Saturday 12 July 2014 | By: Menaga Sathia

கல்மி கபாப் / Kalmi Kebab | Kalmi Kabab | Chicken Appetizer Recipes

நீண்ட நாட்களாக கல்மி கபாப் ரெசிபி தேடிட்டு இருந்தேன்.ப்ரியாவின் ரெசிபியை பார்த்ததும் உடனே செய்ததில் மிக அருமையாக இருந்தது.இதனை நான் ப்ரைட் ரைஸூடன் பரிமாறினேன்.விரும்பினால் புதினா சட்னியுன் ஸ்டார்ட்டராக பரிமாறலாம்.மிக்க நன்றி ப்ரியா!!

எப்போழுதும் கபாப் செய்வதற்கு தொடை பகுதியை பயன்படுத்தி தான் செய்ய வேண்டும்,அதுதான் கபாப்பிற்கு நல்ல சுவையைக் கொடுக்கும்.

இதனை எலுமிச்சை சாறு+உப்பு+மிளகாய்த்தூள் சேர்த்து முதலில் ஊறவைத்த பின் மர்ற தயார் செய்த மசாவுடன் ஊறவைத்து க்ரில் செய்வது மிக சுவையைக் கொடுக்கும்.

முதல் நாள் இரவே ஊறவைத்து செய்வது நன்றாக இருக்கும்.அப்படி நேரமில்லை என்றால் குறைந்தது 3 மணிநேரமாவது ஊறவிடுவது நல்லது.

Recipe Source: Cook Like Priya

ஊறவைக்கும் நேரம் : முதல்நாள் இரவு அல்லது 3 மணிநேரம்
தயாரிக்கும் நேரம் : 15 நிமிடங்கள்

தே.பொருட்கள்

சிக்கன் தொடைப்பகுதி -4
வெண்ணெய் -1/4 கப்(உருகியது)
வட்டமாக நறுக்கிய வெங்காயம் -அலங்கரிக்க‌

சிக்கனில் ஊறவைக்க -1

எலுமிச்சை சாறு  -1 1/2 டேபிள்ஸ்பூன்
வரமிளகாய்த்தூள் -1 டீஸ்பூன்
உப்பு- 3/4 டீஸ்பூன்

சிக்கனில் ஊறவைக்க- 2

கடுகு எண்ணெய் -1டேபிள்ஸ்பூன்+1 டீஸ்பூன்
தயிர் -1/4 கப்
இஞ்சி பூண்டு விழுது  -1 டேபிள்ஸ்பூன்+1 டீஸ்பூன்
கசூரி மேத்தி- 1 டேபிள்ஸ்பூன்
புதினா இலைகள்- 12
கொத்தமல்லி இலை- 2 டேபிள்ஸ்பூன்(பொடியாக நறுக்கியது)
வரமிளகாய்த்தூள் -1 டேபிள்ஸ்பூன்
தனியாத்தூள் -2 டீஸ்பூன்
காஷ்மிரி மிளகாய்த்தூள் -2 டீஸ்பூன்(கலருக்காக)
சீரகத்தூள் -3/4 டீஸ்பூன்
கரம் மசாலா -1/2 டீஸ்பூன்
உப்பு -தேவைக்கு

செய்முறை

*சிக்கனை நன்றாக கழுவி ஈரம் போக கிச்சன் பேப்பரில் துடைக்கவும்.

*சிக்கனில் ஊறவைக்க -1 ல் கொடுத்துள்ள பொருட்களை ஒன்றாக கலந்து சிக்கனில் 10 நிமிடங்கள் ஊறவைக்கவும்.

*புதினாவை பொடியாக நறுக்கி இதனுடன் நறுக்கிய கொத்தமல்லி இலையையும் சேர்த்து ஒன்றும் பாதியாக நசுக்கிக் கொள்ளவும்.

*பின் சிக்கனில் ஊறவைக்க -2ல் கொடுத்துள்ள பொருட்களை ஒன்றாக கலந்து முதலில் ஊறிய சிக்கனுடன் சேர்த்து கலந்து முதல் நாள் இரவே அல்லது 3 மணிநேரங்கள் ஊறவைக்கவும்.





.*பேக்கிங் டிரேயில் அலுமினியம் பேப்பர் போட்டு சிக்கனை வைக்கவும்.

*முற்சூடு செய்த அவனில் 270°C ல் 25 நிமிடங்கள் பேக் செய்யவும்.

*இடையிடையே சிக்கனை திருப்பி விடவும்.

*சிக்கன் வெந்ததும் 300°C ல் க்ரில்லிங் மோடில் 10 நிமிடம் மீண்டும் பேக் செய்து எடுக்கவும்.

*பேக் செய்த பின் வெண்ணெயை ப்ரெஷ்ஷால் வெந்த சிக்கன் மேல் தடவி விடவும்.
பி.கு

*அவரவர் அவனுக்கேற்ப டைம் மாறலாம்.

* காரத்தினை அவரவர் காரத்திற்கேற்ப சேர்க்கவும்.நான் கொஞ்சம் அதிகமாகவே சேர்த்திருக்கேன்.

*பார்ட்டியில் இதனை புதினா சட்னியுடன் பரிமாறலாம்.

6 பேர் ருசி பார்த்தவர்கள்:

Unknown said...

Wow Kalmi kebab looks superb :) vahrehvah ;) kaalakitingae. You have made it so well. Thank you so much for trying this recipe and giving credits to my recipe. Also if you are interested you can link this entry to my giveaway. Please check my blog for details. Hugs

'பரிவை' சே.குமார் said...

நல்லாத்தான் இருக்கு...
ஆனா ஓ(அ)வன் தான் இல்லை...
எப்படி செய்வது அக்கா...

sangeetha senthil said...

ரொம்ப அழகா வந்து இருக்கு .

GEETHA ACHAL said...

பார்க்கும் பொழுதே சாப்பிட தோனுது மேனகா..கண்டிப்பாக செய்து பார்க்க வேண்டும்...

Menaga Sathia said...

@சகோ குமார்

அவன் இல்லைன்னா பர்பிக்யூ மாதிரி சுட்டு எடுக்கலாம்.

Gita Jaishankar said...

The kebabs looks so yummy and inviting dear...nice preparation :)

01 09 10