பாதாம் கத்லி(பாதாம் பர்பி ) / BADAM BURFI | BADAM KATLI | SWEET RECIPES

PRINT IT
இன்றோடு வலைப்பூவில் எழுத தொடங்கி 6 ஆண்டுகள் நிறைவடைகிறது.ஊக்கமளிக்கும் அனைத்து நண்பர்களுக்கும் நன்றிகள் பல !!

தே.பொருட்கள்

பாதாம் பவுடர் ‍- 1/2 கப்
சர்க்கரை -1/2 கப்
நீர் -2 டேபிள்ஸ்பூன்
நெய்- 1 டீஸ்பூன்

செய்முறை

*பலகை அல்லது தட்டில் சிறிது நெய் தடவி வைக்கவும்.

*நான் ஸ்டிக் கடாயில் சர்க்கரை+நீர் சேர்த்து கரைய விடவும்.

*சர்க்கரை நன்கு கரைந்ததும் 1 கம்பி பதம் எடுக்கவும்.

*1 கம்பி பதம் என்பது சர்க்கரை பாகினை தொட்டால் 2 விரல்களுக்கு இடையே 1 நூலிழைப்போல வரும்.

*அப்போழுது பாதாம் பவுடர் தூவி கட்டியில்லாமல் கலக்கவும்.

*2 -3 நிமிடங்களுக்கு பிறகு மாவினை எடுத்து உருட்டி பார்த்தால் பந்து போல உருட்டும் பதத்தில் வரவேண்டும்.

*அப்படி வரும் போது உடனே நெய் தடவிய தட்டில் கொட்டவும்.

*கை பொறுக்கும் சூட்டில் மிருதுவாக பிசையவும்.

*பட்டர் பேப்பரில் உருண்டையை வைத்து அதன் மேல் இன்னொரு பட்டர் பேப்பர் வைத்து 1 இஞ்ச் அளவிற்கு உருட்டவும்.

*பின் விருப்பமான வடிவில் துண்டுகள் போடவும்.நான் வட்ட வடிவத்தில் துண்டுகள் போட்டுள்ளேன்.

*இதில் பால் சேர்க்காததால் அறைவெப்பநிலையில் 1 வாரம்வரை வைத்திருக்கலாம்.

பி.கு

*நான் ரெடிமேட் பாதாம் பவுடர் பயன்படுத்தியிருக்கேன்.

*பாதாம் பவுடர் இல்லையெனில் 1/2 கப் பாதாமை சுடுநீரில் ஊறவைத்து தோலுரிக்கவும்.பின் ஈரம்போக துணியில் நன்கு உலர்த்தி மிக்ஸியில் பல்ஸ் மோடில் நிறுத்தி நிறுத்தி பொடிக்கவும்.தொடர்ந்து பொடித்தால் பாதாமிலிருந்து எண்ணெய் வரும்.கொஞ்சம் கொரகொரப்பாக இருந்தால் பரவாயில்லை பர்பி வெந்து மிருதுவாக பிசையும் போது சரியாக இருக்கும்.

*பால் ஊற்றி அரைத்தால் சுவையில் நிச்சயம் வேறுபாடு இருக்கும்.

*கத்லி பிசையும் போது கொஞ்சம் டிரையாக இருந்தால் 1 டீஸ்பூன் பால் விட்டு பிசையலாம்.

*அப்படி பால் விட்டு பிசையும் போது பிரிட்ஜில் வைத்து பயன்படுத்தவும்.

*சர்க்கரை பாகுபதம் மிக முக்கியம்,பதம் தவறிவிட்டால் கத்லி சரியாக வராது.

*பிசையும் போது உருண்டை ஒட்டினால் சிறிது நெய் தடவி பிசையலாம்.