பிரண்டை துவையல் / Pirandai (Adamant Creeper ) Thuvaiyal | Pirandai Chutney

பிரண்டை துவையல் சாப்பிடுவது சுவையின்மையை நீக்கி பசியை தூண்டும்.இது செரிமாண சக்தியை தூண்டும்,அஜீரணக் கோளாறை நீக்கும்.மேலும் இதன் துவையல் சாப்பிடுவதால் எலும்பு முறிவால் ஏற்படும் வலி,வீக்கம் குணமாக்கும்.

பிரண்டை உடலில் உள்ள தேவையற்ற நீர்களை வெளியேற்றும்.

இந்த துவையலின் ரெசிபியை விற்றவரிடமே கேட்டு செய்தேன்.மிகவும் வித்தியாசமான சுவையில் இருந்தது.

Pirandai

 தே.பொருட்கள்

பிரண்டை -1 கற்று
இஞ்சி- 2 டேபிள்ஸ்பூன்
பூண்டுப்பல் -1/4 கப்
புளி -சிறிய எலுமிச்சை அளவு
காய்ந்த மிளகாய்- 8
உப்பு- தேவைக்கு
எண்ணெய் -1 டேபிள்ஸ்பூன்

செய்முறை

*பிரண்டையை கழுவி ,நடு கணுவை நீக்கி நறுக்கி நார் நீக்கவும்.

 *இதனை நறுக்கும் போது கையில் அரிப்பு ஏற்படும்,கையில் எண்ணெய் தடவி நறுக்கினால் அரிக்காது.

*பின் பிரண்டையை பொடியாக நறுக்கவும்.

*கடாயில் எண்ணெய் ஊற்றி நறுக்கிய இஞ்சி,பூண்டு,காய்ந்த மிளகாய் என தனிதனியாக வறுத்து எடுக்கவும்.

*கடைசியாக நறுக்கிய பிரண்டையை சேர்த்து நன்கு வெளிர் நிறமாக மாறும் வரை வதக்கி எடுக்கவும்.

*ஆறியதும் ஒன்றாக புளி+உப்பு சேர்த்து கெட்டியாக அரைத்து எடுக்கவும்.

*சாதத்தில் நெய்/நல்லெண்ணெய் ஊற்றி சாப்பிட மிகவும் சுவையாக இருக்கும்.

பி.கு

*பிரண்டையை நன்கு வதக்கவில்லை எனில் சாப்பிடும் போது அரிப்பு எடுக்கும்.

*உளுத்தம் ப‌ருப்பு சேர்க்காமல் அரைத்ததில் துவையல் மிகவும் சுவையாக இருந்தது.

ஆவாரம்பூ கூட்டு / Aavarampoo Kootu | Kootu Recipe

ஆவாரம்பூ கிராமத்து பக்கங்களில் சாலையோரம் அதிகமாக காணப்படும் மரம்.
இதன் பூ,மொக்கு அனைத்தும் மருத்துவ குணம் வாய்ந்தவை.

வாரத்தில் ஒருநாள் இந்த கூட்டினை அம்மா எப்போழுதும் சமைப்பார்கள்.கீரை விற்கும் பாட்டியிடம் முன்கூட்டியே சொல்லிவிட்டால் மறுநாள் எடுத்துவந்து கொடுப்பாங்க.இந்த கூட்டின் சுவை கொஞ்சம் துவர்ப்புதன்மையோடு இருக்கும்.

ஆவாரம்பூ சர்க்கரை நோய் மற்றும் இதய நோய்  கட்டுபடுத்தும் தன்மை கொண்டது.குழந்தைகளின் பார்வைதிறனும் அதிகரிக்கும்.

 ஆவராம்பூ டீ கூட செய்யலாம்.

ஆவாரம்பூவில் கால்சியம்,இரும்புசத்து,விட்டமின் இருக்கிறது.

ஆவாரம்பூ வாங்கினால் அதன் இதழ்களை மட்டும் தனியே எடுத்து சமைக்க பயன்படுத்தவும்.மொட்டுகளை தூக்கி எறியாமல் காயவைத்து சீயக்காய் அரைக்கும் போது சேர்த்து அரைத்து தலைக்கு குளித்தால் முடி பளபளப்பாக இருக்கும்.

மேலும் இதனை பற்றி அறிய இங்கே பார்க்கவும்.

தே.பொருட்கள்
கடலைப்பருப்பு -1/2 கப்
ஆவாரம்பூ -1/2 கப்
கீறிய பச்சை மிளகாய் - 1
மஞ்சள்தூள்- 1/4 டீஸ்பூன்
உப்பு -தேவைக்கு

தாளிக்க
எண்ணெய் -1 டீஸ்பூன்
கடுகு -1/2 டீஸ்பூன்
உளுத்தம்பருப்பு -1/2 டீஸ்பூன்
காய்ந்த மிளகாய் -1

செய்முறை

*குக்கரில் கடலைப்பருப்பு +மஞ்சள்தூள் மற்றும் தேவையானளவு நீர் சேர்த்து வேகவைக்கவும்.

*ஆவாரம்பூவினை அலசி நீரினை நன்கு வடிக்கவும்.

ஆவாரம்பூ

 *பருப்பு வெந்ததும் ஆவரம்பூ+பச்சை மிளகாய் உப்பு சேர்த்து மேலும் 3-5 நிமிடங்கள் வேகவைக்கவும்.

*வெந்ததும் தாளிக்க கொடுத்துள்ள பொருட்களை தாளித்து சேர்க்கவும்.

உருளை அல்வா / Potato (Aloo ) Halwa | Sweet Recipe

அனைவருக்கும் இனிய ஆங்கில புத்தாண்டு வாழ்த்துக்கள் !!

பதிவுகள் எழுதி நீண்டநாட்களாகிவிட்டது.3 மாதமாக டிராப்ட் போஸ்ட் மட்டுமே போட்டேன்.

இனி உருளை அல்வாவின் செய்முறையை பார்க்கலாம்.

தே.பொருட்கள்

உருளை -3 நடுத்தர அளவு
சர்க்கரை- 1/2 கப் +2 டேபிள்ஸ்பூன்
குங்குமப்பூ -2 சிட்டிகை
பால்- 1/3 கப் +2 டேபிள்ஸ்பூன்
நெய்- 1/2 கப்

செய்முறை

*உருளையை கழுவி நன்கு வேகவைத்து தோலுரித்து கட்டியில்லாமல் மசித்துக் கொள்ளவும்.

*வேகவைத்த மசித்த உருளையை 1/2 கப் அளவில் எடுத்துக் கொள்ளவும்.

*2 டேபிஸ்பூன் வெதுவெதுப்பான பாலில் குங்குமப்பூவை ஊறவைக்கவும்.

*நான்ஸ்டிக் கடாயில் 1/2 கப் நெய் ஊற்றி மசித்த உருளையை  சேர்த்து நன்கு வதக்கவும்.

*பின் பால் + ஊறவைத்த குங்குமப்பூ  சேர்த்து வேகவைத்த பின் சர்க்கரை சேர்க்கவும்.

*சர்க்கரை இளகி ஓரங்களில் ஒட்டாமல் சுருண்டு வரும் பதத்தில் இறக்கவும்.

*சுவையான அல்வா தயார்...

முட்டையில்லாத சாக்லேட் மூஸ் /Eggless Chocolate Mousse

தே.பொருட்கள்

Dark Chocolate(Chopped) - 1 கப்
வெண்ணெய் -2 டேபிள்ஸ்பூன்
ஹெவி விப்பிங் க்ரீம் - 1 கப்
ஐசிங் சர்க்கரை - 1/4 கப்
வெனிலா எசன்ஸ் -1 டீஸ்பூன்

செய்முறை
*ஒரு பவுலில் சாக்லேட்+வெண்ணெய் சேர்த்து டபுள் பாய்லர் அல்லது மைக்ரோவேவில் உருகி ஆறவைக்கவும்.

*விப்பிங் கீரிமில் ஐசிங் சர்க்கரை சேர்த்து நன்கு கலக்கவும்.

*இதில்  1/4 கப் விப்பிங் க்ரீமை அலங்கரிப்பதற்காக எடுத்து வைத்து மீதியில் இருக்கும் கீரிமில் பாதியை உருகிய சாக்லேட்டில் மிருதுவாக கலக்கவும்.

*பின் மீதி பாதி விப்பிங் கீரிமை கலந்து  பரிமாறும் பவுலில் வைத்து பிரிட்ஜில் 2 மணிநேரம் செட்டாகவைக்கவும்.

*பரிமாறும் போது மேலே விப்பிங் கீரிமை வைத்து அதன்மீது துருவிய சாக்லேட் தூவி பரிமாவும்.

பி.கு

*இங்கு நான் 85% டார்க் சாக்லேட்  பயன்படுத்தியிருப்பதால் சர்க்கரை சேர்த்து இருக்கேன்.அதற்கு பதில்Semi Sweet Chocolate  பயன்படுத்தினால் சர்க்கரை சேர்க்கதேவையில்லை.

வாணியம்பாடி சிக்கன் பிரியாணி/Vaniyambadi Chicken Biryani

இந்த பிரியாணியில் தக்காளி சேர்க்காமல் வெங்காயத்தினை அரைத்து நன்றாக வதக்கி சேர்க்க வேண்டும்.

தே.பொருட்கள்

பாஸ்மதி -3 கப்
வெங்காயம் -2 பெரியது
கீறிய பச்சை மிளகாய்- 4
புதினா கொத்தமல்லி தலா -1 கைப்பிடி
நெய் -2 டேபிள்ஸ்பூன்
உப்பு+எண்ணெய் -தேவைக்கு

சிக்கனில் ஊறவைக்க‌
சிக்கன்- 1/2 கிலோ
தயிர் -1 கப்
இஞ்சி பூண்டு விழுது- 1 1/2 டேபிள்ஸ்பூன்
மிளகாய்த்தூள் -5 டீஸ்பூன்
மஞ்சள்தூள் -1/2 டீஸ்பூன்

தாளிக்க‌
பட்டை -சிறுதுண்டு
ஏலக்காய் -3
கிராம்பு -4
பிரியாணி இலை -2

செய்முறை
*வெங்காயத்தினை நன்றாக மைய அரைக்கவும்.

*சிக்கனில் ஊறவைக்க கொடுத்துள்ள பொருட்களிளை சேர்த்து குறைந்தது 1 மணிநேரமாவது ஊறவைக்கவும்.

*பாத்திரத்தில் எண்ணெய் ஊற்றி தாளிக்க கொடுத்துள்ள பொருட்களை சேர்த்து தாளித்து வெங்காய விழுதினை சேர்த்து குறைந்த தீயில் நன்கு பச்சை வாசனை போகுமளவு வதக்கவும்.

*பின் கீறிய பச்சை மிளகாய்+புதினா கொத்தமல்லி சேர்த்து வதக்கவும்.

*ஊறவைத்த சிக்கனை சேர்த்து சிக்கன் முக்கால் பதம் வேகும் வரை வதக்கவும்.

*4 கப் நீர்+உப்பு சேர்த்து கொதிக்கவிடவும்.

*நீர் கொதிக்கும் போது அரிசியை சேர்க்கவும்.

*தண்ணீர் நன்கு வற்றி வரும் போது தோசைகல்லை காயவைத்து அதன் பாத்திரத்தை வைத்து குறைந்த தீயில் 10 நிமிடங்கள் தம்மில் போடவும்.

*பின் நெய் சேர்த்து மெதுவாக கிளறி பரிமாறவும்.

பி.கு

*வெங்காய விழுதினை நன்கு வதக்கவும் இல்லையெனில் பச்சை வாசனை அடிக்கும்.

*சிக்கன் நீர் விடும் மேலும் வெங்காய விழுது சேர்த்திருப்பதால் நான் 1/2 கப் நீர் குறைத்து சேர்த்துள்ளேன்.

பீட்ரூட் பொரியல் / BEETROOT PORIYAL

PRINT IT
தே.பொருட்கள்

பீட்ருட் துருவல் - 2 கப்
பொடியாக நறுக்கிய வெங்காயம் - 1 சிறியது
பொடியாக நறுக்கிய பச்சை மிளகாய் - 2
தேங்காய்த்துறுவல் - 1/4 கப்
உப்பு - தேவைக்கு

தாளிக்க

எண்ணெய் - 1 டீஸ்பூன்
கடுகு+உளுத்தம்பருப்பு - தலா 1/2 டீஸ்பூன்
கறிவேப்பிலை - 1 கொத்து

செய்முறை

*கடாயில் எண்ணெய்  தாளிக்க கொடுத்துள்ளவைகளை சேர்த்து தாளித்து வெங்காயம் சேர்த்து வதக்கவும்.

*பீட்ரூட் துறுவல்+உப்பு +பச்சை மிளகாய்+சிறிது நீர் தெளித்து மூடி போட்டு வேக விடவும்.

*காய் வெந்ததும் தேங்காய்த்துறுவல் சேர்த்து கிளறி இறக்கவும்.

ப்ரோக்கலி சட்னி/Broccoli Chutney

தே.பொருட்கள்

ப்ரோக்கலி பூக்கள் - 1/4 கப்
நறுக்கிய வெங்காயம்+தக்காளி - தலா 1
காய்ந்த மிளகாய் - 2
பூண்டுப்பல் - 4
இஞ்சி - சிறுதுண்டு
உப்பு+எண்ணெய் = தேவைக்கு

செய்முறை

*ப்ரோக்கலி பூக்களை உப்பு கலந்த சுடு நீரில் 10 நிமிடங்கள் போட்டு எடுத்து கழுவி நீரை வடிக்கவும்.

*கடாயில் எண்ணெய் விட்டு ப்ரோக்கலி பூக்களை வதக்கி தனியாக வைக்கவும்.

*அதே கடாயில் பூண்டுப்பல்+இஞ்சி+மிளகாய் இவற்றை வதக்கிய பின் வெங்காயம்+தக்காளி சேர்த்து வதக்கவும்.

*ஆறியதும் உப்பு சேர்த்து அரைக்கவும்.கடைசியாக வதக்கிய ப்ரோக்கலியை சேர்த்து கொரகொரப்பாக அரைத்தெடுக்கவும்.