பேரிச்சம்பழம் மஃபின்

தே.பொருட்கள்:

பால் -1 கப்
முட்டை - 1
மைதா மாவு -2 கப்
உப்பு - 1சிட்டிகை
பேக்கிங் பவுடர் - 1/2 டேபிள்ஸ்பூன்
சர்க்கரை - 1/4 கப்
உருக்கிய பட்டர் - 1/4 கப்
பொடியாக நறுக்கிய பேரிச்சம்பழம் - 1/2 கப்
பட்டை பவுடர் - 1/4 டீஸ்பூன்
பாதாம் பவுடர் - 1 டீஸ்பூன்

செய்முறை :

* ஒரு பவுலில் முட்டை+பால் கலந்து நன்கு கலக்கவும்.பின் சர்க்கரையை சேர்த்து கரையும் வரை நன்கு கலக்கவும்.

*மற்றொரு பவுலில் மைதா+உப்பு+பட்டை பவுடர்+பாதாம் பவுடர்+பேக்கிங் பவுடர் கலக்கவும்.

*மைதா கலவையை சிறிது சிறிதாக முட்டை,பால் கலவையில் கட்டியில்லாமல் கலக்கவும்.

*அதனுடன் நறுக்கிய பேரிச்சம்பழம்+பட்டர் சேர்க்கவும்.

*அவனை 400 டிகிரியில் முற்சூடு செய்து கலவையை மஃபின் கப்பில் முக்கால் பாகம் வரை ஊற்றி 20 நிமிடம் பேக் செய்யவும்.

*அவனிலிருந்து வெளியே எடுத்து 10 நிமிடம் கழித்து எடுத்தால் ஒட்டாமல் வரும்.

*குழந்தைகளுக்கு பிடித்த பேரிச்சம்பழம் மஃபின் ரெடி.


கவனிக்க:

அவரவர் அவனுக்கு ஏற்ப டைம் செட் செய்யவும்.ஒரு டூத்பிக் கொண்டு கலவையில் குத்தி பார்த்தால் ஒட்டாமல் வந்திருந்தால் வெந்திருக்கு என்று அர்த்தம்.

மேலும் ஒரு விருது!!

திருமதி கீதா ஆச்சல் எனக்கு இன்னொரு இரண்டு விருதினை குடுத்திருக்காங்க.அவங்களுக்கு என் மனமார்ந்த நன்றிகள்!!


இந்த விருதினை பாயிஷா,ப்ரியாராஜ்,ப்ரியா,நித்யா,பவித்ரா,ஸ்ரீப்ரியா வித்யாஷங்கர் ,ஷாமா நாகராஜன்,ஜலிலாக்கா இவர்களுக்கு வழங்குகின்றேன்.
இந்த விருதினை என்னுடைய ப்ளாக் Followers அனைவருக்கும் வழங்கின்றேன். அனைவருக்கும் என் நன்றி!!

உயிரெழுத்தில் என்னைப்பற்றி

அம்மா +அப்பா = என்னுடைய அன்புக்குரியவர்கள்

ஆசை = என் மகளுக்கு நல்லத் தாயாக இருக்கனும்,அவங்க ஆசைகளை நிறைவேத்தனும்.

இசை = இளையராஜாவின் அனைத்துப் பாடல்களும் பிடிக்கும்

ஈ = இந்த பூச்சிகளின் தொல்லை பிடிக்காது

உயிர் = கணவரும்,மகளும்

ஊஞ்சல் =2 மணிநேரமாவது ஊஞ்சலில் ஆட ஆசை,எப்போ நிறைவேறும்னு தெரியல.

எனக்குள் இருக்கும் சாத்தான் = கோபம்

ஏன் இந்த பதிவு = ஜலிலாக்கா அழைத்ததால்..

ஐயம் = இது மட்டும் இருந்தால் வாழ்வு ஒரு நரகம்.

ஒன்று = என் செல்ல மகள் ஷிவானி

ஓதும் செயலே நலம் = அ,ஆ வரிசையில் வரும் பாடலில் இந்த வரிகள் ரொம்ப பிடிக்கும்,ஏன்னு தெரியல.

ஒளவை = இவங்களை பிடிக்காதவங்க யாருமே இருக்கமுடியாது.அவங்களின் ஆத்திசூடி பிடிக்கும்.

ஃ = ?????

அவரவர்க்கு பிடித்த கேள்விகளை போட்டுக்கொள்ளலாம்

நான் அழைக்கும் நபர்கள் நட்புடன் ஜமால்,சாருஸ்ரீராஜ்,கீதா ஆச்சல்.ப்ரியமுடன் வசந்த்,சூர்யா கண்ணன்,பாயிஷா,குறை ஒன்றும் இல்லை ,ஹர்ஷினி அம்மா

ஒட்ஸ் தவா கட்லட்

தே.பொருட்கள்:

ஒட்ஸ் - 1 +1/2 கப்
வேகவைத்து மசித்த உருளைக்கிழங்கு - 1
துருவிய கேரட்+பொடியாக அரிந்த குடமிளகாய்,
பச்சைப் பட்டாணி -1/4 கப்
பொடியாக அரிந்த சின்ன வெங்காயம் -5
பொடியாக அரிந்த கொத்தமல்லி -சிறிது
பொடியாக அரிந்த பச்சை மிளகாய் - 2
எலுமிச்சை சாறு - 1 டீஸ்பூன்
ஆம்சூர் பவுடர் - 1/4 டீஸ்பூன்
உப்பு+எண்ணெய் = தேவைக்கு

செய்முறை :

*1/2 கப் ஒட்ஸை தனியாக வைக்கவும்.

*1 கப் ஒட்ஸ்சுடன் எண்ணெய் நீங்கலாக மற்ற பொருட்களை கலக்கவும்.

*அதை சிறிய உருண்டைகளாக எடுத்து பிடித்த வடிவத்தில் செய்யவும்.
*1/2 கப் ஒட்ஸை தட்டில் பரப்பி,அதில் உருண்டைய அதில் புரட்டி எடுக்கவும்.

*அதை தவாவில் இருபுறமும் வறுத்து எடுக்கவும்.


பி.கு:

கெட்சப்புடன் சாப்பிட நன்றாக இருக்கும்.

ஸ்ப்ரவுட்ஸ் சாலட்

தே.பொருட்கள்:

முளைகட்டிய கடலை,தோல் பாசிப்பருப்பு,கொள்ளு - 3/4 கப்
வெந்தயக்கீரை - 1 கைப்பிடி
மெலன் பழத்துண்டுகள்,வெள்ளரிக்காய் -1/4 கப்
பச்சை திராட்சை - 10
எலுமிச்சைசாறு - 1 டீஸ்பூன்
உப்பு - தேவைக்கு

செய்முறை :

*அனைத்தையும் ஒன்றாக கலந்து பறிமாறவும்.

தாமரைத் தண்டு(Lotus Root)வறுவல்

தாமரை ஒரு நீர்வாழ் பல்லாண்டுத் தாவரம். இதன் அறிவியல் பெயர் நெலும்போ நூசிபேரா (Nelumbo nucifera) என்பதாகும். பண்டைய எகிப்து நாட்டில் நைல் நதிக் கரையோரங்களில் பரவலாகக் காணப்பட்ட தாமரை, எகிப்தியர்களால் புனிதமானதாகப் போற்றப்பட்டதுடன், வழிபாட்டுக்கும் பயன்பட்டது. தாமரையின், பூக்கள், இதழ்கள் என்பவை அக்காலச் சமயத்துறை மற்றும் கட்டிடக்கலை அலங்காரங்களிலும் காணப்படுகின்றது. எகிப்திலிருந்து அசிரியாவுக்குப் பரவிய தாமரை அங்கிருந்து, பாரசீகம், இந்தியா, சீனா முதலிய நாடுகளுக்குப் பரவியதாகவும் கூறப்படுகிறது.

தாமரைத்தண்டு,இதில் அதிகளவு இயற்கை மருத்துவ குணங்கள் இருக்கு.

சமைக்கும் முறை:

இதன் மேல் தோலை சீவிவிட்டு மெல்லிய வட்டங்களாக நறுக்கி கழுவி பயன்படுத்தவும்.தண்டு இளசாகவோ அல்லது முற்றியதாகவோ இருந்தால் சமைத்தாலும் நறுக் நறுக் என்ரு தான் இருக்கும்.இதன் தண்டை பச்சையாகவே சாப்பிட்டால் ரொம்ப இனிப்பா நன்றாகயிருக்கும்.உப்பு எப்படிதான் போட்டாலும் தண்டில் ஏறாது,உப்பில்லாமல் சப்புன்னு இருக்கும்.

தாமரைத்தண்டின் புகைப்படம்:

சத்துக்கள்:

இதில் கொழுப்பு,சர்க்கரை எதுவுமில்லை.100 கிராம் தண்டில் கார்போஹைட்ரேட் 16 கிராம்,ப்ரோட்டீன் 2 கிராம் இருக்கு.விட்டமின் C 54% ,விட்டமின் B6 13% இருக்கு.

வறுவல் செய்ய தே.பொருட்கள்:

தாமரைத்தண்டு - 1 பெரியது
உப்பு+எண்ணெய் = தேவைக்கு
மிளகாய்த்தூள் - 1/2 டேபிள்ஸ்பூன்
கார்ன்மாவு - 1 டீஸ்பூன்
கடலைமாவு - 1/2 டீஸ்பூன்
பெருங்காயத்தூள் - சிறிது

செய்முறை:

*தாமரைத்தண்டை தோல்சீவி மெல்லிய வட்டங்களாக நறுக்கி கழுவவும்.

*அதனுடன் எண்ணெய் நீங்கலாக அனைத்துப் பொருட்களும் சேர்த்து பிசிறி 1/2 மணிநேரம் ஊறவைக்கவும்.
*பின் தவாவில் எண்ணெய்விட்டு வறுக்கவும்.

பி.கு:

இது வாழைக்காய் வருவல் மாதிரி இருக்கும்.நானே இதுநாள்வரை இத்தண்டினை பார்த்ததும்,சாப்பிட்டதும் இல்லை.முதன்முறையாக வாங்கி சமைத்து சாப்பிட்டேன் மிகவும் நன்றாக இருந்ததால் உங்களுடன் பகிர்ந்துக் கொண்டேன்.உங்களுக்கும் கிடைத்தால் சமைத்துப் பாருங்களேன்,அப்புறம் எப்பவும் இதைதான் செய்வீங்க.

ரிப்பன் பகோடா /Ribbon Pakoda

தே.பொருட்கள்:

கடலை மாவு - 1 கப்
அரிசி மாவு - 1/2 கப்
உப்பு - தேவைக்கு
எண்ணெய் - பொரிக்க

அரைக்க:

காய்ந்த மிளகாய் - 4
சோம்பு - 1டீஸ்பூன்
பூண்டு -4 பல்

செய்முறை:

* அரைக்க குடுத்துள்ளவைகளை அரைத்து வடிக்கட்டவும் அல்லது அரைத்த விழுதை அப்படியேவும் சேர்க்கலாம்.

*பாத்திரத்தில் கடலைமாவு+அரிசிமாவு+உப்பு+அரைத்த விழுது சாறு அல்லது அரைத்த விழுது சேர்த்து கெட்டியாக பிசையவும்.

*பிசைந்த மாவை ரிப்பன் அச்சில் போட்டு எண்ணெயில் பொரிக்கவும்.