ஒட்ஸ் பாகாளாபாத்

தே.பொருட்கள்:

ஒட்ஸ் - 1 கப்
பால் -1 கப்
தயிர் -125 கிராம்
கொத்தமல்லித்தழை - சிறிது
இஞ்சி -1 சிறுதுண்டு
பச்சை மிளகாய் -2
உப்பு+எண்ணெய் = தேவைக்கு


தாளிக்க:

கடுகு - 1/2 டீஸ்பூன்
உளுத்தம்பருப்பு - 1டீஸ்பூன்
பெருங்காயம் - வாசனைக்கு
கறிவேப்பிலை - சிறிது

செய்முறை :

*பச்சை மிளகாய்+இஞ்சி+கொத்தமல்லித்தழை பொடியாக நறுக்கவும்.

*பாலில் ஒட்ஸை நன்கு குழைய வேகவைக்கவும்.

*பின் தாளிக்க குடுத்துள்ளவைகளை போட்டு தாளித்து,அதனுடன் இஞ்சி,பச்சைமிளகாய் போட்டு வதக்கி வெந்த ஒட்ஸில் சேர்க்கவும்.

*ஒட்ஸ் ஆறியதும் தயிர்+உப்பு+கொத்தமல்லித்தழை சேர்த்து கலக்கி பறிமாறவும்.

பி.கு:

விருப்பப்பட்டால் இதனுடன் துருவிய வெள்ளரி,காரட் சேர்க்கலாம்.மாதுளை,உலர்ந்த திராட்சையும் சேர்க்கலாம்.சுவை தூக்கலாக இருக்கும்.

தேவதையின் வரங்கள்

இந்த பதிவை எழுத அழைத்த சகோதரர் வசந்த்க்கு நன்றி!!

எல்லாருக்கும் மிகப்பெரிய ஆசைகள் கனவுகள் இருக்கும் அது சில சமயம் நிறைவேறாமல் போயிருக்கலாம்.

அந்த ஆசைகளை நிறைவேற்றும் விதமாக உங்கள் கண் முன்னாடி ஏஞ்சல் எனும் தேவதை உங்களிடம் பத்து வரங்கள் தருகிறது . நீங்கள் அதனிடம் என்ன வரம் கேட்பீர்கள்?

நான் தேவதையிடம் கேட்ட வரங்கள்

முதல் வரம் : மோட்சமடைந்த தந்தை மீண்டும் உயிருடன் வர கேட்பேன்.

இரண்டாவது வரம் : பார்வையில்லாதவர்களுக்கு பார்வை அளித்து அவர்கள் இந்த உலகத்தை ரசிக்கவேண்டி கேட்பேன்.

மூன்றாவது வரம் : ஒரு நாள் ஜனாதிபதியாக கேட்பேன்.

நான்காவது வரம்: மணிமேகலை வைத்திருந்த அட்சயபாத்திரம் வேணும்னு கேட்பேன்,அனைவரும் பசியில்லாமல் வாழணும்

ஐந்தாவது வரம் : ஔவையார் மாதிரி நல்ல படைப்புகள் எழுத வேணும்னு கேட்பேன்

ஆறாவது வரம் : எம்.எஸ்.சுப்புலட்சுமி குரல் வேணும்னு கேட்பேன் அவங்க குரலுக்கு நான் அடிமை

ஏழாவது வரம் : என்னுடைய கல்லூரி வாழ்க்கை வேனும்னு கேட்பேன்

எட்டாவது வரம் : என் வகுப்புத்தோழி (1 முதல் 10 வது வரை ஒன்றாக படித்தோம்) செல்வி யை பார்க்கனும்னு கேட்பேன். (10 வது
முடித்தபின் தொடர்பே விட்டு போய்விட்டது).

ஒன்பதாவது வரம்: திரும்பவும் குழந்தை பருவத்துக்கே மாறி அம்மா அப்பாவுடன் வாழனும்னு கேட்பேன்

பத்தாவது வரம் : எனக்காக திருமால் திரும்பவும் கண்ணன் அவதாரமெடுத்து அவரது குறும்புகளை பார்க்க ஆசைன்னு கேட்பேன்.


இந்த தேவதையை இப்போ ஒரு நாலு பேரோட ஆசைகளை நிறைவேற்ற அனுப்பிவைக்கிறேன் அவர்கள் ஆசையும் நிறைவேறுவதாக.....


1.ஷஃபிக்ஸ்

2.நிலாமதி

3.இயற்கை

4.சிங்கக்குட்டி

தூனாமீன்(Thon) பொடிமாஸ்

தே.பொருட்கள்:

தூனாமீன் - 1 டின்
வெங்காயம் - 1 பெரியது
பச்சை மிளகாய் - 3
கொத்தமல்லித்தழை -சிறிது
மஞ்சள்தூள் - 1சிட்டிகை
மிளகுத்தூள் - 1 டீஸ்பூன்
சோம்புத்தூள் - 1/2 டீஸ்பூன்
உப்பு+எண்ணெய் = தேவைக்கு
பூண்டுப்பல் -5

தாளிக்க:

கடுகு - 1/2 டீஸ்பூன்
உளுத்தம்பருப்பு - 1டீஸ்பூன்

செய்முறை :

*வெங்காயம்+பச்சைமிளகாய்+பூண்டுப்பல்+கொத்தமல்லித்தழை அனைத்தையும் பொடியாக நறுக்கவும்.

*கடாயில் எண்ணெய் ஊற்றி தாளிக்க குடுத்துள்ளவைகளைப் போட்டு தாளித்து பூண்டு+வெங்காயம்+பச்சை மிளகாய் அனைத்தயும் போட்டு நன்றாக வதக்கவும்.

*டின்னை உடைத்து மீனை தண்ணிலிருந்து நன்கு பிழிந்து வைக்கவும்.

*வெங்காயம் வதங்கியதும் மஞ்சள்தூள்+மிளகுத்தூள்+சோம்புத்தூள்+மீன்+உப்பு அனைத்தையும் போட்டு நன்கு கிளறவும்.

*நன்கு பொலபொலவென்று ஆனதும் கொத்தமல்லித்தழை தூவி இறக்கவும்.

கவனிக்க:

டின் மீனில் உப்பு இருப்பதால் உப்பு பார்த்துப் போடவும்.

முள்ளங்கி பகோடா

தே.பொருட்கள்:

முள்ளங்கி - 1 நடுத்தர சைஸ்
கடலைப்பருப்பு - 1/2 கப்
வரமிளகாய் - 4
பூண்டுப்பல் - 3
சின்ன வெங்காயம் - 7
சோம்பு - 1டீஸ்பூன்
இஞ்சி - சிறுதுண்டு
உப்பு+எண்ணெய் = தேவைக்கு
கொத்தமல்லித்தழை -சிறிது


செய்முறை :

*முள்ளங்கியை துருவி பிழிந்துக் கொள்ளவும்.

*கடலைப்பருப்பு 3/4 மணிநேரம் ஊறவைத்து அதனுடன் மிளகாய்+சோம்பு+இஞ்சி+பூண்டு+வெங்காயம்+உப்பு சேர்த்து கரகரப்பாக அரைக்கவும்.
*கொத்தமல்லித்தழை+முள்ளங்கியை அரைத்த பருப்புடன் சேர்த்து எண்ணெயில் பகோடாகளாக பொரிக்கவும்.


பி.கு:
இந்த பகோடா மிகவும் க்ரிஸ்பியாக இருக்கும்.

ஒட்ஸ் வெண்பொங்கல்

தே.பொருட்கள்:

ஒட்ஸ் -1 கப்
பாசிப்பருப்பு - 1/2 கப்
உப்பு - தேவைக்கு
மஞ்சள்தூள் - 1 சிட்டிகை


தாளிக்க:

மிளகு -1/2 டீஸ்பூன்
சீரகம் - 1 டீஸ்பூன்
கறிவேப்பிலை - சிறிது
இஞ்சி -1 சிறுதுண்டு
முந்திரி - தேவைக்கு
நெய் -1 டேபிள்ஸ்பூன்
எண்ணெய் - 1/2 டேபிள்ஸ்பூன்

செய்முறை :

*பாசிப்பருப்பை 1 1/2 கப் நீர்விட்டு மஞ்சள்தூள் சேர்த்து குழைய வேகவைக்கவும்.

*இஞ்சியைப் பொடியாக நறுக்கவும்.

*வெந்ததும் அதில் உப்பு+ஒட்ஸை போட்டு வேகவைத்து இறக்கவும்.

*பின் தாளிக்க குடுத்துள்ளவைகளை தாளித்துக் கொட்டவும்.

பி.கு:

பாசிப்பருப்பு வேகவைக்கும் நேரம் தவிர மற்றபடி இந்த ஒட்ஸ் பொங்கல் செய்வதற்க்கு ரொம்ப ஈஸி.சுவையும் நல்லாயிருக்கும்.

சிக்கன் மிளகு குழம்பு

தே.பொருட்கள்:

சிக்கன் - 1/2 கிலோ
வெங்காயம் - 1 பெரியது
தக்காளி - 1 சிறியது
பூண்டுப்பல் - 10
மிளகுத்தூள் - 1 1/2 டேபிள்ஸ்பூன்
தனியாத்தூள் - 1/2 டேபிள்ஸ்பூன்
ப்ரோசன் பட்டாணி - 1 கப் (விருப்பப்பட்டால்)
உப்பு+எண்ணெய் =தேவைக்கு
வினிகர் - 1/2 டேபிள்ஸ்பூன்

தாளிக்க:
பட்டை - 1 துண்டு
கிராம்பு -2
பிரிஞ்சி இலை -2


செய்முறை :

*சிக்கனை சுத்தம் செய்யவும்.

*வெங்காயம்+தக்காளி+பூண்டு இவற்றை வெட்டிக்கொள்ளவும்.

*பாத்திரத்தில் எண்ணெய் விட்டு தாளிக்க குடுத்துள்ளவைகளை போட்டு தாளித்து வெங்காயம்+பூண்டு+தக்காளி இவற்றை ஒன்றன் பின் ஒன்றாக போட்டு வதக்கவும்.

*வதங்கியதும் தனியாத்தூள்+மிளகுத்தூள்+வினிகர்+சிக்கன் சேர்த்து நன்கு வதக்கவும்.

*தேவையானளவு நீர்+உப்பு போட்டு வேகவிடவும்.

*கறி வெந்ததும் பட்டாணியை போட்டு 10 நிமிடம் கழித்து இறக்கவும்.

பி.கு:

குளிர்காலத்தில் தொண்டை கரகரப்பாக இருக்கும் போது இந்த குழம்பு செய்து சாப்பிடலாம்.உடம்புக்கு நல்லது.

360° Foodie Award

விருது என்றாலே ஒரு தனி சந்தோஷம் தான்.இந்த விருதினை திருமதி.ப்ரியா அவர்கள் எனக்கு குடுத்திருக்காங்க.அவங்களுக்கு என மனமார்ந்த நன்றி!!.இந்த விருதினை நான் குடுக்க விரும்பும் நபர்கள் கீதா ஆச்சல்,ஹர்ஷினி அம்மா,அம்மு மது,பாயிஷா,நித்யா,ஸ்ரீப்ரியா,ஷாமா நாகராஜன் இவர்களுக்கு வழங்குகிறேன்.

அனைவருக்கும் வாழ்த்துக்கள்!!