முட்டையில்லா செக்கர்போர்ட் & ஜீப்ரா குக்கீஸ் /Eggless Checkerboard & Zebra Cookies

வெனிலா குக்கீஸ் செய்ய தே.பொருட்கள்
மைதா மாவு - 1 1/4 கப்
வெண்ணெய் - 3/4 கப் அறை வெப்ப நிலை
தயிர் -1/4 கப்
சர்க்கரை - 3/4 கப் பொடித்தது
உப்பு - 1/2 டீஸ்பூன்
வெனிலா எசன்ஸ் - 1 1/2 டீஸ்பூன்
பேக்கிங் பவுடர் - 1 டீஸ்பூன்

சாக்லேட் குக்கீஸ் செய்ய தே.பொருட்கள்
மைதா மாவு - 1 1/4 கப்
வெண்ணெய் - 3/4 கப் அறை வெப்ப நிலை
தயிர் -1/4 கப்
சர்க்கரை - 3/4 கப் பொடித்தது
உப்பு - 1/2 டீஸ்பூன்
வெனிலா எசன்ஸ் - 1 1/2 டீஸ்பூன்
பேக்கிங் பவுடர் - 1 டீஸ்பூன்
கோகோ பவுடர் -2 டேபிள்ஸ்பூன்

செய்முறை

*வெனிலா குக்கீஸ் செய்ய மைதா+பேக்கிங் பவுடர்+உப்பு கலந்து 2 முறை சலிக்கவும்.வெண்ணெய்+சர்க்கரை+தயிர் சேர்த்து நன்கு கலக்கவும்.

*சர்க்கரை கரைந்ததும் எசன்ஸ் சேர்த்து கலந்து,மைதா கலவையை சேர்த்து கெட்டியாக பிசையவும்.பிசைந்த மாவை 2 சம உருண்டைகளாக எடுக்கவும். 

*சாக்லேட் குக்கீஸ் செய்ய மைதா+பேக்கிங் பவுடர்+உப்பு+கோகோ பவுடர்  கலந்து 2 முறை சலிக்கவும்.வெண்ணெய்+சர்க்கரை+தயிர் சேர்த்து நன்கு கலக்கவும்.

*சர்க்கரை கரைந்ததும் எசன்ஸ் சேர்த்து கலந்து,மைதா கலவையை சேர்த்து கெட்டியாக பிசையவும்.பிசைந்த மாவை 2 சம உருண்டைகளாக எடுக்கவும். 

செக்கர்போர்ட் குக்கீஸ் செய்ய

*வெனிலா மற்றும் சாக்லேட் கலவையின் 1 உருண்டையை எடுத்து Rectangle ஷேப்பில் உருட்டி க்ளியர் ராப் கவரில் சுருட்டி ப்ரிட்ஜில் 2 மணிநேரம் வைக்கவும்.

*பின் வெனிலா கலவையின் மீது சாக்லேட் கலவையை வைத்து 2 சம பாதியாக வெட்டவும்.

*வெட்டிய பாதியை ஆல்டர்னேட்டாக அதன் மேல் வைத்து 1 இஞ்ச் அளவில் வெட்டவும்.

*ஒவ்வொரு 4 இஞ்சும் ஆல்டர்னேட்டாக இருக்கும்.மேலே உள்ள படத்தில் உள்ளவாறு ஆல்டர்னேட்டாக,பால் தடவி ஒட்டி மீண்டும் க்ளியர் ராப் கவரில் சுருட்டி ப்ரிட்ஜில் 1 மணிநேரம் வைக்கவும்.

*பின் ப்ரிட்ஜிலிருந்து எடுத்து 1 இஞ்ச் அளவில் குறுக்கே வெட்டினால் அழகான செக்கர்போர்ட் குக்கீஸ் ரெடி.

ஜூப்ரா குக்கீஸ் செய்ய

*வெனிலா மற்றும் சாக்லேட் கலவையின் இன்னொரு உருண்டையை Rectangle ஷேப்பில் உருட்டவும்.ஏதாவது ஒன்று,மற்றொன்றை விட அதிகளவில் உருட்டவும்.

*நான் சாக்லேட் கலவையை ,வெனிலா கலவையை விட நீண்ட அளவில் உருட்டியுள்ளேன்.

*உருட்டிய சாக்லேட் கலவையின் உள்ளே வெனிலா கலவையை வைத்து மெதுவாக பாய் சுருட்டுவது போல சுருட்டி கடைசியாக பால் தடவி ஒட்டி கிளியர் ராப் கவரில் சுருட்டி ப்ரிட்ஜில் 1 மணிநேரம் வைத்திருந்து 1 இஞ்ச் அளவில் வெட்டினால் ஜூப்ரா குக்கீஸ் ரெடி.

*அவன் டிரேயில் அலுமினியம் பாயில் வைத்து 2 வகை குக்கீஸ்களை இடைவெளி விட்டு அடுக்கவும்.

*அவனை 170°C டிகிரிக்கு 10 நிமிடம் முற்சூடு செய்யவும்.

*முற்சூடு செய்த அவனில் வைத்து 10-15 நிமிடம் பேக் செய்து எடுக்கவும்.

நெய் பிஸ்கட் /Nei (Ghee) Biscuit

தே.பொருட்கள்

மைதாமாவு - 1 கப்
 நெய் - 1/2 கப்
பொடித்த சர்க்கரை - 1/2 கப்

செய்முறை

*அவனை 180°C  10 நிமிடம் முற்சூடு செய்யவும்.

*பாத்திரத்தில் மேற்கூறிய அனைத்து பொருட்களும் ஒன்றாக கலந்து மிருதுவாக கெட்டியாக பிசையவும்.

*அவன் டிரேயில் அலுமினியம் பாயில் வைத்து ,மாவை சிறு உருண்டையாக எடுத்து லேசாக அழுத்தி இடைவெளிவிட்டு வைக்கவும்.

*அவனின்  வெப்பநிலையை குறைத்து 120°C ல் 10 -15 நிமிடங்கள் வேகவைத்து எடுக்கவும்.

பி.கு

* பிஸ்கட் அவனில் இருந்து எடுக்கும் போது வேகாதமாதிரி இருக்கும்.ஆறியதும் சரியாக இருக்கும்.

*அதிகநேரம் வேகவைத்தால் பிஸ்கட் நிறம் மாறிவிடும்.

*இந்த அளவில் 10 பிஸ்ட்கள் வரும்...மாவு பிசையும்போதே நானும்,என் பொண்ணும் கொஞ்சம் சாப்பிட்டாச்சு,கடைசியில் 8 பிஸ்கட்கள் தான் வந்தது.

*அலுமினியம் பாயிலுக்கு பதில் நான் பயன்படுத்தியிருப்பது மீள்சுழற்சி துணி,அவனில் வைத்து பேக்கிங் செய்வதற்கென்றே கடையில் கிடைக்கிறது.இந்த துணியை ஒரு முறை பயன்படுத்திய பின் நீரில் அலசி காயவைத்தாலே போதும்.

ஓமம் பிஸ்கட்/Sweet & Salt Ajwain(Omam) Biscuits

ஓமம்( Ajwain, Carom seeds) இந்தியா முழுவதும் பயிரிடப்படுகின்ற ஒரு செடி வகை ஆகும். இதை வாயில் போட்டால் சற்று காரமாக சுறுசுறுவென்று இருக்கும். நல்ல மணமாக இருக்கும். இதன் விதையே மருத்துவப் பயன் கொண்டது.

*ஓமத்தில் கால்சியம் , பாஸ்பரஸ், இரும்புச்சத்து, கரோட்டின்(Carotin), தையாமின்(Thiamin), ரிபோபுளேவின்(Rhiboflavin) மற்றும் நியாசின்(Niacin) போன்றவை அடங்கியுள்ளன.

*சிறு குழந்தைகள் முதல் பெரியவர்கள் வரை வயிற்றுப் பொருமல், வயிற்று வலி, அஜீரணக் கோளாறு உள்ளவர்கள் 100 கிராம் ஓமத்தை 1 லிட்டர் தண்ணீர் விட்டு கொதிக்க வைத்து அது பாதியாக வந்தவுடன் எடுத்து அருந்தினால் மேற்கண்ட அனைத்தும் தீரும்.

*ஓமத்தை பொடித்து உச்சந்தலையில் வைத்து தேய்த்தால் ஜலதோஷம் குறையும்.

*ஓமப்பொடியை துணியில் கட்டி நுகர்ந்தால் மூக்கடைப்பு நீங்கும்.

இதில் பிஸ்கட் எப்படி செய்வது என்று பார்க்கலாம்...

தே.பொருட்கள்

மைதா மாவு - 2கப்

வெண்ணெய் - 50 கிராம் அறை வெப்பநிலையில்

ஓமம் -2 டீஸ்பூன்

உப்பு - 1 டீஸ்பூன்

சர்க்கரை -2 டேபிள்ஸ்பூன்

பால் - மாவு பிசைய தேவையானளவு

தயிர் - 1 டேபிள்ஸ்பூன்(அ)பேக்கிங் சோடா- 1/2 டீஸ்பூன்

செய்முறை

*ஒரு பவுலில் பால் தவிர அனைத்தையும் ஒன்றாக கலக்கவும்.

*தேவையானளவு பால் தெளித்து சப்பாத்திமாவு பதத்தில் கெட்டியாக பிசையவும்.

 *2 பங்காக மாவை பிரித்து மெலிதாக இல்லாமலும்,தடிமனாக இல்லாமலும் உருட்டவும்.

*குக்கீ கட்டரால் விரும்பிய வடிவில் வெட்டவும். (என் பொண்ணுதான் குக்கீ கட்டரால் கட் செய்து கொடுத்தாங்க). 

*பிஸ்கட் உப்பாமல் இருக்க அங்கங்கே முள் கரண்டியால் குத்தி விடவும்.

*அவன் டிரேயில் அடுக்கி 180°C டிகிரியில் 15 - 20 நிமிடம் பேக் செய்து எடுக்கவும்.

பி.கு

பிஸ்கட் சூடாக இருக்கும் போது மெத்தென்று இருக்கும்.ஆறியதும் க்ரிஸ்பியாக இருக்கும்.

ஸ்பைசி ராகி+கினோவா(Quinoa) குக்கீஸ் / Spicy Ragi & Quinoa Cookies

கினோவா(Quinoa) ஒட்ஸ்,பார்லி மாதிரி இதுவும் ஒரு வகை தானியம்.இதனைப் பற்றி மேலும் தெரிந்துகொள்ள இங்கே பார்க்கவும்.
　
தே.பொருட்கள்:

கேழ்வரகு மாவு - 1 கப்
கினோவா(Quinoa) - 1 கப்
பொடியாக அரிந்த பச்சை மிளகாய் - 1
பட்டர்(அறை வெப்பநிலையில்) - 1/2 கப்
பொடியாக நறுக்கிய கறிவேப்பிலை - சிறிதளவு
மிளகு,சீரகம் - தலா 1/2 டீஸ்பூன்
எள் - 1/2 டீஸ்பூன்
பெருங்காயத்தூள் - 1/4 டீஸ்பூன்
தயிர் - 3 டீஸ்பூன்
உப்பு - தேவைக்கு

கினோவா தானியத்தின் படம்

செய்முறை :
*கினோவாவை வெறும் கடாயில் வாசனை வறும் வரை வறுக்கவும்.ஆறியதும் அதனுடன் மிளகு,சீரகத்தை சேர்த்து மிக்ஸியில் மாவாக்கவும்.

*ராகியையும் ,கினோவா மாவையும் ஒன்றாக கலந்து வைக்கவும்.

*ஒரு பாத்திரத்தில் பட்டரை போட்டு நன்கு கைகளால் மிருதுவாக பிசையவும்.அதனுடன் அரிந்த ப.மிளகாய்+கறிவேப்பிலை+எள்+பெருங்காயத்தூள்+உப்பு அனைத்தையும் ஒன்றாக கலக்கவும்.

*பின் சிறிது சிறிதாக ராகி+கினோவா மாவுகளை சேர்க்கவும்.தேவையெனில் மட்டும்,மாவு சப்பாத்தி மாவு பதத்திற்க்கு வர தயிர் சேர்த்து கெட்டியாக பிசையவும்.

*பிசைந்த மாவினை சிறு உருண்டைகளாக உருட்டி உள்ளங்கையில் வைத்து லேசாக அழுத்தவும் அல்லது குக்கீ கட்டரை வைத்து உபயோகப்படுத்தவும்.

*அவன் டிரேயில் அலுமினியம் பேப்பர் வத்து குக்கீஸ்களை இடைவெளிவைத்து அடுக்கவும்.

*180 டிகிரிக்கு முற்சூடு செய்த அவனில் 20-25 நிமிடம் பேக் செய்து எடுக்கவும்.

பி.கு:
*வெளியில் எடுக்கும் போது வேகாத மாதிரி இருக்கும் ஆறியதும் வெந்து இருக்கும்.

*பேக் செய்யும் போது வாசனை கமகமன்னு இருக்கும்.