தேங்காய் அவல்/Coconut Aval

தே.பொருட்கள்:
அவல் - 1 கப்
தேங்காய்த்துறுவல் - 1/4 கப்
பொடியாக அரிந்த வெங்காயம் - 1
உப்பு +எண்ணெய் = தேவைக்கு

தாளிக்க:
கடுகு - 1/4 டீஸ்பூன்
உளுத்தம்பருப்பு - 1/2 டீஸ்பூன்
பெருங்காயம் - வாசனைக்கு
கறிவேபிலை - சிறிது
கடலைப்பருப்பு - 1 டீஸ்பூன்
காய்ந்த மிளகாய் - 2
வேர்க்கடலை - 1 கைப்பிடி

செய்முறை:
*அவலைக் கழுவி நீரை வடிக்கட்டவும்.

*கடாயில் எண்ணெய் விட்டு தாளிக்க கொடுத்துள்ளவைகளைப் போட்டு தாளித்து வெங்காயம்+உப்பு+தேங்காய்த்துறுவல் அனைத்தையும் நன்கு வதக்கி வடிகட்டிய அவலை போட்டு நன்கு கிளறி இறக்கவும்.

முளைக்கீரை கடைசல்/ Amarnath Leaves Kadaisal

தே.பொருட்கள்:
முளைக்கீரை - 1 கட்டு
பூண்டுப்பல் - 10
வெங்காயம் - 1 சிறியது
தக்காளி - 1 சிறியது
பச்சை மிளகாய் - 3
கடுகு+உளுத்தம்பருப்பு - தலா 1/2 டீஸ்பூன்
உப்பு+எண்ணெய் = தேவைக்கு
　
செய்முறை:
*கீரையை மட்டும் ஆய்ந்து மண்ணில்லாமல் அலசி நீரை வடியவிடவும்.

*பாத்திரத்தில் கீரை+பூண்டுப்பல்+நறுக்கிய வெங்காயம் தக்காளி+பச்சை மிளகாய்+உப்பு சேர்த்து கீரை முழ்குமளவு நீர் விட்டு வேகவிடவும்.

*மூடிபோட்டு வேகவிடகூடாது இல்லையெனில் கீரை கருத்து விடும்.

*கீரை வெந்ததும் ஆறவிட்டு கடைந்து கடுகு+உளுத்தம்பருப்பு சேர்த்து தாளித்துக் கொட்டவும்.

பி.கு:
*கீரையின் தண்டு இளசாக இருந்தால் கீரையுடன் சேர்த்து வேகவைக்கலாம்.இல்லையெனில் தண்டை தனியாக எடுத்து பொரியல்,சாம்பார்,கூட்டு என செய்யலாம்.

*இக்கீரை மிகவும் குளிர்ச்சியானது,குழந்தைகளுக்கு கொடுக்கும்போது இன்னும் நிறைய பூண்டு சேர்த்து கொடுக்கவும்.

*இதில் தக்காளிக்கு பதில் புளி சேர்த்தும் செய்யலாம்.புளி சேர்த்து செய்யும் போது கீரையின் நிறம்மாறிவிடும்.

மட்டன் வெள்ளை குருமா/Mutton White Kurma

தே.பொருட்கள்:

மட்டன் - 1/2 கிலோ

வெங்காயம் - 1 பெரியது

தக்காளி - 1 பெரியது

பச்சை மிளகாய் - 10

இஞ்சி பூண்டு விழுது - 1 டேபிள்ஸ்பூன்

பொடியாக அரிந்த புதினா,கொத்தமல்லி - சிறிதளவு

தயிர் - 1/2 கப்

தனியாத்தூள் - 1 டேபிள்ஸ்பூன்

எலுமிச்சை சாறு - 2 டீஸ்பூன்

உப்பு+எண்ணெய் = தேவைக்கு

அரைக்க:

தேங்காய்த்துறுவல் - 1/2 கப்

சோம்பு - 1 டீஸ்பூன்

கசகசா - 1/2 டீஸ்பூன்

தாளிக்க:

பட்டை - 1 சிறுதுண்டு

கிராம்பு - 3

பிரியாணி இலை - 2

செய்முறை:

*அரைக்க கொடுத்துள்ளவைகளை நைசாக அரைக்கவும்.வெங்காயம்+தக்காளியை அரியவும்.பச்சை மிளகாயை நைசாக அரைக்கவும்.

*குக்கரில் எண்ணெய் விட்டு தாளிக்க கொடுத்துள்ளவைகளை தாளித்து வெங்காயம்+தக்காளி+பச்சை மிளகாய் விழுது+இஞ்சி பூண்டு விழுது+தனியாத்தூள்+புதினா கொத்தமல்லி+மட்டன் என அனைத்தையும் ஒன்றன் பின் ஒன்றாக போட்டு வதக்கி உப்பு+தேவையானளவு நீர் வைத்து 3 விசில் வரை வேக வைக்கவும்.

*வெந்ததும் தயிர்+தேங்காய் விழுது சேர்த்து பச்சை வாசனை அடங்கியதும் எலுமிச்சை சாறு சேர்த்து இறக்கவும்.

வேர்க்கடலை ஜாமூன்( Peanut /Ground nut Jamun)

தே.பொருட்கள்:

வேர்க்கடலை - 1 கப்

மைதா - 2 டேபிள்ஸ்பூன்

ரவை - 1 டீஸ்பூன்

பால் பவுடர் - 1/4 கப்

நெய் -1 டீஸ்பூன்

சர்க்கரை - 3/4 கப்

தண்ணீர் - 1கப்

ரோஸ் எசன்ஸ் - 2 துளி

எண்ணெய் = பொரிக்க

செய்முறை:

* வேர்க்கடலையை தோல் நீக்கி 1மணிநேரம் ஊறவைத்து நைசாக கெட்டியாக அரைக்கவும்.

*அதனுடன் ரவை+மைதா+பால் பவுடர்+நெய் சேர்த்து பிசையவும்.தேவைப்பட்டால் மட்டும் பால் சேர்த்து பிசையவும்.

*சிறு உருண்டைகளாக உருட்டி எண்ணெயில் பொரித்தெடுக்கவும்.

*ஒரு பாத்திரத்தில் சர்க்கரை+நீர் வைத்து கொதிக்கவிடவும்.பிசுபிசுப்பு பதம் வந்ததும் எசன்ஸ்+பொரித்த ஜாமூன்களை சேர்க்கவும்.

*1 மணிநேரம் கழித்து பரிமாறவும்.வித்தியாசமான சுவையில் இருக்கும் இந்த ஜாமூன்.

அனைவருக்கும் இனிய பொங்கல் நல்வாழ்த்துக்கள்!!

சிவப்பு குடமிளகாய் சட்னி/Red Bell pepper (Capsicum) Chutney

தே.பொருட்கள்:
சிவப்பு குடமிளகாய் - 1
வெங்காயம் - 1
உளுத்தம் பருப்பு - 1 டேபிள்ஸ்பூன்
புளி - 1 நெல்லிக்காயளவு
காய்ந்த மிளகாய் - 3
உப்பு+எண்ணெய் = தேவைக்கு

தாளிக்க:
கடுகு - 1/4 டீஸ்பூன்
உளுத்தம்பருப்பு - 1/4டீஸ்பூன்
கறிவேப்பிலை - சிறிது

செய்முறை :
*மிளகாய் + வெங்காயம் இவற்றை துண்டங்களாக நறுக்கவும்.
*உளுத்தம்பருப்பை வெறும் கடாயில் வறுக்கவும்.

*வெங்காயத்தையும்+காய்ந்த மிளகாயை எண்ணெயில் வதக்கவும்.குடமிளகாயை லேசாக வதக்கவும்.

*முதலில் உளுத்தம்பருப்பு+காய்ந்த மிளகாயை அரைத்த பின் வெங்காயம்+குடமிள்காய்+புளி+உப்பு சேர்த்து மைய அரைத்து தாளித்துக் கொட்டவும்.

ஆலு பராத்தா/Aloo(Potato) Paratha

தே.பொருட்கள்:கோதுமை மாவு - 2 கப்
வேக வைத்து மசித்த உருளைக்கிழங்கு - 2 பெரியது
பொடியாக நறுக்கிய வெங்காயம் - 1
பொடியாக நறுக்கிய மல்லித்தழை - சிறிதளவு
கரம் மசாலா - 1/4 டீஸ்பூன்
உப்பு+எண்ணெய் = தேவைக்கு
　
செய்முறை:
*கோதுமைமாவில் உப்பு கலந்து நீர் சேர்த்து கெட்டியாக பிசைந்து 1/2 மணிநேரம் ஊறவைக்கவும்.

*உருளைக்கிழங்கில் உப்பு+வெங்காயம்+கரம்மசாலா+மல்லித்தழை நைத்தையும் ஒன்றாக கலந்து வைக்கவும்.

*கோதுமைமாவிலிருந்து ஒரு உருண்டை எடுத்து லேசாக உருட்டி அதனுள் சிறிதளவு உருளை கலவையை வைத்து மூடி லேசாக மெலிதாக தேய்க்கவும்.

*ஸ்டப்பிங் செய்த பாகத்தை அடிப்பக்கமாக வைத்து தேய்த்து உருட்டினால் கலவை வெளியே வராது.
*தவாவில் தேய்த்த சப்பாத்தியை எண்ணெய் விட்டு இருபக்கமும் வேகவைத்து எடுக்கவும்.

கினோவா தவலை அடை/Quinoa Thavalai Adai

தே.பொருட்கள்
ப்ரவுன் ரைஸ் - 3/4 கப்
கினோவா - 1/2 கப்
கடலைப்பருப்பு - 1/4 கப்
காய்ந்த மிளகாய் - 4
சோம்பு - 1 டீஸ்பூன்
தேங்காய்ப்பல் - 1/4 கப்
பொடியாக நறுக்கிய வெங்காயம் - 1
உப்பு + எண்ணெய் = தேவைக்கு

தாளிக்க
கடுகு - 1/2 டீஸ்பூன்
உளுத்தம்பருப்பு - 1/2 டீஸ்பூன்
கறிவேப்பிலை - சிறிது
கடலைப்பருப்பு - 1/2 டேபிள்ஸ்பூன்

செய்முறை

*ப்ரவுன் ரைஸ்+கடலைப்பருப்பு+கினோவா இவற்றை 1 மணிநேரம் ஊறவைத்து அதனுடன் சோம்பு+காய்ந்த மிளகாய்+உப்பு சேர்த்து கொரகொரப்பாக இல்லாமலும்,நைசாக இல்லாமலும் கெட்டியாக அரைக்கவும்.

*க்டாயில் எண்ணெய் விட்டு தாளிக்க கொடுத்துள்ளவைகளைப்போட்டு தாளித்து வெங்காயம் போட்டு வதக்கி தேங்காய்ப்பல்லுடன் மாவில் சேர்த்து கலக்கவும்.

*கடாயில் எண்ணெய் விட்டு 1 கரண்டி மாவை விட்டு மெலிதாக இல்லாமலும்,தடிமனாக இல்லாமலும் ஊற்றி 2 பக்கமும் வேகவிட்டு எடுக்கவும்.

*தேங்காய் சட்னியுடன் பரிமாறவும்.அப்படியே கூட சாப்பிடலாம்.