சிக்கன் பஜ்ஜி /Chicken Bajji

 தே.பொருட்கள்

சிக்கன் துண்டுகள் - 1/2 கிலோ
மைதா - 2 கப்
முட்டை - 2
அரிசி மாவு - 1/2 கப்
மஞ்சள்தூள் -1/4 டீஸ்பூன்
வரமிளகாய்த்தூள் - 2 டீஸ்பூன்
பெருஞ்சீரகத்தூள் - 1/2 டீஸ்பூன்
பொடியாக நறுக்கிய வெங்காயம் - 1
பொடியாக நறுக்கிய பச்சை மிளகாய் - 2
பொடியாக நறுக்கிய கொத்தமல்லித்தழை - சிறிதளவு
உப்பு+எண்ணெய் = தேவைக்கு

செய்முறை

*சிக்கனில் சிறிது உப்பு+பெருஞ்சீரகத்தூள்+மஞ்சள்தூள்+மிளகாய்த்தூள் சேர்த்து 15 நிமிடம் ஊறவைக்கவும்.

 *1 கப் நீர் சேர்த்து கடாயில் வேகவைக்கவும்.வெந்ததும் கறியை தனியாக எடுத்து வைக்கவும்.

 *நறுக்கிய வெங்காயம்+பச்சை மிளகாய்+கொத்தமல்லித்தழை இவைகளை இடிப்பானில் போட்டு நன்கு நசுக்கவும்.

 *ஒரு பவுலில் மைதா+அரிசிமாவு+முட்டை+நசுக்கிய வெங்காய கலவை+சிறிது உப்பு +கறி வேகவைத்த நீர் சேர்த்து கெட்டியாக பஜ்ஜி மாவு பதத்திற்க்கு கரைக்கவும்.

 *வேகவைத்த கறிதுண்டுகளை ஒவ்வொன்றாக மைதா கலவையில் நனைத்து எண்ணெயில் பொன்னிறமாக பொரித்தெடுக்கவும்.

வெஜ் பிஸ்ஸா/ Veg Pizza

                                                                        

தே.பொருட்கள்:
மைதா மாவு - 3 கப்
ஆலிவ் எண்ணெய் - 1 டேபிள்ஸ்பூன்
ஈஸ்ட் - 1 டீஸ்பூன்
சர்க்கரை - 1 டீஸ்பூன்
வெதுவெதுப்பான நீர் - 1/2 கப்
உப்பு - தேவைக்கு

ஸ்டப்பிங் செய்ய:
டின் காளான் - 200 கிராம்
துருவிய சீஸ் - 1 கப்
ஆலிவ் காய் - 5
நீளவாக்கில் நறுக்கிய குடமிளகாய் - 1
தக்காளி சாஸ் - தேவைக்கு
ஆலிவ் எண்ணெய் - தேவைக்கு

தக்காளி சாஸ் செய்ய

செஃப் சஞ்சய் கபூரின் குறிப்பை  பார்த்து செய்தது.
தக்காளி - 2
பொடியாக நறுக்கியத்தக்காளி - 1
பொடியாக நறுக்கிய சிகப்பு குடமிளகாய் - 1/4 கப்
பொடியாக நருக்கிய வெங்காயம் - 1 சிறியது
பொடியாக நறுக்கிய பூண்டுப்பல் - 2
டிரை பேசில் - 1/2 டீஸ்பூன்
டிரை ஆரிகனோ - 1/2 டீஸ்பூன்
உப்பு+சர்க்கரை -தலா 1/4 டீஸ்பூன்

செய்முறை
*தக்காளியை கொதிநீரில் போட்டு தோலுரித்து அரைக்கவும்.

*கடாயில் ஆலிவ் எண்ணெய் விட்டு வெங்காயம்+பூண்டு+குடமிளகாய்+தக்காளி அனைத்தையும் நன்கு வதக்கவும்.

*நன்றாக மசிந்த பின் அரைத்த தக்காளிவிழுதை சேர்த்து நன்கு கொதித்து கெட்டியாக வரும் போது உப்பு+சர்க்கரை +காய்ந்த பேசில் ஆரிகனோ சேர்த்து இறக்கவும்.

*இந்த சாஸை 1 வாரம் வரை ப்ரிட்ஜில் வைத்திருந்து பயன்படுத்தலாம்.

                                          
　
பிஸ்ஸா செய்முறை :
*வெதுப்பான நீரில் சர்க்கரை+ஈஸ்ட் சேர்த்து கலந்து 10 நிமிடம் வைக்கவும்.

*மாவில் உப்பு+ஆலிவ் எண்ணெய் கலந்து ஈஸ்ட் கலந்த நீரை சேர்த்து சப்பாத்தி மாவு பதத்திற்கு கெட்டியாக பிசைந்து ஈரமான துணியால் மூடி வெப்பமான் இடத்தில் வைக்கவும்.

*2 மணிநேரம் கழித்து மாவு 2 மடங்காக உப்பியிருக்கும் மாவை பிசைந்து  நடுத்தர சைஸில் உருண்டை போடவும்.
*மாவை மெலிதாக தட்டி ஒரங்களை லேசாக மடித்துவிடவும்.

*அதன்மேல் தக்காளிசாஸ்+காளான்+ஆலிவ் காய்+குடமிளகாய்+சீஸ் என ஒன்றன் பின் ஒன்றாக வைக்கவும்.

*230°C டிகிரிக்கு முற்சூடு செய்த அவனில் 15 நிமிடம் பேக் செய்து எடுக்கவும்.
　
பி.கு:
அவரவர் அவனுக்கேற்ப அவன் டைம் செட் செய்யவும்.

காளான் கட்லட் / Mushroom Cutlet

தே.பொருட்கள்

காளான் - 100 கிராம்

வேக வைத்த உருளைக்கிழங்கு - 1 பெரியது

வெங்காயம் - 1

பச்சை மிளகாய் - 2

கொத்தமல்லித்தழை - சிறிதளவு

கரம் மசாலா - 1/4 டீஸ்பூன்

மைதா - 1 டேபிள்ஸ்பூன்

பிரட் க்ரம்ஸ் - பிரட்டுவதற்க்கு

உப்பு+எண்ணெய் = தேவைக்கு

செய்முறை

*காளான்+வெங்காயம்+பச்சை மிளகாய்+கொத்தமல்லி அனைத்தையும் மிக பொடியாக நறுக்கவும்.

*காளானை மட்டும் கடாயில் போட்டு எண்ணெய் ஊற்றாமல் நீர் வற்றும் வரை வதக்கவும்.

*அதனுடன் மசித்த உருளை மற்றும் எண்ணெய் நீங்கலாக அனைத்து பொருட்களும் ஒன்றாக சேர்த்து பிசையவும்.

*மைதாவில் சிறிது உப்பு சேர்த்து நீர் விட்டு கெட்டியாக கரைக்கவும்.

*சிறு உருண்டைகலாக எடுத்து விரும்பிய வடிவில் செய்து மைதாவில் நனைத்து பிரெட் க்ரம்ஸில் பிரட்டி 15 நிமிடம் ப்ரிட்ஜில் வைத்திருந்து எண்ணெயில் பொரித்தெடுக்கவும்.

பி.கு

*காளானை வதக்காமல் அப்படியே போட்டால் கட்லட் வேகும்போது காளான் நீர்விட்டு சரியாக வராது.

வாழைக்காய் பஜ்ஜி

பஜ்ஜி மாவில் நாம் சிறிது சோடா மாவு சேர்ப்போம்.அதற்கு பதில் இட்லி மாவு சேர்த்து செய்தால் க்ரிஸ்பியாக இருக்கும்.எண்ணெயும் அதிகம் குடிக்காது..

தே.பொருட்கள்:
வாழைக்காய் - 1 பெரியது
இட்லி மாவு - 1/4 கப்
கடலைமாவு - 1 கப்
அரிசி மாவு - 1 டேபிள்ஸ்பூன்
மஞ்சள் கலர் - 1 சிட்டிகை
பெருங்காயத்தூள் - 1/4 டீஸ்பூன்
ஓமம் - 1/4 டீஸ்பூன்
உப்பு +எண்ணெய் = தேவைக்கு
　
செய்முறை:
*வாழைக்காயை மெலிதாக வட்டமாக நறுக்கவும் (விருப்பப்பட்டால் தோல் சீவிக்கொள்ளவும்).வாழைக்காயில் சிறிது உப்பு கலந்து 10 நிமிடம் வைக்கவும்.

*பாத்திரத்தில்கடலைமாவு+இட்லிமாவு+அரிசிமாவு+கலர்+பெருங்காய்த்தூள்+ஓமம் (கையால் நன்கு தேய்த்து போடவும்)+உப்பு அனைத்தையும் ஒன்றாக கலந்து இட்லிமாவு பதத்திற்க்கு கலக்கவும்.

*எண்ணெய் காயவைத்து வாழைக்காயை மாவில் தோய்த்து பொரித்தெடுக்கவும்.

பி.கு:
*இட்லி மாவு+வாழைக்காயில் உப்பு இருப்பதால் மாவு கலக்கும் போது உப்பு சரி பார்த்து போடவும்.

*ஓமத்துக்கு பதில் சீரகம்+நசுக்கிய பூண்டுப்பல் சேர்க்கலாம்.

*வாழைக்காயில் உப்பு கலந்து வைப்பாதால் பஜ்ஜி சாப்பிடும் போது சப்பென்று இருக்காது.

சோயா - காளான் புலாவ்

தே.பொருட்கள்:

பாஸ்மதி - 2 கப்

சோயா உருண்டைகள் - 10

அரிந்த காளான் - 1/2 கப்

அரிந்த வெங்காயம் - 1

அரிந்த தக்காளி - 1

கீறிய பச்சை மிளகாய் - 4

இஞ்சி பூண்டு விழுது - 1 டேபிள்ஸ்பூன்

மஞ்சள்தூள் - 1/4 டீஸ்பூன்

தேங்காய்பால் - 2 கப்

பட்டர் - 1 டேபிள்ஸ்பூன்

உப்பு+எண்ணெய் = தேவைக்கு

தாளிக்க:

பிரியாணி இலை - 2

கிராம்பு - 3

பட்டை - 1 துண்டு

ஏலக்காய் - 2

செய்முறை :

*சோயாவை கொதிக்கும் நீரில் 10 நிமிடம் போட்டு குளிர்ந்த நீரில் 3முறை நன்கு அலசி பிழிந்துக்கொள்ளவும்.

*குக்கரில் பட்டர்+எண்ணெய் விட்டு தாளிக்க கொடுத்துள்ளவைகளைப்போட்டு தாளித்து வெங்காயம்+இஞ்சி பூண்டு விழுது+தக்காளி+பச்சை மிளகாய்+மஞ்சள்தூள்+காளான்+உப்பு+சோயா உருண்டைகள் அனைத்தையும் ஒன்றன் பின் ஒன்றாக போட்டு வதக்கவும்.

*வதங்கியதும் அரிசி+தேங்காய்ப்பால்+1 கப் நீர் சேர்த்து 3 விசில் வரை வேகவைத்து இறக்கவும்.

*ராய்த்தா அல்லது வறுவலுடன் பரிமாறவும்.

ஸ்டப்டு காளான் - 2 / Stuffed Mushroom - 2

தே.பொருட்கள்:

காளான் - 5
துருவிய காலிப்ளவர்,பூசணிக்காய் - 1/4 கப்
பொடியாக அரிந்த வெங்காயம் - 1
பொடியாக அரிந்த பச்சை மிளகாய் - 1
சோம்புத்தூள் - 1/4 டீஸ்பூன்
சீரகம் - 1/4 டீஸ்பூன்
துருவிய சீஸ் - சிறிதளவு
உப்பு+எண்ணெய் = தேவைக்கு
　
செய்முறை :

*காளானின் தண்டுப்பகுதியை கவனமாக வெட்டியெடுக்கவும்.

*தவாவில் எண்ணெய் விட்டு சீரகம் போட்டு தாளித்து வெங்காயம்+பச்சை மிளகாய்+துருவிய காய்கள்+உப்பு+சோம்புத்தூள் அனைத்தையும் ஒன்றன் பின் ஒன்றக போட்டு வதக்கவும்.

*காளானில் இந்த கலவையை வைத்து அதன்மேல் சீஸ்துருவலை வைத்து 190 டிகிரி முற்சூடு அவனில் 15 நிமிடம் பேக் செய்து எடுக்கவும்.

ஸ்டப்டு காளான் - 1 / Stuffed Mushroom - 1

தே.பொருட்கள்:

பட்டன் காளான் - 5
பொடியாக நறுக்கிய வெங்காயம் - 1 சிறியது
பொடியாக நறுக்கிய குடமிளகாய் - 1 டேபிள்ஸ்பூன்
சீரகம் - 1/2 டீஸ்பூன்
சீஸ் துருவல் - 3 டேபிள்ஸ்பூன்
உப்பு+எண்ணெய் = தேவைக்கு
　
செய்முறை :

* காளானை கழுவி அதன் தண்டுப்பகுதியை பொறுமையாக கத்தியால் கீறி எடுக்கவும்.அனைத்து தண்டுப்பகுதிகளையும் எடுத்து பொடியாக கட் செய்யவும்.

*கடாயில் சிறிது எண்ணெய் விட்டு சீரகம் போட்டு தாளித்து வெங்காயம்+நறுக்கிய தண்டுப்பகுதி காளான்+குடமிளகாய்+உப்பு சேர்த்து நன்கு வதக்கி இறக்கவும்.

*காளானில் இந்த ஸ்டப்பிங் வைத்து அதன் மேல் சீஸ்துறுவல் வைத்து முற்சூடு செய்த அவனில் 190 டிகிரிக்கு 15 நிமிடம் பேக் செய்து எடுக்கவும்.

*இதை அப்படியே ஸ்நாக்ஸாக சாப்பிடலாம்.

ஸ்டப்டு மிளகாய் பஜ்ஜி

தே.பொருட்கள்:

பஜ்ஜி மிளகாய் - 5
துருவிய சீஸ் -1/4 கப்
பொடியாக நறுக்கிய வெங்காயம் - 1
வேக வைத்து மசித்த உருளைக்கிழங்கு - 1
துருவிய கேரட்,கோஸ்,காலிபிளவர் - 1/4 கப்
மஞ்சள்தூள் - 1 சிட்டிகை
கடலை மாவு - 1/4 கப்
அரிசி மாவு - 1 டேபிள்ஸ்பூன்
உப்பு+எண்ணெய் = தேவைக்கு

செய்முறை :
*மிளகாயை நடுவில் கீறி உள்ளிருக்கும் விதைகளை நீக்கவும்.

*கடாயில் எண்ணெய் விட்டு வெங்காயத்தை வதக்கி பின் துருவிய காய்களை சேர்த்து நன்கு வதக்கவும்.பின் உருளைகிழங்கை சேர்த்து நன்கு கிளறி இறக்கவும்.

*கடலை மாவு+அரிசி மாவு+உப்பு சேர்த்து பஜ்ஜி மாவு பதத்திற்க்கு கரைக்கவும்.

*மிளகாயில் சீஸ் துருவலை வைத்து அதனுள் உருளைக்கலவையை வைத்து அதன் மேல் மேலும் சீஸ்துருவலை வைத்து மாவில் தோய்த்து எண்ணெயில் பொரித்தெடுக்கவும்.

காளான் பிரியாணி

தே.பொருட்கள்:

பாஸ்மதி - 3 கப்
அரிந்த பட்டன் காளான் - 2 1/2 கப்
நறுக்கிய வெங்காயம் - 1 பெரியது
நறுக்கிய தக்காளி - 1 பெரியது
இஞ்சி பூண்டு விழுது - 1 டேபிள்ஸ்பூன்
புதினா,கொத்தமல்லி - தலா 1 கட்டு
பட்டர் - 3 டேபிள்ஸ்பூன்
புட் கலர் - சிறிது
பச்சை மிளகாய் - 5
மிளகாய்த்தூள் - 1/2 டேபிள்ஸ்பூன்
எலுமிச்சை சாறு - 1/2 டேபிள்ஸ்பூன்
உப்பு+எண்ணெய் = தேவைக்கு

தாளிக்க:
பிரியாணி இலை - 4
கிராம்பு - 4
பட்டை - 1 துண்டு
ஏலக்காய் - 6
　
செய்முறை :

*பாத்திரத்தில் சிறிது பட்டர்+எண்ணெய் விட்டு தாளிக்க கொடுத்துள்ளவைகளில் பாதி போட்டு தாளித்து வெங்காயம்+பச்சை மிளகாய்+இஞ்சி பூண்டு விழுது+தக்காளி+மிளகாய்த்தூள்+உப்பு அனைத்தையும் ஒன்றன் பின் ஒன்றாக போட்டு வதக்கவும்.

*பின் பாதி நறுக்கிய புதினா கொத்தமல்லி+காளான் சேர்த்து தண்ணீர் விட்டு கொதிக்க விடவும்.அதிகம் தண்ணீர் விட வேண்டாம் காளான் தண்ணீர் விடும்.

*இன்னொரு அடுப்பில் ஒரு பாத்திரத்தில் தண்ணீர் + மீதி புதினா கொத்தமல்லி+மீதமுள்ள தாளிப்பு பொருட்கள் சேர்த்து கொதிக்க விடவும்.தண்ணீர் நன்கு கொதித்ததும் எலுமிச்சை சாறு+ அரிசி கழுவி போட்ட பின் 10 நிமிடத்தில் வடித்து விடவும்.பதம் சரியாக இருக்கும்.

*ஒரு பாத்திரத்தில் சிறிது பட்டர் தடவி க்ரேவி+சாதம்+காளான் க்ரேவி என மாற்றி மாற்றி போடவும்.மேலே சாதம் வரும்படி போடவும்.அதன் மேல் சிறிது புட் கலர் ஊற்றவும்.மீதமுள்ள பட்டர் போடவும்.

*அவனை 190 டிகிரிக்கு முற்சூடு செய்து 10 நிமிடம் வைத்திருந்து எடுக்கவும்.

*ராய்த்தா அல்லது வறுவலுடன் பரிமாறவும்.

சீஸ்-வெஜ் ப்ரெட் பஜ்ஜி

தே.பொருட்கள்:

ப்ரெட் ஸ்லைஸ் - 4
சீஸ் துருவல் - சின்ன பாக்கெட்
வேக வைத்த உருளைக்கிழங்கு - 1
பொடியாக நறுக்கிய வெங்காயம் - 1
பொடியாக நறுக்கிய குடமிளகாய் - 1
பொடியாக நறுக்கிய கேரட்,கோஸ் - 1/4 கப்
சீரகம் - 1/4 டீஸ்பூன்
மிளகாய்த்தூள் - 1/4 டீஸ்பூன்
மஞ்சள்தூள் - 1 சிட்டிகை
உப்பு+எண்ணெய் = தேவைக்கு

மேல் மாவுக்கு:

கடலைமாவு - 3 டேபிள்ஸ்பூன்
அரிசிமாவு - 1 டேபிள்ஸ்பூன்
சுத்தம் செய்த ஒமம் - 1/4 டீஸ்பூன்

செய்முறை :

* கடாயில் எண்ணெய் விட்டு சீரகம் போட்டு தாளித்து வெங்காயத்தை போட்டு வதக்கவும்.

*பின் கேரட்,கோஸ்+மிளகாய்த்தூள்+மஞ்சள்தூள் போட்டு வதங்கியதும் குடமிளகாய்,மசித்த உருளைக்கிழங்கு+உப்பு சேர்த்து நன்கு சுருள வதக்கி வைக்கவும்.

*மேல் மாவுக்கு கொடுத்துள்ளவைகலில் உப்பு சேர்த்து பஜ்ஜி மாவு பதத்திற்க்கு கரைக்கவும்.

*ப்ரெட்டின் ஓரங்களை கட் செய்து,ஒவ்வொரு ப்ரெட்டையும் 4 முக்கோணங்களாக வெட்டிக் கொள்ளவும்.

*ஒரு முக்கோண ப்ரெட்டின் மேல் காய்கலவையை வைத்து அதன்மேல் சீஸ்துருவலை வைக்கவும்.பின் அதன்மேல் இன்னொரு முக்கோண ப்ரெட்டை வைத்து மூடவும்.இப்படியாக அனைத்து ப்ரெட்களையும் செய்யவும்.

*கடாயில் எண்ணெய் காயவைத்து ப்ரெட்டை (ஸ்டப்பிங் வெளியே வராதபடி) பஜ்ஜிமாவில் தோய்த்து எண்ணெயில் பொரித்தெடுக்கவும்.

*இதனை கெட்சப்புடன் சாப்பிட சுவையோ சுவை!!

காளான் மசாலா

தே.பொருட்கள்:

காளான் - 500கிராம்
வெங்காயம் - 1
தக்காளி - 1
இஞ்சி பூண்டு விழுது - 1/2 டேபிள்ஸ்பூன்
மிளகாய்த்தூள் -1 டேபிள்ஸ்பூன்
உப்பு+எண்ணெய்= தேவைக்கு
சீரகம் - 1 டீஸ்பூன்

செய்முறை:

*காளானை வெதுப்வெதுப்பான நீரில் 1 டேபிள்ஸ்பூன் எலுமிச்சைசாறு விட்டு 10 நிமிடம் வைத்து,கழுவி கட் செய்யவும்.

*வெங்காயம்+தக்காளியை நறுக்கவும்.

*கடாயில் எண்ணெய் விட்டு சீரகத்தைப் போட்டு தாளித்து வெங்காயம்+இஞ்சி பூண்டு விழுது+தக்காளியை ஒன்றன் பின் ஒன்றாக போட்டு வதக்கவும்.

*நன்கு வதங்கியதும் மிளகாய்த்தூளை போட்டு லேசாக வதக்கி காளான்+உப்பு சேர்த்து மூடி வேகவிடவும்.

*தண்ணீர் ஊற்றவேண்டாம்,காளான் நீர் விடும்.

*நீர் சுண்டும் வரை கிளறி இறக்கவும்.

பி.கு:

ரொட்டி,சப்பாத்தியுடன் சாப்பிட நன்றாகயிருக்கும்.விருப்பப்பட்டால் இதனுடன் குடமிளகாயும் சேர்க்கலாம் வாசனையாக இருக்கும்.