திருநெல்வேலி கோதுமை அல்வா(சுலப‌ செய்முறை)/Tirunelveli Wheat Halwa(Easy Method)

இன்றோடு  நான் வலைப்பூவில் எழுத தொடங்கி 4 ஆண்டுகள் நிறைவடைகின்றது..

கோதுமை பாலை கடாயில் விட்டு நீண்ட நேரம் கிண்டுவதைவிட குக்கரில் வைத்து வேகவைத்து எடுத்தால் சுலபம் என முன்பு ஒரு வலைப்பூவில் கமெண்டில் எப்போதோ படித்ததாக ஞாபகம்.அதன்படி செய்ததில் வேலை சுலபமாக முடிந்துவிட்டது.

தே.பொருட்கள்

முழு கோதுமை - 1/2 கப்
சர்க்கரை - 1 1/4 கப்
கேசரி கலர் - சிறிதளவு
நெய்  - 3/4 கப்-  1 கப்
ஏலக்காய்த்தூள் -  1/4 டீஸ்பூன்
நெய்யில் வறுத்த முந்திரி -  தேவைக்கு

செய்முறை

*கோதுமையை முதல்நாள் இரவே ஊறவைத்து மறுநாள் கிரைண்டரில் அரைத்து 3 முறை பால் எடுக்கவும்.

*அரைத்த பாலை 2 மணிநேரம் அப்படியே வைத்திருந்தால் கெட்டிபால் அடியில் தங்கி நீர் மேலோடு தங்கியிருக்கும்.அந்த நீரை மேலோடு  ஊற்றிவிடவும்.

*குக்கரில் வைக்கும் அளவில் ஒரு பாத்திரத்தில் கோதுமைபால்+சர்க்கரை+கேசரி கலர் சேர்த்து நன்கு கலக்கவும்.

*குக்கரில் தேவையான நீர் ஊற்றி அதனுள் இந்த மாவு பாத்திரத்திஅ வைத்து மூடி போட்டு 3 விசில் வரை வேகவிடவும்.

*ப்ரெஷர் அடங்கியதும் குக்கரின் உள்ளே இருக்கும் பாத்திரத்தை எடுத்து 1/2 கப் நீர் சேர்த்து நன்கு கட்டியில்லாமல்  கரைக்கவும் அல்லது மிக்ஸியில் ஒரு சுற்று சுற்றி எடுக்கவும்.

*கடாயில் சிறிது நெய் ஊற்றி வெந்த மாவை ஊற்றி சிறு தீயில் கிளறவும்.இடையிடையே நெய் ஊற்றவும்.

*மாவு நன்கு வெந்து கெட்டியாகி நெய் விட ஆரம்பிக்கும் நேரத்தில் ஏலக்காய்த்தூள்+முந்திரி சேர்த்து கிளறி இறக்கவும்.

*விரும்பினால் தட்டில் சமப்படுத்தி துண்டுகள் போட்டு பரிமாறலாம்.

பி.கு

பாலை குக்கரில் வேகவைக்காமல் சர்க்கரை பாகு 1 கம்பி பதம் வைத்து மாவை ஊற்றி இடைவிடாமல் கிளறியும் செய்யலாம்.இந்த முறையில் இடைவிடாமல்  கிளறிக்கொண்டே இருக்கவேண்டும்.இதைவிட மேலே நான் சொன்ன செய்முறை ரொம்ப ஈசியானது.

Sending To Gayathri's WTML Event @My homemantra