Monday 30 November 2015 | By: Menaga Sathia

பருப்பு கடையல்& வாழைக்காய் மிளகு பொரியல்/ Dal Tadka & Plaintain(Raw Banana) Pepper Poriyal

print this page PRINT IT
பருப்பு கடைசல்

தே.பொருட்கள்
பாசிப்பருப்பு,துவரம்பருப்பு -தலா 1/4 கப்
மஞ்சள்தூள் -1/4 டீஸ்பூன்
எலுமிச்சை சாறு -1/2 டீஸ்பூன்
உப்பு+எண்ணெய் = தேவைக்கு

தாளிக்க
சீரகம்,பெருங்காயத்தூள் - தலா 1/4 டீஸ்பூன்
காய்ந்த மிளகாய் - 2
நசுக்கிய பூண்டுப்பல் - 3
கறிவேப்பிலை - சிறிது
பொடியாக நறுக்கிய கொத்தமல்லித்தழை - சிறிது

செய்முறை
*பருப்புகளை மஞ்சள்தூள் சேர்த்து குழைய வேகவைக்கவும்.

*தாளிக்க கொடுத்துள்ளவைகளை தாளித்து சேர்க்கவும்.பூண்டை மட்டும் பச்சை வாசனை போக வதக்கி சேர்க்கவும்.

*ஆறியதும் எலுமிச்சை சாறு சேர்த்து பரிமாறவும்.

வாழைக்காய் மிளகு பொரியல்

தே.பொருட்கள்

வாழைக்காய் - 2
புளிகரைசல் - 1 கப்
மஞ்சள்தூள் - 1/4 டீஸ்பூன்
உப்பு+எண்ணெய் = தேவைக்கு

தாளிக்க

கடுகு -1/4 டீஸ்பூன்
கறிவேப்பிலை - சிறிது

அரைக்க
தேங்காய்த்துறுவல் - 1/2 கப்
மிளகு - 2 டீஸ்பூன்
சோம்பு - 1/4 டீஸ்பூன்
பூண்டுப்பல் - 1

செய்முறை

*வாழைக்காயை நறுக்கி புளிகரைசலில் உப்பு+மஞ்சள்தூள் சேர்த்து 3/4 பதமாக வேகவைக்கவும்.

*அரைக்க கொடுத்துள்ளவைகளை நைசாக அரைக்கவும்.

*கடாயில் எண்ணெய் விட்டு தாளிக்க கொடுத்துள்ளவைகளைப் போட்டு தாளித்து அரைத்த விழுதை சேர்த்து பச்சை வாசனைப்போக வதக்கவும்.

*பின் வேகவைத்த வாழைக்காயை சேர்த்து நன்கு கிளறி இறக்கவும்.
Sunday 22 November 2015 | By: Menaga Sathia

நெய் அப்பம் / Nei Appam | Karthigai Appam | Unni Appam


print this page PRINT IT

Recipe Source : Here

தே.பொருட்கள்

பச்சரிசி- 1/2 கப்
வெல்லம்- 1/2 கப்
ஏலக்காய் -1
வாழைப்பழம் -1 சிறியது
தேங்காய்ப்பல்- 1 டேபிள்ஸ்பூன்
நெய் +எண்ணெய்- தேவைக்கு

செய்முறை

*பச்சரிசியை 1 மணிநேரம் ஊறவைத்து நீரை வடித்து துணியில் ஈரம் போக உலர்த்தவும்.

*மிக்ஸியில் உலர்த்திய அரிசியுடன் ஏலக்காய் சேர்த்து நைசாக பொடிக்கவும்.

*அதனுடன் வெல்லம் சேர்த்து அரைக்கவும்.1 டேபிள்ஸ்பூன் அளவு நீர் சேர்த்து அரைக்கவும்.

*பின் வாழைப்பழம் சேர்த்து நைசாக அரைக்கவும்.

*பாத்திரத்தில் அரைத்த மாவினை ஊற்றி தேங்காய்ப்பல் சேர்த்து கலக்கவும்.

*மாவின் பதம் மிக கெட்டியாகவோ அல்லது நீர்க்கவோ இருக்ககூடாது.

*சிறிய கிண்ணத்தில் எண்ணெய்+நெய் இரண்டையும் கலந்து வைக்கவும்.

*அப்பக்குழியினை காயவைத்து எண்ணெய் +நெய் இரண்டையும் கலந்து சிறிதாக ஊற்றிய பின் ஒரு குழிக்கரண்டி மாவினை அப்பக் குழியில் ஊற்றவும்.

*ஒருபக்கம் வெந்ததும் மறுப்பக்கம் திருப்பிவிட்டு எண்ணெய்+நெய்கலவையை ஊற்றி பொன்னிறமாக சுட்டு எடுக்கவும்.

பி.கு

*வெல்லத்தினை சிறிது நீர் விட்டு கரைத்து வடிகட்டியும் சேர்க்கலாம்.அப்படி சேர்க்கும் போது மாவின் பதம் நீர்க்க இல்லாமல் பார்த்துக் கொள்ளவும்.

*மாவு மிக கெட்டியாக இருந்தால் அப்பம் கடினமாக இருக்கும்.

*எண்ணெய்+நெய் இரண்டையும் கலந்து சுட்டால் தான் பொன்னிறமான கலர் கிடைக்கும்.

* அப்பம் மென்மையாக இருப்பதற்காக வாழைப்பழம் சேர்க்க வேண்டும்.

*அப்பக்குழி இல்லையெனில் நேரடியாக எண்ணெயில் ஊற்றி பொரித்தெடுக்கலாம்.
Thursday 19 November 2015 | By: Menaga Sathia

வாழைப்பூ மிளகு பொரியல்/Vazhaipoo (Banana Flower) Pepper Poriyal

print this page PRINT IT
தே.பொருட்கள்

பொடியாக அரிந்த வாழைப்பூ - 2 கப்
சின்ன வெங்காயம் - 6
பூண்டுப்பல் -2
வேர்கடலை - 1/4 கப்
மிளகுத்தூள் - 1 டீஸ்பூன்
உப்பு - தேவைக்கு

தாளிக்க

கடுகு+உளுத்தம்பருப்பு - தலா 1/2 டீஸ்பூன்
துவரம்பருப்பு - 2 டீஸ்பூன்
கறிவேப்பிலை -1 கொத்து
எண்ணெய் - 1 டீஸ்பூன்

செய்முறை

* பூண்டு+சின்ன  வெங்காயத்தை பொடியாக நறுக்கவும்.   வேர்க்கடலையை ஒன்றும் பாதியுமாக உடைக்கவும்.

*கடாயில் எண்ணெய் விட்டு தாளிக்க கொடுத்துள்ளவைகளைப் போட்டு தளித்து வெங்காயம் சேர்த்து வதக்கி வாழைப்பூ + உப்பு+தேவையானளவு நீர் சேர்த்து வேகவைக்கவும்.

*வெந்ததும் மிளகுத்தூள்+வேர்க்கடலை சேர்த்து கிளறி இறக்கவும்.

பி.கு
*வேர்க்கடலைக்கு பதில் தேங்காய் துருவல் சேர்க்கலாம்.
Tuesday 17 November 2015 | By: Menaga Sathia

சாக்லேட் கேக் / CHOCOLATE CAKE | CAKE RECIPES


print this page PRINT IT
இந்த கேக்கினை கொடுத்துள்ள பொருட்களை அளவுபடி செய்தால் நன்றாக வரும்.

Recipe Source :Addapinch 
தே.பொருட்கள்

பாகம் 1
மைதா- 2 கப்
சர்க்கரை -2 கப்
கோகோ பவுடர் -3/4 கப்
பேக்கிங் பவுடர் -2 டீஸ்பூன்
பேக்கிங் சோடா- 1 1/2 டீஸ்பூன்
உப்பு- 1/2 டீஸ்பூன்
இன்ஸ்டண்ட் காபிதூள் -1 டீஸ்பூன்

பாகம் 2

பால்/பட்டர்மில்க் -1 கப்
வெஜிடபிள் எண்ணெய்- 1/2 கப்
முட்டை -2
வெனிலா எசன்ஸ் -2 டீஸ்பூன்
வெந்நீர்- 1 கப்

செய்முறை

*பாகம் 1 ல் கொடுக்கபட்டுள்ள பொருட்களை ஒன்றாக கலந்து 3 முறை சலிக்கவும்.

*பாகம் 2ல் கொடுக்கபட்ட பொருட்களில் வெந்நீர் தவிர மீதியுள்ள பொருட்களை பாகம் 1ல் கொடுத்துள்ள பொருட்களில் கலக்கவும்.


*கடைசியாக வெந்நீர் சேர்த்து கலக்கவும்.

*வெண்ணெய் தடவி பேக்கிங் டிரேயில் ஊற்றி முற்சூடு செய்த அவனில் 180° C 50- 55 நிமிடங்கள் பேக் செய்து எடுக்கவும்.

*ஆறியதும் துண்டுகள் போட்டு பரிமாறவும்.

பி.கு
*பட்டர்மில்க் செய்ய 1 கப் பாலில் 1 டேபிள்ஸ்பூன் வெள்ளை வினிகர் அல்லது எலுமிச்சை சாறு சேர்த்து கலக்கி 15 நிமிடங்கள் வைத்தால் பட்டர்மில்க் ரெடி.

Friday 13 November 2015 | By: Menaga Sathia

கடலைப்பருப்பு குருமா / Channa Dal Kurma | Side Dish For Idli/ Dosa

இந்த குருமா இட்லி,தோசைக்கு பெஸ்ட் காம்பினேஷன். இதில் கடலைப்பருப்பை கொஞ்சமாக சேர்த்து செய்யவும்.அதிகம் சேர்த்தால் குழம்பு கெட்டியாகி சுவை மாறுபடும்.

Recipe Source : Raji

தே.பொருட்கள்
வெங்காயம் -2
தக்காளி - 2
மஞ்சள்தூள் -1/4 டீஸ்பூன்
மிளகாய்த்தூள் - 1 டீஸ்பூன்
கறிவேப்பிலை -1 கொத்து
கொத்தமல்லிதழை -சிறிது
கடுகு -1/2 டீஸ்பூன்
உப்பு+எண்ணெய் = தேவைக்கு

எண்ணெயில் வதக்கி அரைக்க

கடலைப்பருப்பு -2 டேபிள்ஸ்பூன்
பட்டை -சிறுதுண்டு
சோம்பு - 1/2 டீஸ்பூன்
கிராம்பு -2
இஞ்சி -சிறுதுண்டு
பூண்டுப்பல் - 4
தேங்காய்த்துறுவல் - 2 டேபிள்ஸ்பூன்
பச்சை மிளகாய் -2

செய்முறை

*வெங்காயம்+தக்காளியை நறுக்கவும்.

*எண்ணெயில் வதக்க கொடுத்துள்ள பொருட்களுடன் நறுக்கிய வெங்காயம்+தக்காளி இவற்றில் பாதி  சேர்த்து வதக்கி அதனுடன்  சேர்த்து கரகரப்பாக அரைத்துக் கொள்ளவும்.

*பாத்திரத்தில் எண்ணெய் விட்டு கடுகு சேர்த்து தாளிக்கவும்.
*பின் மீதமுள்ள நறுக்கிய வெங்காயம்+தக்காளியை சேர்த்து வதக்கி மஞ்சள்தூள்+மிளகாய்த்தூள்+உப்பு சேர்த்து வதக்கவும்.

*பின் தேவையான அளவு நீர் சேர்த்து கொதிக்கவிடவும்.
*பச்சை வாசனை போனதும் அரைத்த விழுது சேர்த்து மேலும் 5 நிமிடங்கள் கொதிக்கவிடவும்.
*பின் கறிவேப்பிலை,கொத்தமல்லி தூவி இறக்கவும்.
பி.கு

*அரைத்த விழுதினை சேர்த்த பிறகு குருமாவை நீண்ட நேரம் கொதிக்கவிட தேவையில்லை.

*இதனை தண்ணியாக இல்லாமலும்,குருமா போல கெட்டியாக இல்லாமலும் செய்தால் சூப்பரா இருக்கும்.
Monday 9 November 2015 | By: Menaga Sathia

மைதா பிஸ்கட் / ஸ்வீட் டைமண்ட் கட்ஸ் | Maida Biscuits / Sweet Diamond Cuts | Diwali Recipes

மைதா பிஸ்கட் பலமுறை செய்தும் எனக்கு சரியாக வந்ததில்லை.நான் மாவிலேயே பொடித்த சர்க்கரை சேர்த்து செய்வேன்.

நேரம் ஆக சர்க்கரை நீர்த்து  உருட்டவே வராது.என்னுடைய வடநாட்டு தோழி சொன்னபடி செய்ததில் மிக நன்றாக வந்தது.

இதில் 2 வகை உள்ளது,ஒன்று பொரித்தெடுத்த பின் சர்க்கரை பாகில் போட்டு எடுப்பது மற்றொன்று மாவிலேயே சர்க்கரை சேர்த்து செய்வது.

நான் 2வது வகை குறிப்பினை செய்துள்ளேன்.

மைதா பிஸ்கட் குறிப்பினை கெஸ்ட் போஸ்டாக இண்டஸ் லேடீஸ் வெப்சைடில் பகிர்ந்துள்ளேன்.குறிப்பினை ங்கே பார்க்கவும்.


அனைவருக்கும் தீபாவளி நல்வாழ்த்துக்கள்!!
Saturday 7 November 2015 | By: Menaga Sathia

மகிழம்பூ /இனிப்பு முறுக்கு | Maghizhampoo Murukku / Sweet Murukku | Diwali Recipes


print this page PRINT IT
அம்மா எப்போழுதும் ஒரே முறுக்கு மாவில் முள்ளு முறுக்கு மற்றும் தேன் குழல் செய்வாங்க.மாமியார் வீட்டில்  இந்த முறுக்கு செய்யும் போது எனக்கு புதுசாக இருந்தது.அவரின் இந்த முறுக்குக்கு ஏகப்பட்ட டிமாண்ட்.எல்லோரும் இந்த முறுக்கினை தான் அதிகம் கேட்பாங்க.இதை மட்டும் அதிகமாக செய்வாங்க.

முறுக்கு மாவில் தேங்காய்ப்பால் +பயத்தமாவு சேர்த்து கடைசியில் முறுக்கு சுட்டதும் பொடித்த கல்கண்டில் போட்டு பிரட்டி எடுப்பாங்க.முறுக்கு வெள்ளை வெளேர் என்று இருக்கும்.

அவரிடம் குறிப்பினை கேட்டுகும் இந்த செய்முறை சொன்னதும் எனக்கு சர்க்கரையில் போட்டு எடுப்பது பிடிக்கலைன்னு சொன்னதும் மாவிலையே பொடித்த கல்கண்டை சேர்க்கலாம்னு சொன்னாங்க.

அப்படி சேர்க்கும் போது சில டிப்ஸ்களும் தந்தாங்க,அதனால் தான் அவர் பொடித்த கல்கண்டினை மாவில் சேர்க்காமல் கடைசியில் பிரட்டி எடுப்பதாக சொன்னாங்க.

தே.பொருட்கள்

அரிசிமாவு ‍ -2 கப்
பாசிப்பருப்பு மாவு- 1/4 கப்
வெண்ணெய் -2 டேபிள்ஸ்பூன்
உப்பு- 1/8 டீஸ்பூன்
கல்கண்டு- 1 1/2 டேபிள்ஸ்பூன்
எள்- 1 டீஸ்பூன்
தேங்காய்ப்பால்- 1/3 கப்
எண்ணெய் -பொரிக்க‌

செய்முறை

*கல்கண்டினை பொடித்து தேங்காப்பாலில் கலந்து லேசாக சூடு செய்துக் கொள்ளவும்.

*பாத்திரத்தில் எண்ணெய் தவிர மீதி பொருட்களை கலந்து சூடு செய்த தேங்காய்ப்பால்+கல்கண்டு கலவையை சேர்த்து பிசையவும்.


*பின் தேவைக்கு நீர் தெளித்து மிருதுவான பதத்தில் மாவினை பிசைந்து வைக்கவும்.

*ஒற்றை ஸ்டார் அச்சியில் மாவினை போட்டு பிழிந்து சூடான எண்ணெயில் பொரித்தெடுக்கவும்.


*ஆறியதும் காற்று புகாத டப்பாவில் வைத்திருந்து பயன்படுத்தவும்.

பி.கு

*எப்பொழுதும் பிசைந்த முறுக்கு மாவினை மூடி வைக்கவும்.

*தேங்காய்பால்+கல்கண்டு அதிக அளவு சேர்த்தால் முறுக்கு சிவந்துவிடும்.

*இதையே கல்கண்டு சேர்க்காமல் உப்பின் அளவை அதிகபடுத்தில் செய்யலாம்.

*நான் ரெடிமேட் பயத்தமாவு பயன்படுத்தியிருக்கேன்,இல்லையெனில் 1/2 கப் பயத்தம்பருப்பினை லேசாக வெறும் கடாயில் வறுத்து ஆறியதும் பொடித்து,சலித்தபின் பயன்படுத்தவும்.

*இந்த முறுக்கில் சர்க்கரைக்கு பதில் கல்கண்டினையே சேர்க்கவும் ஏனெனில் முறுக்கு சிவந்துவிடுவதற்க்கும் வாய்ப்பு உண்டு.அதனால் தான் மாமியார் மாவில் கலகண்டு பொடியை கலக்காமல் கடைசியில் பிரட்டி விடுவதாக சொன்னார்.
Thursday 5 November 2015 | By: Menaga Sathia

7 கப் கேக்/பர்பி | 7 Cup Cake | 7 Cup Burfi | Easy Diwali Sweet Recipe

print this page PRINT IT
இந்த பர்பி செய்வதற்கு மிக சுலபம்.இதன் மொத்த கப் அளவுகளையும் கூட்டினால் 7 வரும்,அதனால் தான் இதற்கு இந்த பெயர்.

இதில் நாம் அளவுகளை நமக்கு தகுந்தாற்போல் போட்டுக்கொள்ளலாம்,ஆனால் மொத்தம் 7 கப் வருமளவு இருக்க வேண்டும்.

நெய் அளவினை குறைக்கவேண்டாம்,குறைத்தால் பர்பியின் Texture  மாறுபடும்.

சமைக்கும் நேரம் ‍‍: 20 நிமிடங்கள்
தயாரிக்கும் நேரம் : 5 நிமிடங்கள்
பரிமாறும் அளவு : 3 நபர்கள்

தே.பொருட்கள்

கடலைமாவு- 1 கப்
துருவிய கேரட்- 1 கப்
பால் -1 கப்
சர்க்கரை -1 கப்
தேங்காய்த்துறுவல்- 1 கப்
நெய் -2 கப்

செய்முறை

*கடாயில் நெய் சிறிது ஊற்றி கேரட் துறுவலை 5 நிமிடங்கள் வதக்கி ஆறவைக்கவும்.

*அதனுடன் கொடுத்துள்ள அனைத்து பொருட்களும் ஒன்றாக கட்டியில்லாமல் கலக்கவும்.

*இப்போழுது கடாயினை அடுப்பில் வைத்து மிதமான தீயில் கைவிடாமல் கிளறவும்.


*பர்பி வெந்து ஒரங்களில் ஒட்டாமல் வரும் போது நெய் தடவிய தட்டில் கொட்டி சமப்படுத்தவும்.


*இளஞ்சூடாக இருக்கும் போது துண்டுகள் போட்டு பரிமாறவும்.

*இந்த பர்பி நொடியில் காலியாகிவிடும்.

பி.கு

*இதில் பால் சேர்த்து இருப்பதால் 2 நாட்களுக்குள் பயபடுத்தவும்.

*இதில் கேரட் துறுவலுக்கு பதில் அதே அளவு தேங்காய்துறுவலை அதிகபடுத்தி செய்யலாம்.

*நெய்யின் அளவினை குறைக்க வேண்டாம்.

*நான் கொடுத்துள்ள அளவில் பாதியளவே போட்டு செய்துள்ளேன்,

Tuesday 3 November 2015 | By: Menaga Sathia

கோதுமை மாவு லட்டு / WHEAT FLOUR (ATTA ) LADOO | DIWALI RECIPES

print this page PRINT IT
இந்த லட்டை எளியதாக 15  நிமிடங்களில் செய்து விடலாம்.இந்த அளவில் 10 உருண்டைகள் வரும்.

தே.பொருட்கள்

கோதுமைமாவு -1 கப்
சர்க்கரை -1/2 கப்
ஏலக்காய் -2
நெய் -1/4 கப்
நெய்யில் வறுத்த முந்திரி- 1 டேபிள்ஸ்பூன்

செய்முறை

*கோதுமை மாவை வெறும் கடாயில் வாசனை வரும் வரை வறுத்து ஆறவைக்கவும்.


*சர்க்கரையுடன் ஏலக்காய் விதை மட்டும் சேர்த்து நைசாக பொடிக்கவும்.

*கோதுமை மாவு+பொடித்த சர்க்கரை+வறுத்த முந்திரி சேர்த்து கலந்து,நெய்யை நன்கு சூடு செய்து மாவில் கலக்கவும்.


*சூடாக இருக்கும் போதே லட்டுகளாக பிடிக்கவும்.

பி.கு

*ஏலக்காயின் தோலை தூக்கி எரியாமல் டீத்தூளில் கலந்து வைக்கலாம் அல்லது குடிக்கும் தண்ணீரில் போட்டு வைத்து குடித்தால் தீர்த்தம் குடிப்பது போலவே இருக்கும்.

*இங்கு நான் பயன்படுத்தியிருப்பது ப்ரவுன் சர்க்கரை.

*1/4 கப் நெய்யே போதுமானது,விரும்பினால் 2 டேபிள்ஸ்பூன் இன்னும் அதிகமாக சேர்த்துக் கொள்ளலாம்.
01 09 10