Monday, 18 May 2009 | By: Menaga sathia

கத்திரிக்காய் இட்லி சாம்பார்/Brinjal Idli Sambhar

தே.பொருட்கள்:

மைசூர் பருப்பு - 1/2 கப்
கத்திரிக்காய் - 6
மஞ்சள்தூள் - 1/4 டீஸ்பூன்
சின்ன வெங்காயம் - 8
தக்காளி - 2
பச்சை மிளகாய் - 1
பூண்டுபல் - 5
கொத்தமல்லித்தழை - சிறிது
உப்பு+எண்ணெய் = தேவைக்கு

தாளிக்க:

கடுகு+உளுத்தம்பருப்பு = 1 டீஸ்பூன்
பெருங்காயம் - வாசைக்கு
காய்ந்த மிளகாய் - 2
சீரகம் - 1/2 டீஸ்பூன்
கறிவேப்பில்லை - சிறிது

செய்முறை:

*பருப்பை கழுவி 20 நிமிடம் ஊறவைக்கவும்.

*குக்கரில் பருப்பு+அரிந்த வெங்காயம்+தக்காளி+பச்சை மிளகாய்+பூண்டு+மஞ்சள்தூள்+கத்திரிக்காய்+1 டீஸ்பூன் எண்ணெய் சேர்த்து 5 விசில் வரும் வரை வேகவிடவும்.

*வெந்ததும் தாளிக்க குடுத்துள்ள பொருட்களை போட்டு தாளிக்கவும்.

*பின் உப்பு+கொத்தமல்லித்தழை தூவி இறக்கி பரிமாறவும்.

பி.கு:
1 . இட்லி,தோசை,சப்பாத்தி,பூரிக்கு பரிமாறலாம்.
2 . சாம்பார் தண்ணியாக இருந்தால் தோசைமாவோ 1/2 குழிக்கரண்டி அல்லது அரிசிமாவு 1டேபிள்ஸ்பூன் கலந்து கொதிக்கவிட்டால் திக்காக இருக்கும்.
3 . சாப்பிடும் போது சாம்பாரில் 1 ஸ்பூன் நெய்விட்டு கலந்து சாப்பிட்டால் ரொம்ப சூப்பரா இருக்கும்.நெய்யில் தாளிப்பதை விடசாப்பிடும் போது கலந்து சாப்பிட்டால் வாசனை தூக்கலா இருக்கும்.

5 பேர் ருசி பார்த்தவர்கள்:

Mrs.Faizakader said...

மைசூர் பருப்பில் நான் செய்தது கிடையாது மேனகா.. செய்து பார்க்கிறேன்.

Mrs.Menagasathia said...

மைசூர் பருப்புக்கு பதில் துவரம் பருப்பு,பாசிப்பருப்பிலும் செய்யலாம் பாயிசா.செய்து பாருங்க நல்லாயிருக்கும்.

!♫ ♪ ..♥ .பனித்துளி சங்கர் .♥..♪ ♫ said...

இன்று சாம்பார் மற்றும் இட்லி சமையல் மிகவும் அருமை . எனக்கு மிகவும் பிடிக்கும் . பகிர்வுக்கு நன்றி

rk guru said...

உங்கள் பக்கத்தின் குறிப்பே எங்கள் விட்டின் சமையலாக இருக்கும்.

Mrs.Menagasathia said...

நன்றி சங்கர்!!

நன்றி குரு!! மிகவும் சந்தோஷமா இருக்கு....

01 09 10