திராமிசு மிகவும் பிடித்த இத்தாலியன் டெசர்ட்.இதனை மிக சுலபமாக சிறிய கப்களில் செய்து பரிமாறலாம்.ஸ்பாஞ்ச் கேக் அல்லது Lady Fingers Biscuit செய்யலாம்.
ஏற்கனவே
ஸ்பாஞ்ச் கேக்கில் திராமிசு செய்திருக்கேன்.
பரிமாறும் அளவு - 3 நபர்
தயாரிக்கும் நேரம் -15 நிமிடங்கள்
குளிரவைக்கும் நேரம் - 4 மணிநேரங்கள்
தே.பொருட்கள்
Lady Fingers Biscuit - 15
மஸ்கார்போன் சீஸ் - 1 கப்
வெனிலா எசன்ஸ் -1 டீஸ்பூன்
ஐசிங் சர்க்கரை -1/2 கப்
பால்+சர்க்கரை கலக்காத காபி -1/2 கப்
கோகோ பவுடர் - மேலே தூவ
செய்முறை
*பிஸ்கட்டினை Food Processor அல்லது மிக்ஸியில் பொடித்துக் கொள்ளவும்.
*ஒரு பவுலில் சர்க்கரை+மஸ்கார்போன் சீஸை சேர்த்து நன்கு கலக்கவும்.
*பின் எசன்ஸ்+ 1/4 கப் காபி சேர்த்து கலக்கவும்.
*இது பார்ப்பதற்கு கண்டண்ஸ்ட் மில்க் போல இருக்கும்.
*சிறிய Ramkin கப்களில் 1 1/2 டேபிள்ஸ்பூன் அளவு பொடித்த பிஸ்கட் சேர்க்கவும்.
*அதன் மேல் 1 டீஸ்பூன் காபியை பரவலாக ஊற்றவும்.
*அதன் மீது 2 டேபிள்ஸ்பூன் சீஸ் கலவையை வைக்கவும்.
*இதே போல் இன்னொரு லேயர் செய்யவும்.
*கடைசியாக சீஸ் கலவை வருமாறு பார்த்துக்கொள்ளவும்.
*இதனை அப்படியே ப்ரிட்ஜில் 4 மணிநேரம் குளிரவைக்கவும்.நான் முதல் நாள் இரவே செய்து குளிரவைத்தேன்.
*பரிமாறும் போது கோகோ பவுடரை தூவி பரிமாறவும்.
