் -தேவைக்கு

தாளிக்க‌

வடகம் -1/2 டேபிள்ஸ்பூன்

காய்ந்த மிளகாய் -1

செய்முறை

*குக்கரில் துவரம்பருப்பு+பச்சை மிளகாய்+பூண்டு +தேவையான  நீர் சேர்த்து 2 விசில் வரை வேகவிடவும்.

*இப்போழுது பருப்பு முக்கால் பதம் வெந்து இருக்கும்.அடுப்பில் வைத்து கொதிக்கவிடவும்.

*கீரையை சேர்த்து மூடி போடாமல் வேகவிடவும்.

*கீரை வெந்ததும் நன்கு ஆறவிடவும்.

*ஆறியதும் கீரையில் இருக்கும் நீரை வடித்துவிட்டு கீரை மட்டும் சேர்த்து மிக்ஸியில் நைசாக அரைக்கவும்.

*பின் தாளிக்க கொடுத்துள்ள பொருட்களை தாளித்து அதனையும் அரைத்த கீரையில் சேர்த்து 1 சுற்று சுற்றி எடுக்கவும்.

*கீரை வேகவைத்த நீரை சேர்த்து கலக்கி பரிமாறவும்.

பி.கு 

*கீரை கலவை கெட்டியாக இருந்தால் சாதம் வடித்த நீரை சேர்த்து கலக்கி பரிமாறவும்.குளிர்ந்தநீரை சேர்க்கவேண்டாம்.

*கீரை வேகவைக்கும் போது மூடி போட்டு வேகவைக்கவேண்டாம்,கீரையின் நிரம் மாறிவிடும்.

அவரைக்காய் சாம்பார் / AVARAKKAI (BROAD BEANS) SAMBAR

PRINT IT

ஒவ்வொரு காய் போட்டு சாம்பார் வைக்கும் தனி ருசி தான்.அதில் நாட்டு அவரைக்காயும் ஒன்று.இந்த காய் போட்டு சாம்பார் வைக்கும் போது சாம்பாரின் ருசியே தனிதான்.

நாட்டு அவரைக்காய் சமைக்கும் போது சீக்கிரம் வெந்து விடும்.

தே.பொருட்கள்
நாட்டு அவரைக்காய் -10
துவரம்பருப்பு -1/4 கப்
மஞ்சள்தூள் -1/2 டீஸ்பூன்
சாம்பார் பொடி- 2 டீஸ்பூன்
நறுக்கிய வெங்காயம் -1
நறுக்கிய தக்காளி -1
கீறிய பச்சை மிளகாய்- 2
புளிகரைசல்- 1/2 கப்
பொடியாக நறுக்கிய கொத்தமல்லித்தழை -சிறிது
உப்பு -தேவைக்கு

தாளிக்க‌
எண்ணெய்- 1 டேபிள்ஸ்பூன்+ 1 டீஸ்பூன்
வடகம்- 2 டீஸ்பூன்
கறிவேப்பிலை -1 கொத்து
பெருங்கயத்தூள் -1/4 டீஸ்பூன்

செய்முறை
*துவரம்பருப்பினை மஞ்சள்தூள் சேர்த்து வேகவைத்துக் கொள்ளவும்.

*அவரைக்காயின் இரு பக்கங்களிலும் நாரினை நீக்கி விட்டு அப்படியே கையால் 2 அல்லது 3 ஆக ஒடிக்கலாம்.

*பாத்திரத்தில் 1 டீஸ்பூன் எண்ணெய் விட்டு வெங்கயம்+பச்சை மிளகாய்+தக்காளி+அவரைக்காய் என ஒன்றன் பின் ஒன்றாக போட்டு வதக்கவும்.

*பின் வேகவைத்த துவரம்பருப்பு+சாம்பார் பொடி +தேவைக்கு நீர் சேர்த்து கொதிக்கவிடவும்.

*அவரைக்காயை வதக்கி சேர்ப்பதால் 2- 3 நிமிடங்களிலேயே வெந்துவிடும்.

*பின் புளிகரைசல்+உப்பு சேர்த்து மேலும் 5 நிமிடங்கள் கொதிக்க விடவும்.

*கடைசியாக மீதமிருக்கும் 1 டேபிள்ஸ்பூன் எண்ணெயில் தாளிக்க கொடுத்துள்ள பொருட்களை தாளித்து சேர்த்து கொத்தமல்லித்தழை தூவி இறக்கவும்.

தண்டை / THANDAI (SPICED ALMOND MILK ) | HOLI RECIPES

PRINT IT
 இது வடஇந்தியாவின் ஸ்பெஷல் பானகம்.மஹாசிவராத்திரி மற்றும் ஹோலி அன்று செய்வார்கள்.

தண்டை மசாலா பொடியினை மொத்தமாக பொடித்து வைத்துக் கொண்டால் தேவையான போது செய்யலாம்.

நான் கொஞ்சமாக செய்ததால் மசாலாவினை அரைத்து செய்துள்ளேன்.

Recipe Source : Tarladalal

தே.பொருட்கள்

பால் -3 கப்
சர்க்கரை -1/2 கப்
குங்குமப்பூ -சிறிதளவு
பிஸ்தா பருப்பு -அலங்கரிக்க‌
ரோஸ் எசன்ஸ் -2 துளி (விரும்பினால்)

தண்டை மசாலா செய்ய‌

பாதாம் பருப்பு -30
மிளகு -15
கசகசா+சோம்பு -தலா 1 1/2 டேபிள்ஸ்பூன்
ஏலக்காய் -7

செய்முறை

*பாலினை காய்ச்சி சர்க்கரை சேர்த்து ஆறவைக்கவும்.

*சிறிதளவு வெதுவெதுப்பான பாலில் குங்குமப்பூவை கலந்து வைக்கவும்.

*தண்டை மசாலா செய்ய கொடுத்துல்ள பொருட்களை 1/2 மணிநேரம் ஊறவைத்து நைசாக அரைக்கவும்.

*பால் ஆறியதும் மசாலாவினை சேர்த்து 30 நிமிடம் அப்படியே வைக்கவும்.

*பின் அதனை சூப் வடிகட்டியில் வடிகட்டி ரோஸ் எசன்ஸ்+குங்குமப்பூவை கலந்து ப்ரிட்ஜில் வைக்கவும்.

*பரிமாறும் போது பிஸ்தா பருப்பு கலந்து பரிமாறவும்.

பி.கு

*தண்டை மசாலாவினை சேர்ததும் 30 நிமிடம் வைத்திருந்து வடிகட்டினால் மசாலாவின் மணம் நன்கு ஊறியிருக்கும்.

*எப்போழுதும் குளிரவைத்து பரிமாறவும்.

*ரோஸ் எசன்ஸ் சேர்ப்பது நல்ல மணம் கொடுக்கும்.சிலர் காய்ந்த ரோஜா இதழ்களை சேர்ப்பார்கள்.

ரெட் வெல்வெட் க்ரீம் சீஸ் ப்ரவுணீ / RED VELVET CREAM CHEESE BROWNIES

PRINT IT
இந்த குறிப்பினை ப்ரியா சுரேஷ் முகநூலில் Fondbites,Bake Along குரூப்பில் போஸ்ட் செய்த போது ரொம்ப அழகா இருந்தது.இங்கே பார்த்து செய்தேன்.பார்க்கவே மிக அழகாக இருந்தது.

அவர்கள் கொடுத்துள்ள அளவில் பாதி போட்டு செய்தேன்.மேலும் ரெட் கலருக்கு பதில் பீட்ரூட் வேகவைத்து அரைத்து செய்துள்ளேன்.

ரெட் வெல்வெட் ப்ரவுணீ செய்ய‌

மைதா- 1 1/2 கப்+1/8 கப்
சர்க்கரை -1 கப்+1/8 கப்
கோகோ பவுடர் -1 1/2 டேபிள்ஸ்பூன்
உப்பு- 1/2 டீஸ்பூன்
பேக்கிங் பவுடர் -1/4 டீஸ்பூன்
முட்டை -1
வெஜிடபிள் எண்ணெய் -1/2 கப்
பால்- 1டேபிள்ஸ்பூன்+1 டேபிள்ஸ்பூன்
வெனிலா எசன்ஸ்- 1/2 டேபிள்ஸ்பூன்
வேகவைத்து அரைத்த பீட்ரூட் விழுது -1/4 கப்(அ) ரெட் கலர் -1/2 டேபிள்ஸ்பூன்
வெள்ளை வினிகர்- 1 டீஸ்பூன்

க்ரீம் சீஸ் லேயர் செய்ய‌
க்ரீம் சீஸ்- 1/2 கப்
சர்க்கரை -1/4 கப்+1/8 கப்
முட்டை -1
வெனிலா எசன்ஸ்- 1 டீஸ்பூன்

செய்முறை

*அவனை 180°C முற்சூடு செய்யவும்.

*பேக்கிங் டிரேயில் எண்ணெய் தடவி பட்டர் பேப்பர் வைத்து அதன் மீது எண்ணெய் தடவி வைக்கவும்.

*மைதா+கோகோ பவுடர்+உப்பு+சர்க்கரை+பேக்கிங் பவுடர் இவற்றை நன்றாக கலந்து நடுவில் குழி போல் செய்துக் கொள்ளவும்.

*ஒரு பாத்திரத்தில் முட்டை ஊற்றி நன்கு கலக்கவும்.

*அதில் எண்ணெய்+வெனிலா எசன்ஸ்+1 டேபிள்ஸ்பூன் பால்+பீட்ரூட் விழுது +வினிகர் சேர்த்து நன்கு கலக்கவும்.

*இந்த கலவையை மாவில் ஊற்றி மிருதுவாக கலக்கவும்.

*இந்த கலவையில் 1/3 கப் அளவு எடுத்து அதில் 1 டேபிள்ஸ்பூன் பால் கலந்து வைக்கவும்.

*திக்கான ப்ரவுணீ கலவையை பேக்கிங் டிரேயில் ஊற்றி சமபடுத்தி வைக்கவும்.

*வேறொரு பாத்திரத்தில் க்ரீம் சீஸ் கலவை சேர்த்து பீட்டரால் மிருதுவாக அடிக்கவும்.

*அதில் சர்க்கரை சேர்த்து 2 -3 நிமிடங்கள் கலக்கவும்.

*பின் முட்டையை ஊற்றி நன்கு பீட்டரால் அடித்து வெனிலா எசன்ஸ் சேர்க்கவும்.

*இந்த கலவையை ப்ரவுனியின் மீது பரவலாக ஊற்றி சமபடுத்தவும்.

*இப்போழுது THIN ப்ரவுணீ கலவையை க்ரீம் சீஸ் லேயர் மீது ஸ்பூனால் இடைவெளி விட்டு ஊற்றவும்.

*டூத்பிக்கினால் SWIRL ( மார்பிள் கேக்கிற்கு செய்வது )போல செய்யவும்.

*இதனை முற்சூடு செய்த அவனில் 30 நிமிடங்கள் வரை பேக் செய்து நன்கு ஆறவிடவும்.

*இதனை அப்படியே பரிமாறலாம்(அ)இதய வடிவ குக்கீ கட்டரால் கட் செய்து பரிமாறலாம்.

பீர்க்கங்காய் சொதி /RIDGE GOURD(PEERKANGAI) SODHI

PRINT IT
அக்காவிடம் கற்றுக்கொண்ட குறிப்பு

தே.பொருட்கள்
பீர்க்காங்காய் -1 பெரியது
நறுக்கிய வெங்காயம் -1
நறுக்கிய தக்காளி -1
நசுக்கிய பூண்டுப்பல்- 3
கீறிய பச்சை மிளகாய்- 2
பால் -1/2 கப்
மஞ்சள்தூள் -1/4 டீஸ்பூன்
உப்பு+எண்ணெய்- தேவைக்கு

தாளிக்க‌
கடுகு + உளுத்தம்பருப்பு- தலா 1/2 டீஸ்பூன்
சீரகம் -1/4 டீஸ்பூன்
கறிவேப்பிலை -1 கொத்து

செய்முறை
*பீர்க்காங்காயை தோல் சீவி சதுரதுண்டுகளாக நறுக்கவும்.

*பாத்திரத்தில் எண்ணெய் ஊற்றி தாளிக்க கொடுத்துள்ள பொருட்களை சேர்த்து தாளித்து வெங்காயம்+பூண்டு+பச்சை மிளகாய் சேர்த்து வதக்கவும்.

*பின் தக்காளி+பீர்க்கங்காய் துண்டுகள் சேர்த்து வதக்கி உப்பு +மஞ்சள்தூள் மற்றும் 1/2 கப் நீர் சேர்த்து 5- 6 நிமிடங்கள் வேகவிடவும்.

*காய் வெந்ததும் கடைசியாக பால் சேர்த்து 1 கொதி வந்ததும் இறக்கவும்.

பி.கு
*பீர்க்கங்காயின் தோலில் துவையல் செய்யலாம்.

ஹோட்டல் சரவணபவன் கார சட்னி / HOTEL SARAVANABHAVAN KARA CHUTNEY | SIDE DISH FOR IDLI & DOSA

PRINT IT
ஒரு முறை சரவணபவனில் சாப்பிடும் போது கார சட்னி எப்படி செய்வதுன்னு கேட்ட போது பரிமாருபவர் என்னை ஒரு மாதிரி பார்த்துவிட்டு அதெல்லாம் செய்முறைலாம் சொல்ல முடியாதுங்கன்னு சொன்னார்.

நானும் விடாம திருப்பி கேட்டபொழுது மேலோட்டமாக பொருட்களை மட்டும் சொன்னார்.நானும தன் படி வீட்டில் செய்த போது அளவுகளை ஒவ்வொரு முறை மாற்றி போட்டு செய்தாலும் அதன் சுவை வரவில்லை.கடைசியாக   செய்யும் போது அதே சுவை வந்தது.

தே.பொருட்கள்

நறுக்கிய வெங்காயம் - 1/2 கப்
நறுக்கிய தக்காளி -1/4 கப்
காய்ந்த மிளகாய் -5 அல்லது 6
புளி  -ப்ளுபெர்ரி பழளவு
உளுத்தம் பருப்பு- 1டீஸ்பூன்
கடலைப்பருப்பு- 1 டீஸ்பூன்
உப்பு -தேவைக்கு

தாளிக்க‌

எண்ணெய்- 2 டீஸ்பூன்
கடுகு+உளுத்தம் பருப்பு -தலா 1/2 டீஸ்பூன்
பெருங்காயத்தூள்- 1/4 டீஸ்பூன்
கறிவேப்பிலை- 1 கொத்து

செய்முறை
*வெறும் கடாயில் உளுத்தம்பருப்பு+கடலைப்பருப்பு இவற்றை தனித்தனியாக வறுக்கவும்.

*பின் 1 டீஸ்பூன் எண்ணெய் ஊற்றி நறுக்கிய வெங்கயம்+தக்காளி+காய்ந்த மிளகாய் சேர்த்து வதக்கி ஆறவிடவும்.

*மிக்ஸியில் முதலில் பருப்புகளை பொடிக்கவும்,பின் வதக்கிய வெங்காய கலவை மற்றும் புளி+உப்பு சேர்த்து நீர் விடாமல் அரைக்கவும்.

*பின் தாளிக்க கொடுத்துள்ளவைகளை தாளித்து சேர்க்கவும்.

பி.கு

*அரைக்கும் போது நீர் சேர்க்க தேவையில்லை தேவையெனில் 2 டேபிள்ஸ்பூன் நீர் சேர்த்து அரைக்கவும்.

தால் பக்வான் / DAL PAKWAN | SINDHI BREAKFAST RECIPE

PRINT IT
 தால் பக்வான் சிந்திகாரர்களின் மிக பிரபலமான காலை உணவு.செய்வதற்கும் மிக எளிது,இப்போழுது எங்கள் வீட்டில் அடிக்கடி செய்யும் உணவு இது.

தால் கடலைப்பருப்பில் செய்வது,பக்வான் என்பது நம்ம ஊரு மைதா பூரி போல,ஆனால் இதனை உப்பவிடாமல் முள்கரண்டியால் குத்தி கிரிஸ்பியாக தாலுடன் பரிமாற வேண்டும்.

பக்வான் செய்ய நான் பாதியளவு மைதா+கோதுமை மாவு சேர்த்து செய்துள்ளேன்.

தால் செய்ய‌

கடலைப்பருப்பு -1/2 கப்
மஞ்சள்தூள் -1/2 டீஸ்பூன்
வரமிளகாய்த்தூள்- 3/4 டீஸ்பூன்
கரம் மசாலா -1/4 டீஸ்பூன்
தனியாத்தூள் -1/4 டீஸ்பூன்
உப்பு -தேவைக்கு

தாளிக்க‌
எண்ணெய்- 3/4 டீஸ்பூன்
சீரகம் -1/2 டீஸ்பூன்
பெருங்காயத்தூள் -1/4 டீஸ்பூன்

செய்முறை
*கடலைப்பருப்பை கழுவி 20 நிமிடம் ஊறவைத்து,குக்கரில் மஞ்சள்தூள்+தேவைக்கு நீர் சேர்த்து வேகவைக்கவும்.

*ப்ரெஷர் அடங்கியதும் மிளகாய்த்தூள்+கரம் மசாலா+தனியாத்தூள்+உப்பு சேர்த்து 5 நிமிடங்கள் கொதிக்கவைக்கவும்.

*பின் தாளிக்க கொடுத்துள்ள பொருட்களை சேர்த்து தாளித்து சேர்க்கவும்.

பக்வான் செய்ய‌

மைதா- 1/2 கப்
கோதுமை மாவு -1/2 கப்
சீரகம்- 1/2 டீஸ்பூன்
உப்பு -தேவைக்கு
எண்ணெய் -2 டேபிள்ஸ்பூன்+பொரிக்க‌

செய்முறை

*பாத்திரத்தில் மைதா+கோதுமைமாவு+உப்பு+சீரகம் +2 டேபிள்ஸ்பூன் எண்ணெய் சேர்த்து கலக்கவும்.

*பின் தேவைக்கு நீர் சேர்த்து பூரிக்கு பிசைவது போல் மாவை பிசைந்து ஈரதுணியால் மூடி 1/2 மணிநேரம் வைக்கவும்.

*பின் சிறு உருண்டையாக எடுத்து பூரிக்கு தேய்ப்பது போல மாவை உருட்டி முள் கரண்டியால் ஆங்காங்கே குத்திவிடவும்.

*சூடான எண்ணெயில் போட்டு 2 பக்கமும் க்ரிஸ்பியாக பொரித்தெடுக்கவும்.

*பரிமாறும் போது பொடியாக அரிந்த வெங்காயம்+இனிப்பு மற்றும் புதினா சட்னியுடன் சேர்த்து பரிமாறவும்.