சுண்டைக்காய் சாம்பார்/SUNDAKKAI (FRESH TURKEY BERRY) SAMBAR

PRINT IT

பச்சை சுண்டைக்காய் சாம்பார் நல்லா சுவையுடன் இருக்கும்,கசப்பு தெரியாது.இதில் விட்டமின் ,கால்சியம்,இரும்பு சத்து,நார்சத்து இருக்கு.இதனை சாப்பிடுவதால் வயிற்றில் உள்ள பூச்சிகள் அழியும்,மேலும் நரம்புகளுக்கு வலு சேர்க்கும்,பக்கவாதமும் குணமாகும்.

இதனை தொடர்ந்து 4 நாட்கள் சாப்பிட்டு வந்தால் நீரிழிவு நோய் கட்டுபடும்.

காய்ந்த சுண்டைக்காயினை பொரித்து சாப்பிட்டால் வாயுதொல்லை குணமாகும்.

தே.பொருட்கள்

துவரம்பருப்பு -1/4 கப்

மஞ்சள்தூள்- 1/2 டீஸ்பூன்

பச்சை சுண்டைக்காய்- 1/3 கப்

புளிகரைசல்- 1/3 கப்

நருக்கிய வெங்காயம்+தக்காளி -தலா1

கீறிய பச்சை மிளகாய் -2

சாம்பார் பொடி- 1 டேபிள்ஸ்பூன்

உப்பு+எண்ணெய்= தேவைக்கு

தாளிக்க‌

வடகம் -1/2 டேபிள்ஸ்பூன்

பெருங்காயத்தூள் -1/4 டீஸ்பூன்

கறிவேப்பிலை -1 கொத்து

செய்முறை

*சுண்டைக்காயினை கழுவி லேசாக நசுக்கிக் கொள்ளவும்.

*துவரம்பருப்பினை மஞ்சள்தூள் சேர்த்து குழைய வேகவைக்கவும்.

*பாத்திரத்தில் எண்ணெய் ஊற்றி வெங்காயம்+தக்காளிபச்சை மிளகாய்+நசுக்கிய சுண்டைக்காய் என ஒன்றன் பின் ஒன்றாக போட்டு வதக்கவும்.

*பின் வேகவைத்த பருப்பினை சேர்த்து கொதிக்கவிடவும்.

*சுண்டைக்காயினை நசுக்கி சேர்த்திருப்பதால் 5 நிமிடத்திற்கள்ளாகவே வெந்துவிடும்.

*வெந்ததும் புளிகரைசல் ஊற்றி மேலும்  சிறிது நேரம் கொதிக்கவைத்து இறக்கவும்.

*கடைசியாக தாளிக்க கொடுத்துள்ள பொருட்களை சேர்த்து தாளித்து சேர்க்கவும்.

மா லாடு/பொட்டுக்கடலை உருண்டை | MAA LADOO(POTTUKADALAI URUNDAI) | GOKULASTAMI RECIPES

PRINT IT
பொட்டுக்கடலையில் ப்ரோட்டீன் அதிகம் உள்ளதால் வளரும் குழந்தைகளுக்கு கொடுப்பது நல்லது.மிகுந்த சுவையுடையதும் கூட..

இந்த அளவில் 10 உருண்டைகள் வரும்.

தே.பொருட்கள்

பொட்டுக்கடலை -1 கப்
சர்க்கரை- 1/2 கப்
ஏலக்காய் -2
நெய் -1/4 கப்
நெய்யில் வறுத்த முந்திரி- 1 டேபிள்ஸ்பூன்

செய்முறை

*பொட்டுக்கடலையை நைசாக பொடித்துக் கொள்ளவும்.

*சர்க்கரையுடன் ஏலக்காய் விதை மட்டும் சேர்த்து நைசாக பொடிக்கவும்.

*பொட்டுக்கடலை மாவு+பொடித்த சர்க்கரை+வறுத்த முந்திரி சேர்த்து கலந்து,நெய்யை நன்கு சூடு செய்து மாவில் கலக்கவும்.

*சூடாக இருக்கும் போதே லட்டுகளாக பிடிக்கவும்.

பி.கு

*ஏலக்காயின் தோலை தூக்கி எரியாமல் டீத்தூளில் கலந்து வைக்கலாம் அல்லது குடிக்கும் தண்ணீரில் போட்டு வைத்து குடித்தால் தீர்த்தம் குடிப்பது போலவே இருக்கும்.

அவல் கேசரி / AVAL ( POHA) KESARI | GOKULASTAMI RECIPES

PRINT IT
தே.பொருட்கள்

அவல்- 1/2 கப்
நீர்- 2 கப்
சர்க்கரை- 1/2 கப்
ஏலக்காய்த்தூள் -1/4 டீஸ்பூன்
நெய் -1/8 கப்
எண்ணெய் -2 டேபிள்ஸ்பூன்
கேசரி கலர்-சிறிது
நெய்யில் வறுத்த முந்திரி,திராட்சை ‍-தேவைக்கு

செய்முறை
*அவலை வெறும் கடாயில் லேசாக வறுத்து ஆறியதும் பொடிக்கவும்.

*ஒரு பாத்திரத்தில் 2 கப் நீரை நன்கு கொதிக்கவிடவும்.

*கடாயில் சிறிது நெய் விட்டு அவலை வறுக்கவும்.

*பின் கொதிக்கும் நீரை கொஞ்ச கொஞ்சமா ஊற்றி கிளறவும்.

*அவல் வெந்ததும் சர்க்கரை சேர்க்கவும்.

*கெட்டியாக வரும் சமயத்தில் கேசரிகலர்+எண்ணெய்  சேர்த்து கிளறவும்.

*கடைசியாக மீதமுள்ள‌ நெய்+ஏலக்காய்த்தூள்+முந்திரி திராட்சை சேர்த்து கிளறி இறக்கவும்.

பாலடை பாயாசம் / Palada Payasam | Onam Sadya Recipes | Payasam recipes

PRINT IT 
ஒணம் சத்யாவின் போது செய்யபடும் முக்கியமான பாயசம்.

பாயசம் என்பது பால்+சர்க்கரை சேர்த்து செய்வது.ப்ரதமன் என்பது தேங்காய்பால்+வெல்லம் சேர்த்து செய்வது.

அடை ப்ரதமன் மற்றும் பாலடை ப்ரதமன் இவ்விரண்டுமே ஒணசத்யாவின் மெனுவில் இடம்பெறும்.

அரிசிஅடை ரெடிமேடாக இருந்தால் கொதிக்கும் நீரில் 10 நிமிடம் ஊறவைத்து பின் குளிர்ந்த நீரில் 2 -3 முறை அலசி நீரை வடிக்கவும்.

நான் பயன்படுத்தியிருப்பது ப்ரெஷ் அடை என்பதால் நேரடியாக அப்படியே பயன்படுத்தலாம்.

தே.பொருட்கள்

அரிசி அடை- 1/2 கப்
பால்- 2 1/2 கப்
சர்க்கரை -1/3 கப்
உப்பு- 1 சிட்டிகை
நெய் -2 டீஸ்பூன்
ஏலக்காய்த்தூள்- 1/4 டீஸ்பூன்
முந்திரி+திராட்சை- தேவைக்கு

செய்முறை

*கடாயில் 1 டீஸ்பூன் நெய் விட்டு முந்திரி+திராட்சை வறுத்தெடுக்கவும்.

*பின் மீதமுள்ள நெய் விட்டு சிறிது சர்க்கரை சேர்த்து,கரையும் வரை கலக்கவும்.

*அரிசி அடையை சேர்த்து லேசாக பொன்முறுவலாக வறுக்கவும்.

*பாலினை பாத்திரத்தில் ஊற்றி பாதியளவு சுண்டும் வரை காய்ச்சியபின் வறுத்த அடையினை சேர்த்து வேகவிடவும்.

*அடை வெந்ததும் உப்பு+சர்க்கரை சேர்த்து கரைந்து 2 நிமிடங்கள் கழித்து இறக்கவும்.

*பின் ஏலக்காய்த்துள்+முந்திரி திராட்சை சேர்த்து பரிமாறவும்.

*இந்த பாயாசம் மிகுந்த சுவையாக இருக்கும்.

ஒணம் சத்யா - 2 | Onam Sadya -2 | Kerala Lunch Recipes | Onam Sadya Recipes

PRINT IT 

இந்த முறை ஒணம் சத்யா மெனுவை போனமுறை செய்ததை விட அதிகமாகவே செய்துள்ளேன்.

ஒணம் சத்யா - 1 மெனுவை இங்கே பார்க்கவும்.

சிப்ஸ் மட்டுமே கடையில் வாங்கினேன்.

நான் செய்திருப்பவை

நேந்திரன் சிப்ஸ் (கடையில் வாங்கியது)
இஞ்சி புளி
இன்ஸ்டண்ட் மாங்காய் ஊறுகாய்
எலுமிச்சை ஊறுகாய்
குறுக்கு காளன்
எரிசேரி
ஒலன்
கூட்டுக் கறி
அவியல்
கோஸ் தோரன்
கேரட் பீன்ஸ் தோரன்
பீட்ரூட் பச்சடி
இஞ்சி கிச்சடி
பருப்புக் கறி
கேரளா சாம்பார்
தக்காளி ரசம்
சேமியா பாயசம்
பருப்பு ப்ரதமன்
மோர்
பப்படம்

இதில் இஞ்சி புளி மற்றும் மாங்காய் ஊறுகாய் மட்டும் முதல் நாள் இரவே செய்துவிட்டேன்.

மறுநாள் மற்றவைகளை செய்து முடிக்க 3 மணிநேரம் ஆனது.

இதனை எப்படி சுலபமாக செய்தேன் என்பதை மட்டும் சொல்கிறேன்.

என்ன மெனுக்களை செய்ய போகிறோம் என முடிவு செய்து அதற்கேற்ப காய்களை வாங்கிக் கொள்ளவும்.

எரிசேரி மற்றும் ஓலன் செய்ய காரமனியை முதல் நாள் இரவே ஊறவைக்கவும்.

இந்த முறை எரிசேரியை பூசணிக்காயில் செய்தேன்.அதே போல் கூட்டுக்கறிக்கு கறுப்புக் கடலைக்கு பதில் கடலைப்பருப்பில் செய்தேன்.

கூட்டுக்கறி,அவியல்,காளன் செய்ய சேனைக்கிழங்கை நறுக்கி முதலில் மஞ்சள்தூள் சேர்த்து அரைக்வேக்காடு வேகவைத்து நீரை வடிக்கவும்.இப்படி செய்வது சேனைக்கிழங்கின் காரலை போக்கும்.பின் அதனை மூன்று பாகமாக பிரித்து பயன்படுத்தவும்.

பாசிப்பருப்பை பருப்பு கறி மற்றும் ப்ரதமன் செய்ய வறுக்கவும்.

குக்கரில் சாம்பாருக்கு துவரம்பருப்பினை அடியில் வைத்தும் மேலே சிறிய கிண்ணத்தில் பாசிப்பருப்பினை வேக வைத்து எடுக்கவும்.

பின் வேறொரு குக்கரில் காராமணியை அடியிலும் அதன் மேல் சிறிய கிண்ணத்தில் கடலைப்பருப்பையும் வேகவைத்தேன்.

காய்களை அவியலுக்கு நீளமாகவும் மற்றும் அனைத்து சைட் டிஷ் செய்யவும் நறுக்கி வைத்தேன்.

கேரட்,முருங்கை,வெள்ளை பூசணி சேர்த்து சாம்பார் செய்தேன்.

ஒலன் மற்றும் பிரதமன் தேங்காயை முதல் மற்றும் 2 ஆம் பால் எடுக்கவும்.

இஞ்சி கிச்சடி செய்ய பாகற்காய்க்கு பதில் இஞ்சியை பொன்முறுவலாக வறுத்து செய்ய வேண்டும்.

எல்லா குறிப்புகளுக்கும் தேங்காய் முக்கியம் என்பதால் தேங்காய்+சீரகம்+பச்சை மிளகாயை அவியல்,காளன்,எரிசேரி,கூட்டு கறி ,பருப்புக்கறி செய்ய நிறைய அரைத்து வைத்தேன்.

பொரியல் செய்ய கேரட்+பீன்ஸ்+கோஸ் நறுக்கிய பின் பீட்ரூட்டினை பச்சடி செய்ய கொஞ்சம் துருவிக் கொண்டேன்.

இவைகள் அனைத்தும் செய்து முடித்த பின் கடைசியாக சாதம்,சேமியா பாயசம்,ரசம் வைத்தேன்.

இப்படி திட்டமிட்டு செய்து முடிக்கவே 3 மணிநேரம் ஆனது.

அப்புறம் என்ன,கடைசியாக இலையில் பரிமாறவேண்டியதுதான்.

அனைவருக்கும் இனிய ஒணம் நல்வாழ்த்துக்கள்!!

கேரட் பீன்ஸ் தோரன்/Beans Carrot Thoran | Onam sadya Recipes

PRINT IT 
தே.பொருட்கள்

துருவிய கேரட் - 1/2 கப்
பொடியாக நறுக்கிய பீன்ஸ் - 1/2 கப்
பொடியாக நறுக்கிய வெங்காயம் - 1
பொடியாக நறுக்கிய பச்சை மிளகாய் - 1
தேங்காய் துறுவல் - 1/2 கப்
மஞ்சள்தூள் - 1/2 டீஸ்பூன்
உப்பு+எண்ணெய் = தேவைக்கு

தாளிக்க‌

கடுகு+உளுத்தம்பருப்பு - தலா 1/2 டீஸ்பூன்
கறிவேப்பிலை - 1 கொத்து


செய்முறை

*துருவிய கேரட்+பீன்ஸ்+வெங்காயம்+பச்சை மிளகாய்+உப்பு+தேங்காய்துறுவல் இவற்றை ஒன்றாக கலந்து நன்கு பிசைந்து 15 நிமிடம் வைக்கவும்.

*கடாயில் எண்ணெய் விட்டு தாளிக்க கொடுத்துள்ளவைகளை போட்டு தாளித்து பிசைந்து வைத்த கலவையை சேர்த்து சிறிது நீர் தெளித்து சிறு தீயில் மூடி போட்டு வேகவிடவும்.

* இடையிடையே கிளறி விட்டு  வெந்ததும் இறக்கவும்.

பி.கு

அதிகளவு நீர் சேர்க்க வேண்டாம்,1 1/ 2 டேபிள்ஸ்பூன் நீர் சேர்த்தால் போதும்.

கூட்டு கறி / Kootu Curry | Onam Sadya Recipes

PRINT IT 
இதில் தேங்காயை பொன்முறுவலாக வறுத்து சேர்ப்பது தனி சுவை.சேனைகிழங்கு,வாழைக்காய்,கறுப்புக்கடலைச் சேர்த்து செய்வது இதன் ஸ்பெஷல்
Recipe Source : Here

தே.பொருட்கள்

சேனைக்கிழங்கு‍ துண்டுகள் -1 கப்
துண்டுகளாகிய வாழைக்காய்- 1 கப்
கறுப்புக் கடலை‍ -1/2 கப்
மஞ்சள்தூள்- 1/2 டீஸ்பூன்
மிளகாய்த்தூள்- 1 டீஸ்பூன்
கறிவேப்பிலை- 1 கொத்து
வெல்லம் -1டேபிள்ஸ்பூன்
உப்பு -தேவைக்கு

அரைக்க‌
தேங்காய்த்துறுவல் -3/4 கப்
மிளகு- 1 டீஸ்பூன்
சீரகம்- 1/2 டீஸ்பூன்

தாளிக்க‌
தே.எண்ணெய்- 1டீஸ்பூன்
கடுகு- 1/4 டீஸ்பூன்
பொடித்த மிளகு- 1/4 டீஸ்பூன்
கறிவேப்பிலை- 1 கொத்து
காய்ந்த மிளகாய்- 2
தேங்காய்த்துறுவல்- 1/2 கப்
நெய்- 1 டேபிள்ஸ்பூன்

செய்முறை
*அரைக்க கொடுத்துள்ள பொருட்களை நைசாக அரைக்கவும்.

*கடலையை முதல்நாள் இரவே ஊறவைத்து மறுநாள் உப்பு சேர்த்து வேகவைக்கவும்.

*பாத்திரத்தில் நீர்+சிறிது மஞ்சள்தூள் சேர்த்து சேனைகிழங்கினை 1/2 வேக்காடு வேகவைத்து நீரை வடிக்கவும்.இப்படி செய்வது கிழங்கின் காரலை போக்கும்.

*மீண்டும் பாத்திரத்தில் நீர்+சேனைக்கிழ்னக்கு+வாழைக்காய்+மஞ்சள்தூள்+மிளகாய்த்தூள்+உப்பு+கறிவேப்பிலை+வெல்லம் சேர்த்து வேகவிடவும்.

*வெந்ததும் வேகவைத்த கடலை+ அரைத்த விழுதினை சேர்த்து மேலும் பச்சை வாசனை போக கொதிக்கவைத்து இறக்கவும்.

*இது சற்று கெட்டியாக இருக்க வேண்டும்.

*கடாயில் எண்ணெய் ஊற்றி கடுகு+காய்ந்த மிளகாய்+கறிவேப்பிலை சேர்த்து தாளித்து தேங்காயை சேர்த்து பொன் முறுவலாக வறுத்து சேர்க்கவும்.

*கடைசியாக நெய் சேர்த்து கலந்து பரிமாறவும்.